Codinto 1 4:21 - El Nuevo Testamento en matsés

²¹ ¿Mibi yacno nidash puduedshundambi mibi cuesquin cuidacbimbuen chushcape? ¿Adoenquio icquindambi: Mibitedi tantiembi, quequin bëdambuen chuibanquin mibi tantiamepe?

Codinto 1 4:21 Iomraidhean Croise

Codinto 1 4:18

Mibitedi utsi utsiec: Pabado ubi isec chotiapimbo iqueque. Umbimbo chuibannu, quequin chuibanec.

Codinto 1 5:5

aid dada icsambuen naquid nidme. Ma adoacsho ambi tantiacpadombuen Mayan Icsa Satanasën aton dada mëyanac icsambuen nate bunenquio yanacsho Nuquin Icbo chouashun abi yacno ma aton mayan iuedpanuna.

Codinto 2 1:23

Nuquin Papan tantiec, queshun abimbo caondambi. Mibi yacno Codinto yacno nidnu, quiondabi. Adashic: Aido chushcaquin natiamemane, quiash mibi yacno nidenquio iccondabi.

Codinto 2 10:6

Aden tantiaquid dadpen matses iccuededsho issun Nuquin Papan chiacpadombuen nainquio icquin utsin utsinquien ënenquiocsho cumapenen mibi chedobëtabi chushcaindambi: Ma Esus tantiec abitedi bëdambo iccuedednu, queshun.

Codinto 2 10:8

Abi tantiaquid yansho Esuquidistun: Ubi chuibenneta, cashumbic ubi tantiaquido chieshtomenquio icquin ma ubi tantiaquidombo icmenu, quequin chuibanquidbidi icmiondashi. Adoaid icquin cuëshëdmenquiocquin mibitedi chiec nebi.

Codinto 2 12:18

Titobëta Esus tantiaquid utsi mibi yacno nidmiondambi. ¿Adoac mibi yacno nidash tabadquinda Titon muaquin mitsana ampediondash? Ma padenquio iccondac. ¿Umbi tantiacpadombuen tantiaquid icquin ubi tabadacpadquiec tabadquidpenquioda niondash?

Codinto 2 13:10

Mibi yacno nidnumbi mibitedi tantiec tsadquin mimbi iste dada uaic nebi. Mibi yacno nidash puduedshun icsambuec tabadquid nibëdsho issun cumapenen chushcainquio ictsiambi. Nuquin Papan: Esus chuibennequid icta, caid icquin: Ma Esuquidistu tantiaquidquio yampanu, queshun chuibanec nebi. Mibitedi chushcaquin icsamete bunenquio iquebi.

Codinto 2 13:2

Tauambuec nidshun Esuquidistu chuibanac aid tantiaquido mibitedi yanondac. Padpidec nidash pudueduashun icsambuen nadednequid icsho issun: Mimbi icsambuen naid ënta, caondambi. Aden chiondashumbic uannombo icquin nëbi mibitedi chuiuaimbi. Padpidec nidash pudueduashun Nuquin Papan tantiamiacpadombuen icsambuen naquid utsibobëta cumapenen chuiquin chushcaindambi, quequin chuiuaic nebi.

Codinto 2 2:1

Adec nidshun chushcac uënësquio icnushe, quequin tantiec mibi yacno isec nidenquio iquebi, caondambi.

Codinto 2 2:3

Naden tantiaquin mimbi iste dada uaondambi. Ubëd bëdambo iccondaidombi icsambuen nasho isash uënësquio icmane, quiash nidtiapimbo iccondabi. Ubi bëdambo icmetiadquidi mibitedi nec, quequin chiec nebi. Adquido icquin ubi bëdambo icmequin cuishoncamequid nendac, quequin tantiauidondambi.

Codinto 2 3:10

Nuquin Papan ëndenquimboshë: Naden nata, quequin chiaid bëdambuen namebante yampid icnubi nëbi Esus tantiaquidobien bëdambuen isaido nec, quequin chiaid bëdamboshë iquec.

Cadasia 6:1

Cun utsibo, Nuquin Papan Mayanën tantiamiaid icquin mibëtan Esus tantiaquidën icsambuen nasho issun: Esus tantiaquid adesambo neque. Bëdambuequien tabadtiad, quequin bëdambuen chuita. Mibibi datantiadec: Esus bëdambuen tantienquio yec adecbidi icsatsiabi, quequin tantiaquin: Bëdambuec tabadnuna, quequin chuita.

Tesadonica 1 2:7

Ubi chuibenneta, Esuquidistun caidquio nebi. Adoaid icquin chuiquid tapan chiacbimbuen: Ubi nashunta, quequin ¿ancabudquindambi mibitedi chuibandionda? Mambi padenquio iccondac. Anin aton bacuë nëishmenquio icquin bëdambuen namiacbimbuembimbi nëishmenquio icquin mibitedi chuibanondac.

Santiaco 3:17

Padnuen Ambi tantiacpadombuen Nuquin Papan bëdambuen tantiamiaid yec nadquio iquec. Icsambuen nate bunesa nec. Adecbidi utsibobëd bëdambuec tabadquid nec. Adecbidi utsi nashumënquid nec. Adecbidi chushcanesa nec. Adecbidi utsi natiambo icsho uënësquiocquid nec. Adecbidi chuiquidën: Nanuna, cac badedquio: Ai, adonona, quequid nec. Adecbidi cuidmenquiocte bunquid nec. Adecbidi bëdambuen nabanquid nec. Adecbidi: Nëid bëdambuen isquimbi utsi chieshënembi, quesa nec. Adecbidi: Esus tantiaquid nebi, quec muesa nec.