Codinto 1 14:28 - El Nuevo Testamento en matsés

²⁸ Aden abi onquiacmaid onquete utsin onquequin chuibanaid tantiaquin iccuededquidon onqueten chuibanquid nibëdnuc abitedi tantiamec onquenquio yec ënëdash ma abentsëqui tsadquin Nuquin Papa otacquiocquin chiec onquepanuna.

Codinto 1 14:28 Iomraidhean Croise

Codinto 1 14:27

Abi onquiacmaid onquete utsin onquequin chuibannu, quequid daëd icquid bëdambo iquec. Adecbidi 3ted icquid bëdambo iquec. Aidted icsho issun abentsëcshun abentsëcshunquien chuiban, cata. Aden abi onquiacmaid onquete utsin onquequin chuibansho aidën onquete tantiaquid chuiquin: Ma tantianu. Iccuededquidon onqueten chuiban, cata.

Codinto 1 14:29

Adecbidi Esus tantiaquido iccuededacno: Chuibannu, quequid Nuquin Papan oncamiaid daëd icquid bëdambo iquec. Adecbidi 3ted icquid bëdambo iquec. Aidted icquin chuibansho tantiec tabadquin: ¿Abimbobida chuibanquin naique? Tantianu, quequin utsibon Nuquin Papan Chiaidquio isbanquin tantiec.

Tesadonica 1 5:21

Adoenquio icquin: ¿Nuquin Papan Chiaidquiobida chuibaneque? Tantiabono, cata. Aden tantiashun Nuquin Papan Chiaidquio isbanta. Aden isbanshun abimbo chiaid icsho issun: Ai, Nuquin Papan Chiaidquiobi chiec niosh, quequin aidën chuisho bëdambuen tantiata.