Codinto 1 13:9 - El Nuevo Testamento en matsés

⁹ Dadpenquio tantiaid nuqui abitedi tantienquio iquec. Adecbidi Nuquin Papan iuecshun natequid chiaid abitedi tantienquiocquido nuqui neuaic.

Codinto 1 13:9 Iomraidhean Croise

Mateo 11:27

Adshumbic abi datsidadquido naden chuiuapondash: Cun Pan ambi tantiaidtedi ubi tantiamec. Umbi nabambuedbëta umbi nate abitedi cun Pa abentsëcshunquiobi tantiec utsibon tantienquio icnuc. Adembidi cun Pan nabanaidbëta ambi nate umbentsëqui abitedi tantiembi. Aden tantiaquin: Nëidtedi matses bëdambuen tantiamembi, queshun: Nuquin Papa nadquio iquec, quequin tantiamembi, quepondash Esus.

Doma 11:34

¿Nuquin Papan otacquio tantiaidtedida matsesën tantiapadic? Padenquio. ¿Mimbi tantienquio iqueque. Naden nata, quequinda matsesën Nuquin Papa chuipadic? Padenquio.

Codinto 1 13:10

Padnuen isaisambocquid yec bëdamboshëcquid chonoc nuqui abitedi tantiabi icbued ënëdendac.

Codinto 1 13:12

Nëbi isnanten bëisadquin isac isadentsëcquio yacbimbuen Nuquin Papa nuquitedi bëdiactsëc tantiatsec. Iuecshun Nuquin Papambo nuquitedi bëistuidendac. Aid tantiaquin isenquiocquimbi nëbi Ambi Chiaid tantiembi. Aden tantiabuedi uëshë utsimbi ambi ubi tantiamebocpadombuembidi Nuquin Papa bëistuidquin tantiendambi.

Codinto 1 2:9

Nuquin Papan chuiquin dada uamiampid nad iquec: Nuquin Papan abi tantiaquido tabadmenun nacnenaid iquec. Aidi matsesën tantiacmaid isquin: Nadquio iccosh, quequin chuitiapimbo iquec, quequin chuipampic.

Codinto 1 8:2

Ubimbo tantiaquidquio nebi, quequid iquequi bëdambuen tantiabenabicquid nec.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Uan 1 3:2

Cun utsibo, Nuquin Papan: Cun bacuëbo nec, quequin tantiaidombo nuquitedi nec. Adquid icshobi Nuquin Papan nëbi: Nadquid icmendambi, quesho tantiabi nuqui iquec. Naden nuqui tantiec: Esuquidistu nidaidën padpidec chouasho isash: Adquidshenda caposh, quequin nuqui isquin tantiendac. Aden isash aidpadquid nuqui yanendac.