Codinto 1 15:45 - El Nuevo Testamento en matsés

⁴⁵ Nuquin Papan naden chuiquin dada uamepampic: Bëyuc dada icquid Adan caidba tiboquequid yanmepampic, quequin chuipampic. Adanën tsiuec chomiaid Esuquidistu nec. Aidëmbi abi tantiaquid uënësacsho uincuemeshun Aton Mayanën uënësesa icmendac.

Codinto 1 15:45 Iomraidhean Croise

Uanën dada uaid 1:4

Aidquio Nuquin Papa yacno tabadmianquid nec. Nuquin Papapadquidquiobidi yec: Nadquio Nuquin Papa iquec, quec tantiamianquidquio Esus nepondash.

Uanën dada uaid 10:10

Padnuen ampe choshon cuessunniacbimbuen ubi tantiesabon matses bëdambo icmetiapimbo iquec. Umbien ubi tantiaquid bëdambuen tabadmeshun Nuquin Papa yacno tabadtequid icmenuec chondac.

Uanën dada uaid 10:28

Aido uënësacsho Nuquin Papa yacno tabadmendambi padpidec uënëstiapimbo icnuc. Uënësabi icsho bëdambuen dayun uaindambi. Umbi adosho icsamianquidën: Iuanu, quequin ubi bedshuntiapimbo iquendac.

Uanën dada uaid 14:19

Nëbi iuecpactsëcshun ubi nidacsho ubi tantiesabon ubi isenquio icnubi mibitedishun ubi uincuenacsho isendac. Adec uincuenaid icquin mibi uënësacsho uincuenmendambi.

Uanën dada uaid 14:6

Adoaquien Esusën: Nuquin Papa yacno nidte tantiamequidquio nebi. Nuquin Papan Chiaiduidtsëqui chiec muesambo nebi. Adquid icnuc ubiuidtsëqui tantiash Nuquin Papa yacno tabadendac.

Uanën dada uaid 4:10

Adshobien Esusën naden chuipanëdash: Nuquin Papan bëdambuen isquin natebëta ubi tantiaquid icquin: Acte bec cho, mimbi ubi catsiac. Adsho acte bëdambo icmianquid mibi acmetsiambi, capanëdash.

Uanën dada uaid 4:14

Padnuen umbi acte acmiac acquidtedi padpidec bundoenquio ictsiash. Umbi acte ushumbo pududquequid acmiac ënëdenquio yec ubëd tabadtequid mibi yantsiandac, quepanëdash Esus.

Uanën dada uaid 5:21

Cun Pa uënësaid uincuenmequidquio nec. Aid padquidquiobidi icquin matses umbi tantiaidotedi uincuenmendambi.

Uanën dada uaid 6:33

Aid petebimbuecquid Nuquin Papa yacnouësh Choquidëmbien matses abi yacno tabadtequid icmendac, quepondash Esus abibi cadec.

Uanën dada uaid 6:54

Padnuen cun nami pequinc cun intac acquinc cash Nuquin Papabëd ënëdenquio yec tabadtequid mibi iquendac. Adquid icsho ubëdi tabadmenuen uënësaido uincuenmete uëshënquio uincuenmendambi.

Uanën dada uaid 6:57

Cun Papa ubi chomequid uënëstiapimbo icquid yec matses uincuenmequidquio nec. Aidën chomiaid icsho cun nami piacbimbuec ubi tantiec tabadquid uënësacsho uincuenmequin uënëstiapimbo icquid icmendambi.

Uanën dada uaid 6:63

¿Nami pequinc intac acquinc cashta mibi bëdambo icpatsia? Padenquio. Nuquin Papan Mayanën umbi chuibuedbëta ubi tantiamequin matses bëdambuec tabadquid icmetsiash. Adoaid yec Nuquin Papa yacno ubëdi tabadendac, quepondash Esus.

Uanën dada uaid 6:68

Simon Petedon: Padenquio, Icbo. ¿Tsudabëd icnundambi mibi niannuc? Mibi padquid utsi nibëdec. Mimbiuidtsëquien: Ubi tantiaquid bëdambuen isquin uënësacsho uincuenmeshun ënëdenquio yec ubëd tabadmendambi, quequin mimbi chuipoc.

Hechos 3:15

Aden mibitedishun Esus uënës uamepondac. Aiduidtsëqui Nuquin Papabëd matses tabadmequid icsho uënës uamiacshobien Nuquin Papan uincuenmepaccondash. Aden uincuenmiacsho ubitedishun ispondambi.

