Codinto 1 4:12 - El Nuevo Testamento en matsés

¹² Cuna bednuec cun mëdanten nabanec uinmabudec chonoadquido nebi. Chieshëmënquidon: Icsambocquido nec, quequin icsambuen chuishunaqui aido cuidenquio icquin bëdambo icmequin chuibanquido nebi. Utsibon natiamequin mëyanaqui chieshtoenquio icquido nebi.

Codinto 1 4:12 Iomraidhean Croise

Mateo 5:11

Ubi tantiaquido icsho utsibon chieshënquin icsambuen chuishunsho abëd tabadmenuen Nuquin Papan mibitedi bëdambo icmendac. Adembidi mibi mëyansho issun bëdambo icmendac. Adembidi: Aido icsambo iquec, quequin mibi mua uashobi Nuquin Papan mibitedi bëdambo icmendac.

Mateo 5:44

Aden chiaid icnubi utsi mibitedi chuinu. Tantia. Mibi chieshënquidobi bëdambuen tantiaquin nashumbanta. Chieshënaqui: Ubi chieshënquid bëdambuen ista, Papa, quequin Nuquin Papa chianneta.

Ducas 23:34

Adoac diadequi Esus nadpanëdash: Papa, ubi uënës uanuequidon tantienquio icquin cueste napotiaidën dectanoshibique. Nëidon icsambuen naid tantienquio yec bëshunta, quequin Nuquin Papa chuipanëdash. Adnubic: Esusën dashcute bednu, quequin sondadobon abi cuëmëdquidtedi dada uashun tëchun sandoshon cadotannequin dada uaidëmpi abia puduenquid isbanquin Esusën dashcute bedpanëdash.

Ducas 6:28

Adembidi mibi icsambuen chuishunquid bëdambuen chuita. Adembidi: Ubi icsambuen chuishunquido bëdambuen ista, papa, quequin Nuquin Papa chianneta.

Uanën dada uaid 15:20

Iuan aton icbo dëniactiapimbo icquid, quequin umbi chuibued tantiata. Aden umbi Chiaid icnuc ubi chieshëmbocpadombuembidi mibitsen chieshënuaindac. Adembidi umbi chiacpadombuen naquidën mimbi chiacpadombuentsen naindac.

Hechos 18:3

Nëish iua bitsi shubumpi nacnenquid abipadquid Aquida aton chidobëd icsho issun aidobëd tabadquin Pabadon shubumpi nacnempanëdash.

Hechos 20:34

Adenquio icquin umbibi shubumpi nacnenshun menequin piucquid bedshun cuna bedondambi. Adshumbic umbi bedbuedi ubëd capuquido musuc menebanondambi. Adec ubi chonoadondaid mibitedishun tantiec.

Hechos 7:60

dannëshën sebudash cumapenec cuëdec: Ubi sesequin icsambuen naid tantienquio yec bëshunta, Icbo, quepanëdash. Aden chianec Esteban uënëspanëdash.

Doma 12:14

Utsibon chieshënaqui aidobëd chieshënnanenquio icta. Adenquio icquin: Chieshënmënquido bëdambuen isquin tantiameta, papa, quequin Nuquin Papa chuita.

Doma 12:20

Adembidi naden chuiuapampic: Mibi chieshënquidobi pete bundoacsho pemeta. Acte bundoacsho acmeta. Adoac mibi chieshënquido: Bëdambo icquidi chieshënec icsambo icchitobi, quiash dacuëdendac, quequin chuipampic.

Doma 8:35

Esuquidistun tantiaido icsho ¿tsuntsin nuquitedi Esusbëd cuëshëdmepec? ¿Natiamiac mëyadsho issunda Esuquidistun nuquitedi tantienquio icquin cuëshëdmepec? Padenquio. ¿Natiec tabadshoda Esuquidistun nuquitedi tantienquio icpec? Padenquio. Utsibon chieshënaid icsho bëdambuen isquinc pete nibëdnuc bunsho bëdambuen isquinc dashcute nibëdsho bëdambuen isquinc: Badedquio uënëstsiabi, quec dacuëdec tabadsho bëdambuen isquinc chieshëmënquidon: Badedquio cuessunnenu, casho bëdambuen isquinc caquin Esuquidistun ënenquio icquin nuqui tantiec.

