Codinto 1 14:15 - El Nuevo Testamento en matsés

¹⁵ Tantienquiocquid icquin ¿mitsipadembimbi nape? Naden naimbi. Cun mayanën chuimiacpaden Nuquin Papa chiannembi. Cun mayanëmbidi cuëdënmiacpadec cuëdënebi. Adembidi umbimbotsen tantiacpaden Nuquin Papa chuitanec Nuquin Papa tantiec cuëdënebi.

Codinto 1 14:15 Iomraidhean Croise

Hechos 21:22

Aden tantiec tabadquido mibi nëmbo choaid tantiash chochotsiash. Adsho aido bëdambo icmenuen ¿atotsi nuqui napatsia?

Doma 1:9

Aden abi tantiaquidquio icquin umbi Ambi Chiaid Bëda aton Madon naid chuibennequin mibitedi ënenquio icquin tantiasho isash Nuquin Papa: Abimbo caic, quendac.

Doma 3:5

Matsesën icsambuen naquid icquimbi: Nuquin Papa tantiamequid nebi. Ubi icsambuec tabadsho issun naden tantiatsiash: Icsambocquidpenquio Nuquin Papa nec. Icsaisambo yec bëdamboshëcquid nec. Aidëmbi matsesën icsambuen nasho issun cuidendac, quequin chiaid icnuc abi tantiamequid icshobi Nuquin Papan ubi cuidac icsambo iquec, quequin tantiacbimbuen tantienquio icnuna.

Doma 8:31

Aden tantiasho ¿atotsi nuquitedi cape? Nuquin Papa tantiasho utsibon chieshënquin: Icsa uanu, cashobi Nuquin Papan nuqui cudasquin icsa uamenquio iquendac, quequin nuqui tantiec.

Codinto 1 10:19

Aden chuiquin utsibon papa canun nacnenaid ambi tantiaid bëdambo iquec, quequin chiecpenquio nebi. Adembidi: Ambi nacnenaid ismete nëish iua pichicate bëdambo iquec, quequin chiecpenquio nebi.

Codinto 1 14:14

Ubi onquiacmaidën Nuquin Papa chiec cun mayan onquiaid umbibi tantienquio iquembi. Aden chiec ubi onquiaid tantiadenquio iquec.

Codinto 1 14:19

Aden chuiquid icquimbi Esus tantiaquido iccuededacno puduedshun aton onqueten onquequin 5tedpactsëc cuembo chuibantsiambi. Ma aidon tantianu, queshun 10mid abi onquiacmaid onquete utsin onquequin chuibante bunenquio iquebi.

Codinto 1 14:26

Tantia, cun utsibo. Naden mibi chuinu. Mibitedi Esus tantiec iccuedednuc utsi utsiec cuëdënte cuëdënec. Utsimbic Nuquin Papan Chiaid tantiamequin chuibanec. Utsimbic: Nuquin Papan naden ushquin isacbimbuen ismioshi, quequin Nuquin Papan ismiaid chuibanec. Utsimbic abi onquiacmaid onquete utsin onquequin chuibanec. Utsimbic abi onquiacmaidën onquete utsin onquequin chuibansho tantienquiocsho issun aid onquete tantiaquidën: Ma utsibon tantianu, queshun chuibanec. Aden chuibanquin: Ma Esus tantiaquidtedi bëdambuen tantiec chieshtoenquio yec tabadnu, queshun aidtedi nabanec tabadta.

Epeso 6:18

Aton Mayanën tantiamiacpadombuen ënenquio icquin Nuquin Papa chianneta. Adec tabadquin uidënquio icquid yacbimbuen chieshtoenquio icquin Nuquin Papa tantiaquidotedi tantiaquin chianneta.

Pidipos 1:18

Ubi chieshënec ¿quiashtabi nëishpe? Padenquio. Ubi chieshënquidobëtan ubi tantiaquidon Esuquidistun naid chuibanec, quiash bëdambo yec cuishonquebi.

Codosas 3:16

Esuquidistun naid chuibanaid bëdamboshëcquid tantiaquido mibitedi neque. Aid bëshunenquio icquin tantiec bëdambuec tabadta. Adembidi bëdambuen tantiaquin Esus tantiaquid utsibobëd tantiananec Esuquidistun chiaid chuinanec: Bëdambuec tabadnuna, quec chuinanta. Aden naic chuiquid tapa Dabidën dada uampid cuëdëntebëta cuëdënte utsi Nuquin Papan mibi bëdambo icmiaidbëtabi ambi naid utsi chiec cuëdëndedneta.

Santiaco 5:13

Mibitedi utsi utsiec ¿natiamiac uënësquio icquidta icpec? Adquid icquin Nuquin Papa chianneta. Utsi: ¿Bëdambo iquebi, quiash cuishonquequidta icpec? Adquid icquin Nuquin Papan naid chiec cuëdënta.

Udas 1:20

Cun utsibo, umbi tantiaidombo mibitedi neque. Chieshtoenquio icquin Esus tantiaquiota. Adquid icquin aton Mayan Bëdan tantiamiacpadombuen Nuquin Papa chianneta.