Codinto 1 15:20 - El Nuevo Testamento en matsés

²⁰ Esuquidistu Nuquin Papan abia uincuenmepanëdash, quequin umbi chiaid ma abimbo iqueyoc. Aidba uincuenmeshun ambi tantiacpaden abi tantiaquidotsen abitedimbo uincuenmendac, quequin abimbo chiec nebi.

Codinto 1 15:20 Iomraidhean Croise

Hechos 2:24

Aden mimbi aton dada paëmbo icmequin uënës uacshobien Nuquin Papan: Matsesën nibëdquiecnuc uënësmetiapimbo iquec, queshun Esus uincuenmepaccondash.

Hechos 26:23

Nuquin Papan Chomiaid Quidistu Mesias caid mëyanquin uënës uaqui daëdec ushash abia uincuenshun: Ubi tantiaquid ubëdi tabadendac, quequin aton matses isadaidbobëta isadaidpembo tantiamequin Quidistun chiendac, quequin chiampicpadembi chuipanëdash, quepanëdash Pabado iccuededquido chiec.

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Codinto 1 15:23

Ambi tantiacpadombuen Nuquin Papan Esuquidistuba uincuenmepanëdash. Adoshombic Esuquidistu padpidec chonoc abi tantiaquido uënësaido uincuenmendac.

Codinto 1 15:6

Adshumbic abi tantiaquido dadpen 500ted udictsëc iccuededacno choquin: Uincuenobi, quequin Esuquidistun ismeuapanëdash. Aid uincuenacsho isnëdaido dadpen abi tabadnubi utsi utsiec uënësbudniac.

Codosas 1:18

Adquid iquec abi tantiaquidtedishun Icbombo Esuquidistu nec. Adnubi abi tantiec iccuededquido aton dadabimbuecquid nec. Adquid yec Nuquin Papan Madombo ëndenquimboshë icpampidi matsesash uënëspanëdash. Adsho Nuquin Papan abia uincuenmeshun ambi uaidtedishun Icbo abentsëcquiobi icmepanëdash.

Tesadonica 1 4:16

Padenquio icnubien Nuquin Papan namiac Nuquin Papabëd icquidon chuiquid abi yacnouësh choec nuambo cuëdtuidsho tantiendac. Adnubien Nuquin Papan chiacpadombuen abëd icquid utsin nua shoncaindac. Aden shoncanubi Esus abucuësh budnubi Esus tantiec uënësaidotedi abia uincuenendac.

Petedo 1 1:3

Nuquin Papa, Nuquin Icbo Esuquidistun Papa, bëdamboshë iquec, canuna naden tantiaquin: Icsambuen naquido cuidte bunenquio icquin uincuenmequin chuca nuqui icmenuen Nuquin Papan abided cuidadec uënësaid Esus nuqui tantiamiondash. Adoac nuqui naden tantiec: Esuquidistu uënësacsho chococac uincuenash padpidec uënëstiapimbo iquendac. Adembidi Esus tantiec uënësacsho uincuenmeshun Nuquin Papan abi yacno nuqui tabadmendac padpidec uënëstiapimbo icnuc.

Esusën Uan ismiaid 1:5

Adembidi Esuquidistun mibi bëdambuen isquin bëdambo icmendac. Nuquin Papan bëdambuen iste tantiamequidquio aidi nec. Abia aton dada uënëstiapimbo icquid icmequin uincuenmiaidquio nec. Adquid yec abitedishun Icbombo nec. Aidënuidtsëqui nidaidën tabadquidën chuiquid tapa abitedimbo namendac. Aidi nuqui tantiaquidquio yec nuqui cuidmenquio icnuec nuqui icsambuen naid bedshunash abided cuidadec intac chididiquec uënëspondash.

Esusën Uan ismiaid 14:13

Adnubi abucuësh onquequin naden chuiuaposhi: Naden chuiquin dada uata. Chieshtoenquio icquin aton Icbo Esus tantiaquido icsho uënësuac bëdambo iquendac, quequin chuiposhi. Adsho tantiashien Nuquin Papan Mayantsen: Ai, abimbo caic. Aido uënësash bëdamboshë yacno tabadec shubitiapimbo iquendac. Natiamiantequid nibëdec, utsibon chieshënte nibëdec, quiacnombo tabadmequin: Mimbi bëdambuen naoc, caindac Nuquin Papan bëdamboshë icmequin, quequin chuiposhi.