Codinto 1 4:10 - El Nuevo Testamento en matsés

¹⁰ Ubitedi Esuquidistun: Ubi chuibennequid icta, caido icquin chuibansho tantiash: Ambembi chiec onquequido nec, quepec. Mibitedien Esus tantiaquido icsho: Bëdambuen tantiaquidquio nec, quequin mibi tantiec. Ubitedi caic: Tantienquiocquid nec, quenubi mibitedi: Tantiaquidquio mibi nec, mimbi ubi capec. Matsesën ubitedi tantienquio icnubi mimbitedi ubi tantiaquiec.

Codinto 1 4:10 Iomraidhean Croise

Mateo 24:9

Adashic abi onquec: Umbi chiacpadquio yannuc chieshëmënquidon ubi tantiaquid icsho mibitedi bedshun utsi utsien mëyanmendac. Utsi utsien cuessunnemendac. Aden nidaid utsi utsiec yacno tabadquido dadpenshun ubi tantiaquido icsho chieshënquiendac.

Mateo 5:11

Ubi tantiaquido icsho utsibon chieshënquin icsambuen chuishunsho abëd tabadmenuen Nuquin Papan mibitedi bëdambo icmendac. Adembidi mibi mëyansho issun bëdambo icmendac. Adembidi: Aido icsambo iquec, quequin mibi mua uashobi Nuquin Papan mibitedi bëdambo icmendac.

Ducas 10:16

Aden chuishumbic ambi: Chuibennec nid, caido chiec: Mibitedishun chuibansho tantiaquido yec ubi tantiaquido nendac. Utsiboen mimbi chiaid tantiesabo yec ubi tantiesabo nendac. Aden ubi tantiesabo icquin ubi chomequid Nuquin Papa tantiesabotsen nendac, quequin Esusën chuipanëdash.

Ducas 18:9

Adashic: Ubiuidtsëqui bëdambocquid nebi, quequin: Utsibotedi icsambo icquido nec, quequido tantiamenuen utsi chiacbimbuen naden Esusën chuipanëdash:

Ducas 6:22

Matsesën Tishaid Esus tantiaquid nec, queshun utsibon mibitedi chieshënquin icsambuen chuishunquin mamënshunendac. Adembidi: Icsambocquid nec, queshun mibitedi cuenmendac. Adoaid icshobi Nuquin Papan mibitedi bëdambo icmendac.

Hechos 17:18

Aden chuibansho tantiash utsi utsiec epicudeobo: ¿Atotsibi cuishoncamepec? quequin chuinëdacpaden tantiaquido Pabadobëd onquepanëdash. Adembidi tantiash estoicobo: Ubi bunactedi dadpen mëmunquin nainquio iquembi, quequido Pabadobëd onqueuapanëdash. Aido Pabadon chuisho tantiate bunenquio yec: Abembi onquecuennequidien nechitec, quenubi utsi utsiec: Matses utsibon papa cain cuënaido chuibanec nepanui, quepanëdash. Pabadon Chiaid Bëda chuibanquin Esus uënësash uincuenaid chuibansho tantiash adpanëdash.

Hechos 17:32

Adec aidi uënës uacsho Nuquin Papan uincuenmepanëdash, quequin Pabadon chuibansho tantiashun utsin utsinquien mamënshunnubi utsi utsiec: Mimbi chuisho padpiden tantiate bunebi, quepanëdash.

Hechos 26:24

Adec Pabado onquesho tantiashien cumapenec cuëdec: Min tantiate icsabudash tantienquio yanec mibi adec onquec. Mimbi tantiaid dadpen icnuc tantiadenash onquechitequien mibi nec, quepanëdash Uesto Pabado caic.

Hechos 9:16

Aden ubi chuibennesho: Mibi natiambo icnuc mëyantequid iquendac, quequin Saudo tantiamendambi, quepanëdash Esus.

Codinto 1 1:21

Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.

Codinto 1 1:23

Aden tantiec tabadnubi nuquitedi: Nuquin Papan Chomiaid Mesias caid yec Esuquidistu abided cuidadec cueste napotiaidën dectanac uënëspanëdash, quequin chuibanec. Adoaquien: Nuquin Papa icsambuen chuishunec, quequin tantiec isadaidbo tabadec. Adnubi matses utsibo: Ambembi chiec tantiadenash onquequid nec, quequin tantiec tabadec.

Codinto 1 1:25

Adec Esuquidistu abided cuidadec uënësnëdaid chuisho tantiash: Nuquin Papan bëdambuen tantienquio icquin ambembi napanëdash, quequin matsesën tantianubi Nuquin Papa cumapenen tantiaquidquio icnuc adquid matses ictiapimbo iquec. Adecbidi: Nuquin Papa nadatiambocquidpenquio icquin Esus uënësmepanëdash, quequin matsesën tantianubi Nuquin Papa nadatiambocquid icnuc adquid matses ictiapimbo iquec.

