Codinto 1 14:24 - El Nuevo Testamento en matsés

²⁴ Padnuen Nuquin Papan Chiaid aton onqueten Esus tantiesa puduedshun chuibansho tantiash abibi datantiadquin tantiec: Icsambuen naquid nebi, quequin tantiabentsiash.

Codinto 1 14:24 Iomraidhean Croise

Uanën dada uaid 16:8

Adoac matses ambi icsambuen naid tantiamendac. Adembidi: Bëdambuen naquid nec, quequin tantiamendac. Adombuembidi Nuquin Papan cuidtequidtsen tantiamendac.

Uanën dada uaid 4:29

Isec cho. Umbi isacmaidëmbi dadan umbi naid abitedi chioshe. ¿Nuquin Papan Chomiaid Quidistu Mesias caidta nioshe? En isec cho, quequin chuituidac:

Hechos 2:37

Aden Petedon chuisho tantiash iccuededquido ambi icsambuen naid tantiec uënësquio yec: Esus tantianu, quequin ¿atotsimbi nape? quepanëdash Petedobëta Esusën: Ubi chuibenneta, caido utsibo chiec.

Codinto 1 14:1

Utsibobëd tantiananquin nabante bunquidquio icta. Adembidi: Min Mayanën namiaid icquin chuibante bunquiebique. Ubi tantiame, quequin Nuquin Papa chianneta. Adembidi: Min Mayanën namiaid icquin mimbi iuecshun natequid chiaid tantiaquin chuibante bunquiebique. Ubi adquid icme, quequin chianneta.

Codinto 1 14:16

Mibi iccuededacnoshon min mayanën tantiamiacpadec: Mimbi naid bëdambo iquec Papa, quequin onquete utsin onquequin Nuquin Papa mimbi chuipec. Adnuc matses utsi puduedshun aton onquetempenquio onquequin chuibansho tantiashun mibëtan aidën: Mibi bëdambo iquec, quequin Nuquin Papa chuitiapimbo iquendac.

Codinto 1 2:15

Aton Mayanën tantiamiacpadec tabadquidombien bëdambuen naidbëta icsambuen naid tantiec. Aden tantiaquid icsho utsibon: Icsambuec tabadquido nec, catiapimbo iquendac.