Codinto 1 3:10 - El Nuevo Testamento en matsés

¹⁰ Nuquin Papan ubi bëdambuen isquin: Esuquidistu mimbia chuiban. Ma tantianu, cac mibitedi chuibanondambi. Shubu uanun buintad bëdambocquid teshun aidba tabëcacbimbuen umbia chuibanondambi. Adshumbic utsibontsen adombuembidi aidbidi chuibenneuaic. Aden chuibennequidon: ¿Adambi bëdambuen shubu uapoba? quiacbimbuen tantiac bëdambo ictsiash.

Codinto 1 3:10 Iomraidhean Croise

Mateo 24:45

Adshumbic abi cainte Esusën naden chuiuapondash. ¿Icbon chiac Mitsi padquid iuan abipadquid utsibo bëdambuen namepec? Adquid chuinu. Tantia. Pete tambanquin musucshun umbi namiaid utsitedi bëdambuen menebanta, quequin ambi namiaid utsi abentsëc chianec icbo nidec.

Mateo 7:24

Adshumbic Esusën padpiden naden chuipanëdash: Umbi chuibambued tantiashun umbi chiacpadombuen nata. Aden nabanquid yec shubu uaquin bëdambuen tantiaquidbimbuec mibi ictsiaque. Tantia. Chuinu. Bëdambuen tantiaquidënquio mannanënquio buintad tabëcshun shubu uaquid nendac.

Ducas 11:35

Bëdambuen tantiec tabadbuedi: Icsambuec tabadmane, queshun abimbo tantiata.

Ducas 21:8

Adoaquien Esusën: Tantia. Mibi chuinu. Muaquidoba choendac. Aidon chuisho tantiash: Abimbuen cachitec, quec mua uadenda. Adquido choshon: Nuquin Papan Chomiaidquio Quidistu caid nebi, quequin muaquin chiaqui matses dadpenshun: Ai, abimbo mimbi caic, capendac. Aden chuibanquido icsho tsibanenda. Adembidi utsin: Nuquin Papan matses abitedi cuidte uëshë nëbi nec, quequin chuisho tantienda.

Hechos 18:27

Adoac iuec tabadquin Epeso yacno chuibanashic: Nidaid Acaya caid yacno nidnu, quesho tantiashun Epeso yacnocquid Esus tantiaquidon naden dada uashun Apodo menepanëdash: Nëid dada uaid buanquid Apodo cuëmëdquid Esus tantiaquid nec. Umbi bëdambuen isaid neque. Iuedta, quequin dada uashun menepanëdash. Aden meniac puduanec nidec nidaid Acaya caid yacno nidash puduedshun Esus tantiaquido bëdambuen tantiamenuen chuibampanëdash.

Doma 1:5

Aidëmbi ubi tantiaquioquin: Ma nëidën nidaid utsi utsiec yacno nidshun chuibenniac matses utsibontsen ma ubi tantiaquin umbi chiacpadombuen nanu, quequin ambi naidbëta ambi chiaid chuibennequid Esuquidistun icmepondashi.

Doma 12:3

Nuquin Papa bëdambocquid icquin: Esus chuibennequid icta, caid nebi. Adquid icquin mibi chuinu. Tantia. Tantiaquidquio nebi, quequin mibitedishun tantienda. Adenquio icquin Esus tantiaquid icsho Nuquin Papan tantiamequin namiaid nebi, quequin tantiata.

Doma 15:15

Aden tantiashun: Nëishënnushe, quenquio icquin bëdambuec tabadta, quequin abimbo chuiquin nëid dada uaimbi. Nuquin Papan: Esus chuibenneta, caid icquin mimbi ënden tantiaidbidi ma bëshunenquio icquin bëdambuen tantianu, queshun dada uaimbi.

Doma 15:20

Esuquidistun naid Chiaid Bëda chuibanacmanombo chuibennetiadquio iquebi. Utsibomba Esusën naid chuibanacno nidte bunenquio iquebi.

Codinto 1 3:11

Umbi buintad tabëcaid icnubi utsi nitsintiapimbo yacbimbuen umbia Esuquidistu chuibanan utsibon utsi uaquin chuibantiapimbo iquec.

