Codinto 1 15:1 - El Nuevo Testamento en matsés

¹ Tantia, cun utsibo. Esuquidistun: Ubi chuibenneta, caid icquin mibitedi umbi chuibanondaid bëshunenquio icquin tantiadonec tabadta. Umbi Esuquidistu abided cuidadec uënësaid Chiaid Bëda chuibansho tantiashun mimbi tantiabempondac. Adondashun chieshtoenquio icquin aid tantiadonec mibitedi tabadec.

Codinto 1 15:1 Iomraidhean Croise

Uanën dada uaid 12:48

Ubi tantiate bunenquio icquin Umbi Chiaid niac niacsho ambi abitedimbo cuidte uëshëmbi umbi chuibocpadombuen ubi tantiesabo Cun Pan cuidendac.

Hechos 11:1

Adnubien Udea yacnoshon Esus chuibennequidobëtan Esus tantiaquid utsibon naden chuisho tantiapanëdash: Isadaidpembobi Esus tantiaquido yanac caosh, quequin chuisho tantiapanëdash.

Hechos 2:41

Aden chuisho tantiash: Abimbo caic, quequin tantiaquido utsi utsiec yampanëdash. Aid uëshëmbi dadpenquioshë 3midted Esus tantiaquido yampanëdash. Adquid yansho issun acten mentobampanëdash. Adoac Esus tantiaquido utsibobëd iccuededpanëdash.

Doma 11:20

Abimbo mimbi caic. ¿Atotsi queshun Nuquin Papan isadaidbo bëdambuen istiapimbo icpec? Ambi Chomiaid Esus tantienquio icsho Nuquin Papan aido bëdambuen istiapimbo iquec. Padnuen Esus tantiasho mibitedi bëdambuen isec. Adoac: Ubi bëdambo icnubi isadaidbo icsambo iquec, quenda. Adenquio yec: Nuquin Papan cuidnushe, queshun Esus tantiec bëdambuec tabadta.

Doma 2:16

Nuquin Papan abitedimbo cuidte uëshëmbi aidën chiacpadombuen Esuquidistun matsesën otacquio tantiaidbëta ompodshon naidtedi tantiashun matses cuidendac. Aden umbi Chiaid Bëda chuibanquin chuibocpadombuen naindac.

Doma 5:2

Abi tantiaquido icsho nuquitedi cuidmenquio icnuec abided cuidadec Esuquidistu uënëspanëdash, quequin nuquitedi tantiec. Aid tantiashouidtsëqui Nuquin Papan bëdamboshë yacno abëdi nuqui tabadmendac, quec chieshtoenquio yec nuqui cuishonquec.

Codinto 1 16:13

Icsamane, queshun isucunacbimbuen chieshtoenquio icquin Esus tantiaquidquio icta. Adecbidi natiamiantequid icnuc dacuëdenquio yec chieshtoenquio yec tabadta.

Codinto 1 3:6

Tiedën pete ëshë siacbimbuen mibitedi Nuquin Papan Chiaid: Ma Esuquidistu tantiaquiono, queshun chuibanondambi. Iuecash Apodotsen mibi yacno nidshun tiedën nidtsinaid: Ma bëdambuec caninu, queshun acte machiuindoniacbimbuen: Esuquidistu ma udictsëc tantiaquiono, quequin chuibanuapanëdash. Aden ubi daëdshun chuibannubi pete ëshë canimiacbimbuecnuc Nuquin Papan mibitedi tantiamebampanëdash.

Codinto 1 4:15

Mibitedi Esus tantiamenuen chuibanquido dadpenquio 10 midted icnubi min papabimbuecquid daëdpactsëc iquec. Ubien mibitedishun papabimbuecquid nec. Umbia: Esuquidistu abided cuidadec uënëspanëdash, quequin Chiaid Bëda chuibanac aid tantiaquido yanash Esuquidistubëd abentsëc yacbimbuec tabadquid mibitedi yanondac.

Codinto 2 1:24

Naden dadpen tantiata, quequin icbon ancacbimbuen mibitedi chienquio iquembi. Esus tantiaquidombo nec, quequin mibitedi tantiembi. Ma Esus tantiec chieshtoenquio yec cuishonquequiono, quequin mibëd icquin mibitedi chuibante bunebi.

Tesadonica 1 1:6

Aden tantiaquid yec ubi Nuquin Icbo yacpadec chieshtoenquio icsho isash mibitsen chieshtoenquio iccondac. Umbi Nuquin Papan Chiaid chuibanac Nuquin Papan Mayan Bëdan namiacpadec cuishonquequin mimbi Esus tantiabenondac utsibon chieshënquin natiamequionobi.

Tesadonica 1 2:13

Aden Nuquin Papan Chiaidquio umbi chuibanac: Ambembi chiaidpenquio chuibanosh. Ma Nuquin Papan Chiaidquio Pabadon chuibamboc, mibitedi quianondac. Ai, aden Nuquin Papan Chiaidquio tantiash Esus tantiaquido yanash aidquiobidi chuisho tantiash mibi bëdambo yanec. Adec mibitedi bëdambuec tabadaid tantiaquin Nuquin Papa naden chiannembi: Tesadonica yacnocquido bëdambuec tabadmequid yec mibi bëdamboshë iquec, Papa, quequin Nuquin Papa chiannembi.

Tesadonica 1 4:1

Tantia, cun utsibo. Bëdambo mibi iquec, Nuquin Papa camenuec bëdambuec tabadta, quequin umbi chiondacpadquiequi tabadta. Nuquin Icbo Esus tantiaquiec adec tabadta. Bëdambuec tabadosh, quesho tantiashun: Adquiequi tabadta, mibitedi caimbi.

Tesadonica 2 3:6

Tantia, cun utsibo. Nuquin Icbo Esuquidistun: Ubi chuibenneta, caidquio icquin mibitedi chuinu. Esus tantiaquido utsi utsiec umbi mibi chiondaid niacniaquec chieshuidequi icsho isash aidbëd tabadenda.

Petedo 1 5:12

Umbi daëdpactsëc chuiquin Sidbano dada uamebued mibi yacno buanmembi: Ma mibitedishun isnu, queshun. Aidi chieshtoenquio icquin Esus tantiaquidquio icsho umbi cun utsi caid nec. Ma nëid isash: Ubitedi tantiaquidquio icquin Nuquin Papan ubitedi bëdambuen isquin bëdambo icmec, quequin ma tantianu, quequin abimbo mibitedi chuibanondambique. Chieshtoenquio icquin Nuquin Papa tantiec tabadta.