Codinto 1 15:23 - El Nuevo Testamento en matsés

²³ Ambi tantiacpadombuen Nuquin Papan Esuquidistuba uincuenmepanëdash. Adoshombic Esuquidistu padpidec chonoc abi tantiaquido uënësaido uincuenmendac.

Codinto 1 15:23 Iomraidhean Croise

Mateo 16:27

Matsesën Tishaid yec Nuquin Papa yacnouësh cun Pabëd icquidobëd bëchamauanquiec choshon Nuquin Papan abitedishun Icbo icmiaid icquin matses cuidte chiendambi. Nuquin Papa tantiec bëdambuec tabadquid icsho aidbëd tabadmequimbi Nuquin Papa tantienquio yec icsambuen naic tabadquido icsho natiamequin cuidendambi.

Mateo 16:28

Aden chiashic Esus: Abimbo chuinu. Tantiata. Nëmbo tabadquid ubi tantiaquid utsi utsiec uënësabi yec nidaidën abi tabadquin Matsesën Tishaid yec abitedishun Icbombo icmiacsho isendac, quepondash Esus.

Hechos 26:23

Nuquin Papan Chomiaid Quidistu Mesias caid mëyanquin uënës uaqui daëdec ushash abia uincuenshun: Ubi tantiaquid ubëdi tabadendac, quequin aton matses isadaidbobëta isadaidpembo tantiamequin Quidistun chiendac, quequin chiampicpadembi chuipanëdash, quepanëdash Pabado iccuededquido chiec.

Codinto 1 15:20

Esuquidistu Nuquin Papan abia uincuenmepanëdash, quequin umbi chiaid ma abimbo iqueyoc. Aidba uincuenmeshun ambi tantiacpaden abi tantiaquidotsen abitedimbo uincuenmendac, quequin abimbo chiec nebi.

Codinto 1 15:52

Ambi namiaidën abucshun ënquin shoncanubi ëshë badedquio bëchicquetanacbimbuec badedquio uënësaidotedi uincuenendac. Adash padpidec uënësenquio iquendac. Nuquitedi dada chuca uaquin uënësesa Nuquin Papan icmendac.

Codinto 1 3:23

Mibitedi Esuquidistuna nec. Esuquidistu Nuquin Papana nec.

Codinto 1 6:14

Nadatiambocquid icquin Nuquin Papan Nuquin Icbo Esuquidistu uënësacsho uincuenmepanëdash. Adombuembidi nuquitedi uënësacsho uincuenmendac.

Codinto 2 10:7

Ambi isaiduidi tantiec utsi utsiec onquec: Esuquidistu tantiaquid nebi, quequi aido: Pabado icsambocquid nec, quepec. Adec onquequidobi: Pabadotsen Esuquidistu tantiaquid nec, ma quenu, quequin chiec nebi.

Cadasia 3:29

Adembidi Esus tantiasho ambi Abadauan bëdambuen isampicpadombuen Esuquidistu tantiasho Nuquin Papan nuqui bëdambuen isquin bëdambo icmec ambi Abadauan chiampicpadombuen. Adec Abadauanën tsiuecquido nuqui nec.

Cadasia 5:24

Esuquidistun iuabo icquin nuqui icsambuen naidbëta nuqui icsate bunaidtedi bedshun cueste napotiaidën dectanquin cuessunniacbimbuen nuquitedi ënondac.

Pidipos 3:11

Adshun uënësaido uincuenmete uëshë cainec bëdambo iquebi, quequin tantiembi.

Tesadonica 1 2:19

Nuquin Icbo Esuquidistu choan aidbëd tabadquin ¿tsutsimbi ispatsia? ¿Tsutsi isashini cuishonquepatsia? ¿Tsutsi issumbimbi: Is. Umbi chuibanac Esus tantiabenondaido neque, capatsia? Mibi issumbimbi adoendac.

Esusën Uan ismiaid 1:5

Adembidi Esuquidistun mibi bëdambuen isquin bëdambo icmendac. Nuquin Papan bëdambuen iste tantiamequidquio aidi nec. Abia aton dada uënëstiapimbo icquid icmequin uincuenmiaidquio nec. Adquid yec abitedishun Icbombo nec. Aidënuidtsëqui nidaidën tabadquidën chuiquid tapa abitedimbo namendac. Aidi nuqui tantiaquidquio yec nuqui cuidmenquio icnuec nuqui icsambuen naid bedshunash abided cuidadec intac chididiquec uënëspondash.