Codinto 1 9:2

Utsibon: Esuquidistun: Ubi chuibenneta, caidpenquio nec, quequin ubi tantiec. Aden tantianubi mibitedishun: Esuquidistun: Ubi chuibenneta, caidquio nec, quequin ubi tantiec. Umbi chuibanac Esus tantiaquido mibitedi yanshun: Abimbo chuibanquidquio nec, quequin mimbi ubi tantiec.

Codinto 2 10:15

Adecbidi: Utsibon chuibanac Esuquidistu tantiaquid yanosh, quesho tantiash: Umbiuidtsëqui chuibanac Esuquidistu tantiabenosh, quenquio iquebi. Adenquio yec mibëdi tabadquin umbi chuibanac aid tantiaquido mibitedi yanondac. Adondacsho isash: Esuquidistu tantiaquidombo ma yampanu, quec mibitedi tantiec mibi yacno niduate bunebi.

Epeso 2:20

Mibitedi Esus tantiaquido yec shububimbuecquido nec. Adquido icsho Esuquidistun: Ubi chuibenneta, caidobëtan Nuquin Papan oncamiampidon chuiquin dada uaid shubu uanun nacnenquin nitsinacbimbuen chuibansho tantiaquido nec. Aid shubun buintad bëdambocquid nitsinaid nidquidbimbuecquid Esuquidistu nec.

Codosas 1:29

Adquid mibitedi icmenuen badiadquidën badiadquidënquien Esuquidistu nadatiambocquidën namiac uidënquio yec chieshtoenquio icquin chuibennec nebi.

Codosas 4:17

Adembidi Adquipo cuëmëdquid naden chuita. Nuquin Icbo Esuquidistun: Naden nata, caid icquin bëdambuen tantiaquin nabanta, quequin chuita.

Timoteo 1 4:16

Nuquin Papan Chiaid niacmane, quec mibibi datantiadec: ¿Adabi bëdambuec tabadpeba? ¿Adambi Nuquin Papan Chiaidquio muainquio icquin chuibampoba? quec mibibi tantiadta, mado. Bëdambuec tabadquin Nuquin Papan Chiaidquio ënenquio icquin chuibanta. Aden Nuquin Papan chiacpadombuen chuibanash Aidbëd mibi tabadendac. Mimbi chuibansho bëdambuen tantiaquidotedi adecbidi Esusbëd tabaduaindac.

Timoteo 2 2:15

Mimbi bëdambuen naoc, Nuquin Papa camenuen bëdambuen nata dacuëdenquio icquin. Umbi naid ma Nuquin Papan isnu, queshun adota. Ambi chiaid bëdambuen isban isbanshun chieshtoenquio icquin Nuquin Papan Chiaidquio chuibanta, mado.

Santiaco 3:1

Cun utsibo, Nuquin Papan Chiaid tantiamequid icte dadpen bunenquien ictiad. Nuquin Papan Chiaid tantiamenu, queshumbi aidën chiaidpenquio icnuc chuibanquin tantiamequid icsho issun cumapenquien cuidendac, quequin nuquitedi tantiec.

Petedo 1 4:11

¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.

Petedo 2 3:15

Naden mibitedishun tantiata: Ubitedi tantiaquid icquin Nuquin Icbon abi yacno tabadmenuen badedquio ubitedi cuidenquio iquec, quequin tantiec tabadta. Adembidi mibitedi chuiquin nuquin buchi Pabadon Nuquin Papan cumapenen tantiamiac chuiquin dada uapaccondash.

Esusën Uan ismiaid 21:14

Aid shubu daquënë uadonon sandoaid nidaid cuënote nuamboshëcquid 12ted icnuc sandobanaidën Obecabimbuecquidën: Ubi chuibenneta, caido 12ted icquidon cuëmëdquid cuëmëdquidquien aid cuënoten dada uabampaccosh.

Esusën Uan ismiaid 21:19

Aid daquënë uaquin tauaquin sandoaid cuënote dapa casëdobimbuecquid bëdambo isadquid utsi utsien dabitaccabanaid neposh. Bedanquin diamante caid acte actectsëcquiocquid dabitaccabampaccosh. Utsibic sapido caid umumbocquid. Utsibic acata caid ushumbocquid. Utsibic esmedadda caid umumbocquid utsi.