Codinto 1 15:13 - El Nuevo Testamento en matsés

¹³ Uënësash uincuentequid nibëdnuc Esuquidistu uincuenenquio ictsempanëdash.

Codinto 1 15:13 Iomraidhean Croise

Hechos 23:8

Saduseobombidi: Nuquin Papabëd icquid nibëdec. Podobitsi nibëdec. Uënësash uincuentequid nibëdec, quequin tantianubi padiseobon: Uënësash uincuentequid iquec. Nuquin Papabëd icquid iquec. Podobitsi iquec, quequin tantiec.

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Doma 8:23

Adembidi nuquitedi natiamiac natiec tabadquid icshobi: Nëid Cun Mayambëd tabadquid nec, queshun Nuquin Papan bëdambuen isquin: Cun madobëd cun champi nec, queshun ambi tantiaid uëshën Nuquin Papan ubi uënëstiapimbo icquid icmendac, quequin tantiaquin natiamiaqui chieshtoenquio icquin nuquin dada chuca uate nuqui cainec.

Codinto 1 15:12

Esuquidistu uënësash uincuempanëdash, quequin ubitedishun chuibannubi ¿atotsi quiash: Uënësash uincuentequid nibëdec, quequin tantiec mibi utsi utsiec onquepe?

Codinto 1 15:14

Esuquidistu uincuenambo icnuc ubitedishun chuibanaid ambembi chuibanaid ictsiandac. Adecbidi: Esus tantiaquid nebi, quequin mimbi tantiaid ambembi chiec onquiaid ictsiandac.

Codinto 1 15:20

Esuquidistu Nuquin Papan abia uincuenmepanëdash, quequin umbi chiaid ma abimbo iqueyoc. Aidba uincuenmeshun ambi tantiacpaden abi tantiaquidotsen abitedimbo uincuenmendac, quequin abimbo chiec nebi.

Tesadonica 1 4:14

Uënës uaqui Esus uincuempanëdash, quequin nuquitedi tantiec. Adembidi: Esus tantiaquido yec uënësaido Nuquin Papan uincuenmendac, quequintsen nuquitedi tantiauaic.

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Ebedeo 13:20

Bëdambuec tabadmianquid icquin Nuquin Papan aton Mado Esus matsesacsho matsesën uënës uaid icsho uincuenmiac nëish iua obeca abi dayun uacbimbuen abi tantiaquidtedi dayun uaquid yampanëdash. Abi tantiaquido caic: Aido bëdambuen isendambi, quequin chiaid ucudtiapimbo ictequid nec, quequin aton intac ismequin ënenquio icquin abi tantiaquido Nuquin Papa bëdambuen ismendac.

Ebedeo 2:14

Matses yec namibëd intacchoquid nuquitedi nec. Adecbidi Esus namibëd intacchoquid matses yanash naden nanuec uënëspanëdash. Mayan Icsa Satanas matses uënës uaquid icsho dëniacshun aden namenquio iquembi, quiash Esuquidistu matsesash uënëspanëdash.

Petedo 1 1:3

Nuquin Papa, Nuquin Icbo Esuquidistun Papa, bëdamboshë iquec, canuna naden tantiaquin: Icsambuen naquido cuidte bunenquio icquin uincuenmequin chuca nuqui icmenuen Nuquin Papan abided cuidadec uënësaid Esus nuqui tantiamiondash. Adoac nuqui naden tantiec: Esuquidistu uënësacsho chococac uincuenash padpidec uënëstiapimbo iquendac. Adembidi Esus tantiec uënësacsho uincuenmeshun Nuquin Papan abi yacno nuqui tabadmendac padpidec uënëstiapimbo icnuc.

Esusën Uan ismiaid 1:18

Nëbi adquid iquec abi iquebi. Adquid iquequi uënëspobi. Adbuedi nëbi uincuenash uënëstiapimbo icquid nebi. Adquid yec uënëstequidën Icbombo nebi, queposh.