Codinto 1 10:12

Aden icsambuen nainquio ictsiambi, quequin tantiaquidi abia icsatsiash, quiash chieshtoenquio icquin Esus tantiec bëdambuec tabadta.

Codinto 1 2:14

Nuquin Papan abipadquid aton Mayan meniacmaid icquin: Aidën chiaid abimbo caic, quequin tantiatiapimbo iquec. Aden tantiatiapimbo yec: Ambembi chiec onquequid nec, quepec. Aden Nuquin Papa tantiesabo icquin Nuquin Papan Mayanën chiaid tantienquio icquido nec.

Codinto 1 2:3

Icsambocquid nebi, quiash mibitedi dacuëdampambo icsho isash uëdëquec dacuëdondabi.

Codinto 1 3:18

Adec aid tabadtequid iquequi mibibi mua uadec tabadenda. Matsesën ambibi cumapenen tantiaquin chuibanaid tantiash: Tantiaquidquio nebi, quenda. Matses dadpen tantienquio icquidbimbuecquid icta. Matsesën tantiacpaden nainquiocquin abimbo tantiaquin nabanquid yec tantiaquidquio mibitedi yanendac.

Codinto 1 3:2

Bacuëmpi nëbi tishtsaidën shumauidi chishquin pete tsasimbocquid penquio iquec. Adquidbimbuec mibitedi icsho issun: Tantienquio icnushe, queshun Nuquin Papan Chiaid daëdpactsëc chuibanondambi. Aden chiondaqui ënden iccondacpadquiobidi mibitedi nëbi icuapec.

Codinto 1 4:8

Mibi bunaidtedi mitsana dadpen bedash mibi tabadec. Aden bedquido yec chuiquid tapabobimbuecquin mimbi ubitedi bëdambuen istiapimbo iquec. Abimbo chiec: Chuiquid tapambo nebi, mibitedi quenuc mibëd chuiquid ictsiandabi.

Codinto 2 10:10

Mibitedi dacuëdmenu, quenquio icnubi umbi dada uaondaid issun naden utsin utsinquien chiec: Cumapenec chushquequin chuiquidën chiacbimbuen Pabadon dada uac. Nëmbo choshon aden chuitiapimbo iquec. Tantiadtiapimbo icnuc chuibanondash, quequin aidon ubi icsambuen chuishunec.

Codinto 2 11:19

Bëdambuen tantiaquidombo mibitedi nec. Padnuen utsibo muaquido mamënmenuec tantiesa onquiacbimbuen ambembi chuisho mibitedishun tantiec.

Codinto 2 11:29

Esuquidistu tantiaquid nënec daicsabudsho isash aid daicsaidbimbuec uënësquio ictednebi. Esuquidistu tantiaquid icsambuen namiosh, quesho tantiash: Icsambuen namequid cuidpashun, quec chieshec tsadtedniobi.

Codinto 2 13:9

Utsibon: Bëdambuen chuibanquidpenquio nec, ubi canubi: Mibi bëdambuec tabadsho isash bëdambo iquebi, quec tsadtsiabi. Mibi tantiaquin: Codinto yacnocquido icsambuen nainquio yec bëdambuec tabadquiduidquio icmeta, quequin ënenquio icquin Nuquin Papa chiannembi.

Codinto 2 4:12

Aden chieshënquin mëyanac uënëstsenshumbi abi Esus chuibanquid nebi. Aden chuibanac Esus tantiabenec chuca uaid yanash aidbëd ënëdtiapimbo yec tabadtequid mibitedi nendac.

Codinto 2 6:8

Utsin utsinquien ubitedi bëdambuen isquin bëdambuen chuinubi utsibon ubi icsambuen chuishunaqui bëdambo iquebi. Bëdambuen chiaqui: Muaquid nec, quenubi abimbo chuiquidquio nebi.

Tesadonica 1 4:8

Aden chuisho tantiashun umbi chuibambued niacquin matsesën chiaidpenquio mibitedishun niaquendac. Aton Mayan nuqui menequidën Nuquin Papan Chiaidquio mimbi niaquendac.

Petedo 1 4:14

Esuquidistu tantiaquid nec, queshun chieshënquin icsambuen chuishunshobi Nuquin Papan mibi bëdambo icmendac. Adoshon Nuquin Papan aton Mayan Bëdamboshëcquid mibëd cuëshëdmenquio icquin tabadmendac.