Codinto 1 3:9 - El Nuevo Testamento en matsés9 Nuquin Papa nashunquid icquin Esuquidistu chuibennequid Apodobëd nebi. Adquid icnubi umbi tied dëdshun nitsinaidbimbuecquido mibitedi nec. Adecbidi Nuquin Papana umbi shubu uaidbimbuecquidbidi mibitedi neuaic. Faic an caibideil |
Tantia. Umbitsen mibi chuinu. Cuënotebimbuecquid nec, quequin mibi Petedo cuënondambi. Cuënote dapa utsi ictiapimbo yacbimbuec chieshtoenquio icquid iquendac, queshun mibia ubi tantiaquidon chuiquid tapambo icmendambi. Adoac mimbi chuibanaido ubi tantiaquido iquendac. Aidotedi abi chieshënquidon cuessunemequin uesquin nibëdanmetiapimbo iquendac.
Aid bëdanmequid mimbi tantienquio iquec. Shubu uaquidën buintad bëdamboshëcquidi isuidacbimbuen mimbi Esus tantienquio iquec. Utsibombien aid buintad isuidaidi bedshun bëdambuenshë shubu uaquid. Adoacbimbuen mimbi: Icsambo iquec, caidi Nuquin Papan matses bëdambuen isquin bëdambo icmequidquio Esus icmiac.
Tiedën pete ëshë siacbimbuen mibitedi Nuquin Papan Chiaid: Ma Esuquidistu tantiaquiono, queshun chuibanondambi. Iuecash Apodotsen mibi yacno nidshun tiedën nidtsinaid: Ma bëdambuec caninu, queshun acte machiuindoniacbimbuen: Esuquidistu ma udictsëc tantiaquiono, quequin chuibanuapanëdash. Aden ubi daëdshun chuibannubi pete ëshë canimiacbimbuecnuc Nuquin Papan mibitedi tantiamebampanëdash.
¿Matsesën ambibi nacnenshun papa caid tantiaquidta aton Mayan Nuquin Papan meniaid icpadic? Padenquio. Abi tantiaquid yec abi tabadtequid nuquibi nec. Adec Nuquin Papa uënëstiapimbocquidbëd tabadtequido nuqui nec. Nuquin Papan dada uamiampid nad iquec: Ubi tantiaquidobëd iquendabi. Aidobëd capuendabi. Aidon Papa caid nendabi. Aido cun matses nendac, quepampic Nuquin Papa.
Esus tantiaquido iccuededquin nadoquid, quequin Pabadon chiacpadombuen nanuna, cata. Nuquin Papambo uënëstiapimbocquidtsen tantiaquido nuqui nec. Aid tantiaquido icquin Nuquin Papan Chiaid utsi uaquin chienquio icquin aid abimbo chuiquid icquin ambi chiacpadombuen naquid nuqui nendac, quequin chuita.
Padnuen Esuquidistu Nuquin Papan Madombo nec. Adquid icquin aton Papan shubun icquido namequid nec. Aden aton shubun icquido dayun uacbimbuen nuqui dayun uaindac. Adoac aidën shubun icquidbimbuecquid nebi, queshun chieshtoenquio icquin Nuquin Papan chiacpadombuen nuqui naindac. Aden naquido icsho abi yacno nuqui tabadmendac, quiash cuishonquequin abi cainquido Esusën dayun uaindac.
Aden Esus tantiaquido yec buintad tsasimbocquid yacbimbuecquido mibitedi nec. Adquid icsho Nuquin Papan aton shubun tabadtequido mibitedi icmendac. Adoac: Nuquin Papa bëdamboshë iqueque. Aidën chiacpadombuenuidi nate bunebi, queshun Esuquidistu uidtsëqui tantiec bëdambuec tabadquid mibi yanendac. Adsho isash nuadte bëda pichicasho shëdacbimbuec: Bëdambo iquec, quependac Nuquin Papa.