Codinto 1 9:6

¿Bednabebëduidtsëquidabi: Mabi Esus tantiaquidon nashunnu, quenquiocquin chonoadquin chuibanquid nepe?

Codinto 2 11:8

Ma utsibo Esuquidistu chuibennenu, queshun Esuquidistu tantiec iccuededquid utsibon atona sambededaid bedondambi. Aid bedshumbic mibi yacno nidash tabadquin mibi nashunquin Esuquidistu chuibanondambi.

Epeso 4:28

Ampequid icbuedëmbi ampenda. Adquid icbuedi chonoadquin mitsana bedshun utsina nibëdsho issun mosuc menequid icta.

Tesadonica 1 2:9

Cun utsibo. Aden Esusën naid chuibanquimbi nëish iua bitsi tuscaquimbi shubumpi nacnendedniondambi. Badiadën naquimbi inchëshëntsen adembidi nadedniondambi. Mibitedi caic: Ubi menianniac aton piucquid naimëdnushe, quiash cun piucquid bednuec chonoadtedniondabi. Mimbi isnubi adondabi.

Tesadonica 2 3:8

Mimbi pete meniac ¿cun piucquid mibi menenquiodambi ictionda? Bedquin mambi mibi meniannepondac. Aden: Ubi menequin atona uesnushe, quiash cunabi piucquid bednuec badiadën chonoadtedniashic inchëshëntsen adecbidi chonoadtedniondabi.

Timoteo 1 4:10

Adec: Abi yacno abëdi tabadendabi, quequin tantiec ënëdenquio yec chonoadquin Nuquin Papan Chiaidquio chieshtoenquio icquin chuibannuna. Esus tantiaquid uënësacsho cuidenquio icquin Nuquin Papa uënëstiapimbo icquidën abëdi nuqui tabadmendac, quiash chieshtoenquio yec bëdambuec tabadnuna.

Petedo 1 2:23

Adquid icsho abi chieshënquidon mamënshunaqui cuidquin chushcainquio icpanëdash. Aidon natiamequin mëyanaqui: Mibitsen cuidendambi, cainquio icpanëdash. Adenquio yec nadpanëdash: Nuquin Papan matsesën naidtedi tantiaquid icquin bëdambocquido abëdi tabadmequin icsambocquido cuidquin chian annëdënquiacno ma nidmepanu, quiash chieshëmënenquio icpanëdash.

Petedo 1 3:14

Adec bëdambuec tabadsho issun icsambo icquidën natiamequin mëyanacsho mibitedi Nuquin Papan mibi bëdambo icmetsiashe. Utsibo dacuëdënec natiec tabadenda.

Petedo 1 3:9

Chieshënac cuidnanec chieshënnanenda. Chieshënquin icsambuen chuishunac cuidnanec icsambuec chuishunnanenda. Adenquio icquin aido bëdambuen ista. Umbi bëdambuen isaidon ma aton matses bëdambuen isnu, queshun Nuquin Papan abi tantiaquido mibi icmiaque. Bëdambuec tabadta.

Petedo 1 4:19

Nuquin Papan tantiacpaden natiamiac mëyadec Esus tantiaquido ma nadpanuna. Ubi uaquid icquin Nuquin Papan ambi chiampicpadombuen ubi dayun uaquin bëdambuen namec. Aid tantiec bëdambo iquebi, quiash ma bëdambuec tabadpanuna.

Udas 1:9

Nuquin Papabëd icquidon chuiquid tapa icquin Miquedën adotiapimbo icpampic. Aidi Moises uënësacsho isash: Chococanu, quesho tantiashumbien Mayan Icsa Satanasën: Umbiquien bednu, catuidpampic. Adoac: Icsambocquid mibi neque. Cuidnu, cainquiocquin Miquedën: Nuquin Papambi ma mibi chushcapanu, capampic.