Codinto 1 15:52 - El Nuevo Testamento en matsés

⁵² Ambi namiaidën abucshun ënquin shoncanubi ëshë badedquio bëchicquetanacbimbuec badedquio uënësaidotedi uincuenendac. Adash padpidec uënësenquio iquendac. Nuquitedi dada chuca uaquin uënësesa Nuquin Papan icmendac.

Codinto 1 15:52 Iomraidhean Croise

Mateo 24:31

Adnuc nua shoncanubimbi Nuquin Papabëd icquidombo naden chuiquin: Ubi tantiaquido bedtan, caindac. Adoac nidaid utsi utsiec yacno nidanneshun ubi tantiaquido abitedimbo bedtanendac.

Uanën dada uaid 5:25

Adashic padpiden chuiuaic: Tantia. Mibi chuinu. Uënësacbimbuen ubi tantienquio icbuedombi Nuquin Papan Mado icsho ubi tantiaquid yec uënësacsho uincuenmeshun ubëdi tabadmendambi.

Uanën dada uaid 5:28

Ubi adsho tantiash tantiadempambo yec tabadec: ¿Abimbobida capec? quequin tantienda. Cun Pan tantiacpadënquio umbi cuënac uënësaidotedi uincuenendac.

Codinto 1 15:23

Ambi tantiacpadombuen Nuquin Papan Esuquidistuba uincuenmepanëdash. Adoshombic Esuquidistu padpidec chonoc abi tantiaquido uënësaido uincuenmendac.

Codinto 1 15:42

Adquiecbidi matses uënësash uincuentequid iquec. Uënësacsho chococac nami chodquec. Adec nami chodquiacsho Nuquin Papan uincuemequin dada chuca uac chodquesa yanendac.

Codinto 1 15:50

Tantia, cun utsibo. Matses yec dada namibëd intacchoquid icnuc Nuquin Papan namiacno tabadtiapimbo iquendac. Uënësash aton dada chodquetequid icnuc Nuquin Papa yacno tabadtiapimbo iquendac.

Tesadonica 1 4:15

Tantia. Nuquin Icbo Esusën chiaidquio mibitedi chuinu. Nuquin Icbo Esus nidaidën padpidec chonoc aid bëquedec Esus tantiaquido uënësabi icquido abia abuc nidenquio iquendac.

Petedo 2 3:10

Adnubien matses: Nëbi choec, quenquio icnubi Esus badedquio choendac. ¿Nëid uëshëmbi ampequidën cuna bedec choec, quequinda tantiapec? Padenquio. Adacbimbuec: Nëbi choec, quequin tantienquio icnubi Esus choendac. Choshon acquimbuen toncac abitedi nibëdanendac. Uispa yec inchëshën uëshë yec badiadën uëshë yec quec icbuedi nibëdquiecnuc nëdëncaindac. Nidaid abichobimbo nëdënquenuc aidën icquidtedi pichiquendac nibëdquio yec.

Esusën Uan ismiaid 8:13

Adshun isaquien chiqui dapa abuc cuenec matsesbimbuec naden chiec cumapenec cuëdcuemposh: Padtemboshë, padtemboshë, padtemboshë, matses nidaidën tabadquidotedi cuidac mëyadtequidombo nec, queposh. Shoncabi icbuedon Nuquin Papabëd icquid utsibo 3tedshun shoncabedednuc Nuquin Papan icsaido cuidte tantiac dacuëdampamboshë iquec, quec cuëdcuemposh.

Esusën Uan ismiaid 8:2

Adnubien Nuquin Papabëd icquidombo 7ted: Nuquin Papan chiacpadombuen nanu, quec aid bëisec nidtoash tabadposh. Adsho issun 7ted icquid shoncate icbo icbuen menebamposh.