Codinto 1 14:1 - El Nuevo Testamento en matsés

¹ Utsibobëd tantiananquin nabante bunquidquio icta. Adembidi: Min Mayanën namiaid icquin chuibante bunquiebique. Ubi tantiame, quequin Nuquin Papa chianneta. Adembidi: Min Mayanën namiaid icquin mimbi iuecshun natequid chiaid tantiaquin chuibante bunquiebique. Ubi adquid icme, quequin chianneta.

Codinto 1 14:1 Iomraidhean Croise

Doma 12:6

Nuquin Papan abi bunacpaden abentse abentsen: Naden nata, quequin ambi nametequid dadpen iquec. Nëidotedi caimbi: Esus tantiaquid icsho Nuquin Papan iuecshun nate chuibanta, caid icquin aidën tantiamiaiduidi chuibanta.

Doma 14:19

Adquid icnuc aidën chiacpadec chieshëmënenquio yec bëdambuec tabadnuna. Esus tantiec chieshtoenquio yec bëdambuec tabadnuna, quec chuinannuna.

Doma 9:30

Aden chiaid tantiash ¿atotsi nuqui quendac? Matses utsibon abi tantienquio icbuedombi ambi chiacpadombuen naquin tantiabensho icsaisabimbuecnuc bëdambuen isendac. Ambi chiacpadombuen naic tabadnu, quesabobi Nuquin Papan abi tantiasho icsaisabimbuecnuc isendac.

Codinto 1 12:1

Tantia, cun utsibo, Nuquin Papan Mayan Bëdan utsi utsien namete tantiamequin mibitedi chuinu.

Codinto 1 12:31

Aden Nuquin Papan Mayanën nametequid bëdamboshëcquid icnuc mibitedishun adquid icte bunquioquin Nuquin Papa chiannequin tantiaquiota. Umbi chuibuedotedi tantiaquin bëdambuec tabadtequidquio tantiamequin chuibannu.

Codinto 1 13:13

Nëidtedi ënëdtemaid iquec: Abimbo caic, quequin Nuquin Papa tantiaid ënëdtemaidquio nendac. Adecbidi Nuquin Papa yacnouësh abipadquid bëdambocquidquio iquendabi, quequin cainquin tantiaid ënëdtemaidquio nendac. Adecbidi utsibobëd tantiananaid ënëdtemaidquio neuaindac. Adec aidtedi ënëdtemaid icnubi utsibobëd tantiananec tabadtembuen natequidquio nendac.

Codinto 1 13:2

Nuquin Papan Mayanën namiaid icquin Nuquin Papan iuecshun natequid chiaid tantiaquin chuibanquid iquequi utsibobëd tantiananec tabadesa yec abenquiobi icquid ictsiabi. Nuquin Papan ambi matses tantiamenquio icpampid tantiaquid nebi, quebuedi utsibobëd tantiananec tabadesa yec abenquiobi icquid ictsiabi. Umbi chiac Nuquin Papa nadatiambocquid icquin mananuc macuësh tapa icbuedi manniactsiash, quequin tantiaquidquio iquequi utsibobëd tantiananec tabadesa yec abenquiobi icquid ictsiabi.

Codinto 1 14:22

Adquid icnuc abi onquiacmaid onquete utsin onquequin chuibanaid Esus tantiesabo tantiametequid icnuc Esus tantiaquido tantiametequidpenquio nec. Aden chiaid icnubidi Nuquin Papan iuecshun natequid chiaid tantiaquin onquequin chuibanaid Esus tantiaquido tantiametequid icnuc Esus tantiesabo tantiametequidpenquio nec.

Codinto 1 14:37

Nuquin Papan oncamiaidquio nebi, quequidën naden tantiatsiash: Ma tantianu, queshun Nuquin Icbon tantiamiacpadombuen chuiquin Pabadon dada uaid nec, quequin tantiatsiash. Adembidi Nuquin Papan Mayanën namiaidën tantiauatsiash.

Codinto 1 14:39

Tantia. Chuinu, cun utsibo. Nuquin Papan Mayanën namiaid icquin ambi iuecshun natequid chiaid tantiaquin chuibante bunquiota. Adembidi abi onquiacmaid onquete utsin onquequin chuibannu, quesho tantiashun padi cainquio icquin chuibanmeta.

Codinto 1 16:14

Utsibobëd tantiananec tabadquin mimbi nabanaid bëdambuen nabanta.

Epeso 1:3

Nuquin Icbo Esuquidistun Papa Nuquin Papa bëdamboshëcquid nec. Adquid icquin Esus tantiaquid icsho abëd abuc bëdambuec tabadacpadquidquio nuquitedi icmiac, quequin: Nuquin Papa bëdambocquid nec, canuna.

Tesadonica 1 5:20

Aden Nuquin Papan Mayan Bëdan tantiamequin oncamiaid icquin chuisho: Muequi nec, quequin mamënshunenda.

Timoteo 1 4:14

Ënden mibi mamishquin chiondaid ¿tantienquioda ique? Ënden Esus tantiaquidon chuiquid tapabon mibi mamishbededshobien Nuquin Papan Mayan Bëdan tantiamiac aidon mimbi chuibante naden chuipanëdash: Nuquin Papan Chiaid bëdambuen chuibanquid Timoteo iquendac, quequin chuipanëdash. Adoaid yec chieshtoenquio icquin chuibanquid icta, mado.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Timoteo 1 6:11

Mibi Nuquin Papa tantiaquidquio neque. Cuenacbimbuen icsambuen nateuidi bunenquio yec bëdambuec tabadte bunquiota, mado. Mëyadtequid icnubi Nuquin Papan Chiaid niaquenquio yec chieshtoenquio icquin Esus tantiata. Matsestsen tantiec chieshëmënenquio yec bëdambuec tabadta.

Timoteo 2 2:22

Caniabon abi bunacpadombuen icsambuen naquid tanenda, mado. Adenquio yec bëdambuec tabadte bunquiota. Adec tabadquin matses ambi icsambuen naid ënmenuen abimbo chuita. Chieshtoenquio icquin Esus tantiata. Utsibobëd tantiananec bëdambuec tabadta. Nuquin Icbo Esus bëdambocquid nec, quequin tantiaquidobëtan Esus tantiata.

Ebedeo 12:14

Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.

Petedo 2 1:7

Aden Nuquin Papabëta Esus tantiaquido yec tantiananec nashunnanquionona. Adec nashunnanec tabadquin nuquin shubun icquido tantiaquiacbimbuen matses abitedi tantianuna.

Uan 3 1:11

Tantia. Cun utsi Cayo umbi tantiaidquio icsho mibi chuinu. Icsambuen naquidën nacpaden naic icsainda. Bëdambuen naquid Nuquin Papa tantiaquid neque. Bëdambuen nata. Icsambuen naquid: Nuquin Papa iquec, quequin tantiesa nec.