Doma 5:17

Abi chuibuedi niacquin Nuquin Papa cuidmiash Adan uënëstequid yannëdacpadequi matses abitedi uënëstequiduidquio iquec. Esuquidistunuidtsëqui nac Nuquin Papan matses icsaisabimbuecnuc bëdambuen isquin: Piucquid ubi mene, quenquio icquin abi yacnombo abëdi Nuquin Papan bëdamboshë yacno tabadmendac.

Doma 5:21

Tauaquin matsesën icsambuen nasho cuidac uënëstequidouidquio yampampic. Adsho issun matses bëdambuen isnuen Nuquin Papan Ambi Chiaid niaquesambo Esusded cuidmepanëdash. Nëbi Nuquin Icbo Esuquidistu uidtsëqui tantiasho Nuquin Papan nuquitedi icsaisabimbuecnuc bëdambuen isquin ënëdenquio icnuc abëdi tabadmendac.

Doma 8:2

Nuquin Papan aton Mayan meniac nuqui Esuquidistubëd abentsëc yacbimbuec tabadquido nec. Adquido yec nëbi mëtaniacbimbuec icsambuec tabadbuedi mënchicacbimbuec bëdambuec tabadquid yanash nuqui uënësacsho cuidenquio iquendac.

Codinto 1 15:46

Bëyuc matses uaid aton dada icquid nec. Adshumbic tsiuec aton mayan uënësesa icmiaid nec.

Pidipos 3:21

Choshon aidëmbi nuquin dada icsactsëcquio icbuedi aton dada chuca uacpadombuen nuquin dada chuca uaindac. Abitedishun Icbombo yec nadatiambocquid yec abitedi namequidquio icquin aden nuquin dada chuca uaindac.

Codosas 3:4

Adoaido yec Esuquidistu padpidec choshon abi yacno buanshun abipadquid icmiac mibitsen bëchamauanquiec iquendac.

Ebedeo 9:14

Esusën intaquëmbien Nuquin Papa yacnombo matses puduedmetequidquio nec. Nuquin Papan Mayan Bëda uënësesambo icquin dayacquio icmiac Esuquidistu icsambuen naisambo yequi matsesën icsambuen naid bedshunec abided cuidadec uënëspanëdash. Adec uënësaid icnuc nëbi naden nuqui tantiec: Umbi icsambuen naidtedi tantienquio yec bëshunquin ambi cuidtequid icbuedi Esusën mënchicaid icsho Nuquin Papan ubi cuidenquio iquec, quequin nuqui tantiec. Nuquin Papa uënëstiapimbocquidën namiaid icmenuec adec Esus uënëspanëdash.

Esusën Uan ismiaid 16:3

Adnubien Nuquin Papabëd icquid utsintsen ambi bedbued dëshoten cushtoaid acte dapa mad caid nëchiuimposh. Adoaquien intacposh. Matses cuessunniaidën intacbimbuecnuc intacuaidën acten icquidtedi uënësbudneposh.

Esusën Uan ismiaid 21:6

Adashic padpidec onquec: Umbi chuiboctedimbo nainquin naindambi. Ëndenquimboshë icpampid iquequi nibëdantiapimbo icquid nebi. Adquid icquin umbi uaidtedi nainendambi. Adquid yec ubi chiec acte bundoash: Ubi acte acme, quesho: Piucquid bec cho, quenquio icquin nidaidënuësh acte ushumbo pududquequid cushtoshon amiacbimbuen ënëdenquio yec ubëd tabadtequid icmendambi.

Esusën Uan ismiaid 22:1

Aden ismeboshombic Nuquin Papabëd icquidën padpiden ismeuaposhi. Adoac acte Nuquin Papabëd tabadmetequid uënësenquio icmetequid icposh. Acte bëdambocquid acte actectsëcquio isadquid nushan nibëdquidquio chëuëdsho ispombi. Aidi Nuquin Papabëd Obecabimbuecquid tsadte dapan tabadacnouëshquio choec chëuëdposh.

Esusën Uan ismiaid 22:17

Adsho tantiashun Nuquin Papan Mayambëtan Obecabimbuecquidën chidobimbuecquidën: Cho, cun Icbo Esus, capec. Adembidi chuibansho Esus tantiaquidotedishun: Cho, cun Icbo Esus, capec. Adshumbic: Acte bundoash ubi acte acme, quesho: Piucquid bec cho, quenquio icquin acte ushumbocquid cushtoshon acmiacbimbuen ënëdenquio icnuc abëd tabadmendac.