Codinto 1 15:43 - El Nuevo Testamento en matsés

⁴³ Matses uënësacsho chococaid icsambo pisadec. Aton dada chococaid yec uidëmpentsëcquio iquec. Uënësaid uincuenmiac bëdamboshë yec uidënquio iquendac.

Codinto 1 15:43 Iomraidhean Croise

Mateo 13:43

Padnuen ubi tantiec bëdambuec tabadquido Nuquin Papan namiacno nidash bëdamboshë yec uëshë chënquiacbimbuec bëchamauanquiec iquendac. Umbi aden chuibambued tantiashun pabiate shëcuë choquidën bëdambuen tantiata, quepondash Esus.

Uanën dada uaid 8:49

Adoaquien Esusën: Mabi Mayan Icsa Satanasën iua dapuduedambo iqueyoc. Ma matsesën Cun Pa tantianu, quequin mambi abimbo chuibaneyoc. Adshobi icsambuen chuishunquin: Muequi nec, mibitedishun ubi capec.

Codinto 1 6:14

Nadatiambocquid icquin Nuquin Papan Nuquin Icbo Esuquidistu uënësacsho uincuenmepanëdash. Adombuembidi nuquitedi uënësacsho uincuenmendac.

Codinto 2 13:14

Adembidi: Nuquin Papan tantiaidquio nebi, quequin tantiaquiota. Adembidi: Aton Mayan Bëda ubëd iquec, quequin tantiec mibitedi tantiananquiota. Amen. Aidted chuiquin dada uaombi.

Codinto 2 13:4

Aidi nadatiambocquid icbuedi matses yec uidëmpentsëcquio icsho cueste napotiaidën dectanac uënëspanëdash. Adoacsho Nuquin Papan uincuenmiac uënësesa yampanëdash. Aid tantiaquidquio icquimbi umbibi nadatiambocquin nabantiapimbo icshobi abi chuibanquid Nuquin Papan icmiondashi. Adembidi abëd abentsëc yacbimbuecnuc icmequin mibitedi nashunquid icmiondashi.

Pidipos 3:10

Aden tantiabenshun Esuquidistu tantiate bunquiebi. Nadatiambocquid icquin Nuquin Papan uincuenmiac nadatiambocquidbidi icquin Esusën bëdambuen tabadmetsiashi, quec Esus tantiate bunquiebi. Nuquin Papan chiacpadombuen nasho natiamequin mëyanac Esus uënëspanëdash. Adombuembidi Nuquin Papan namiacpadombuen nasho mëyanquin cuessunniac bëdambo ictsiabi.

Codosas 3:4

Adoaido yec Esuquidistu padpidec choshon abi yacno buanshun abipadquid icmiac mibitsen bëchamauanquiec iquendac.