Codinto 1 14:32 - El Nuevo Testamento en matsés

³² Nuquin Papan: Umbi iuecshun natequid chuita, caid icquin Nuquin Papan oncamiaidon tantiacpaden chuibanquid nec. Aecbidi aidën tantiacpadec ënëdquid nec.

Codinto 1 14:32 Iomraidhean Croise

Hechos 13:1

Adashic: Esuquidistu tantiaquid utsi utsiec Nuquin Papan oncamiaidobëd chuibanquin tantiamequido Antioquia yacno nëidtedi tabadpanëdash. Nëidic Bednabe. Utsibic Simon cashumbic Dada Chëshë quequin cuënaid. Utsibic Sidene yacnocquid Dusio. Utsibic nidaid Cadidea yacnocquidon chuiquid tapa Edodes Antipasbëta caniuaid Menain cuëmëdquid. Utsibic Saudo.

Codinto 1 14:31

Aden abitedishun Nuquin Papan: Umbi iuecshun natequid chuibanquid icta, caid icquin abentsëcshun abentsëcshunquien Nuquin Papan iuecshun natequid chuibanec. Chuibansho tantiash: Ma abitedi bëdambuen tantiabenash dayacquio yec tabadnu, queshun chuibanec.

Codinto 1 14:33

Nuquin Papa bëdambuec tabadmianquid nec. Adquid yec tantiadenquio yec onquecuededsho bëdambuen istiapimbo icquid nec. Nuquin Papan tantiamiaido yec Esus tantiec icuededquido bëdambuec tabadquido nec.

Tesadonica 2 2:2

dacuëdtanenda. Mibi yacnoshon ¿tsuntsin aden muaquin chuipash? Aidon: Tantia. Nuquin Icbo Esus ënden choac, quequin Nuquin Papan Mayan Bëdan tantiamioshi, quequin chiec muec niashe. Adec muasho tantienda. Aidon: Aden Pabadon chiaid iquec, quequin umbi dada uaidbimbuecquid isquimbien muaquin chuichitash.

Uan 1 4:1

Tantia, cun utsibo. Umbi tantiaido icsho mibi chuinu. Matsesën: Nuquin Papan Mayan Bëdan tantiamiaidquio nebi, quequin chuibansho: Abimbo chiec, quequin badedquio tantienda. ¿Nuquin Papan Mayanën tantiamiaidënquiobida chuipec? quequin aidën chuibansho tantiata. Nuquin Papan oncamiaid nebi, quequin chuiquido nidaid utsi utsiec yacnoshon dadpenshunquio ambembi chuibaneque.

Esusën Uan ismiaid 22:6

Adshumbic Nuquin Papabëd icquidën naden chuiuaposhi: Muesambo icquin umbi abimbo chiaid tantiatequidquio nec. Nuquin Papan Nuquin Icbombo icquin aton Mayanën tantiamiac: Iuecash nadquid iquendac, quequin ambi oncamiaido Nuquin Papan chuimepampic. Adembidi Nuquin Papa nashunquido abimbo chuiquin dadpen ismebanombi. Nëbi nadquid iquendac. Iuecash utsi nadquid iquendac, quequin tantiamenuen mibi ismebanombi, queposh Nuquin Papabëd icquid.