Codinto 1 13:3 - El Nuevo Testamento en matsés

³ Atona nibëdquido icsho issun cuna abitedi menequidquio iquequi utsibobëd tantiananec tabadesa yec abenquiobi icquid ictsiabi. Adembidi ubiuidtsëqui bëdamboshëcquid ictsiabi, queshun ubi cuessunneshun cun dada pichicaquin nëdëncata, catsiambi. Aden tantiaquid iquequi utsibobëd tantiananec tabadesa yec abenquiobi icquid ictsiabi.

Codinto 1 13:3 Iomraidhean Croise

Mateo 23:5

Aidon Nuquin Papa tantiaquidquio danmequin matses ismenuenuidi naic. Nuquin Papan Chiaid dada uaidëmpi sauedten sauedtsash bëdectamëdash abiuc daëdi pëdectamëdshun matses ismenuenuidi naic. Adecbidi: Nuquin Papa chiannequidquio nec, mabi canu, queshun sedquid shoyonaid ënapempactsëcnuc aton dashcute cuididicash matses ismenuec matses tabadacno capucuennepec.

Ducas 18:22

Aden chuisho tantiashun: Abentsëc mimbi nabicquid iqueque. Mimbi dayun uaidtedi uesquin menequin piucquid bedta. Aden piucquid bedshun atona nibëdquido mitsana uesquin menebanta. Adosho issun abëd tabadmenun Nuquin Papan mibi bëdambuen istsiashe. Adota. Adotanec ubëd iquec cho, capanëdash Esusën.

Ducas 18:28

Adoaquien Petedon: Icbo, mimbi: Nuquibi icnu. Cho, cac ubitedishumbi cuna nianec mibëd icnuec chopondabi, quepanëdash Esus caic.

Ducas 19:8

Adnubien aton shubu nuntanuësh nidtoash Saqueo: Tantia. Chuinu, Icbo. Nëbi cuna tedbidi bedquin atona nibëdquido tedbidi menebanembi. Adoshombic cun matses: Cuna mimbi ampioc, quesho tantiashun umbi ampiaidbëta daëd daëdquiecnuc daëd uashun icbo menebanuaimbi, quepanëdash Saqueo Esus chiec.

Uanën dada uaid 12:43

Mabi cun matsesën bëdambuen isnu, quequinuidtsëqui tantiaquin aden chuitiapimbo icpanëdash. Ma Nuquin Papan ubi bëdambuen isnu, quetiadquidi adenquio icpanëdash.

Uanën dada uaid 13:37

Adsho tantiash Petedo: Icbo ¿atotsi quiashibi nëbi mibëd nidtiapimbo icpe? capondash. Mibëd nidec dacuëdenquio ictsiabi. Mibi chieshënquidon: Cuessunnenu, mibi casho tantiash: Ubien natiad iquec, quetsiandabi, capondash Petedon.

Uanën dada uaid 15:13

Nadec tantiananta. Cuesanquidën mibëd icquid: Cuesnu, cashunac: Padi. Ubien natiad, quiacbimbuec tantiananta.

Uanën dada uaid 6:63

¿Nami pequinc intac acquinc cashta mibi bëdambo icpatsia? Padenquio. Nuquin Papan Mayanën umbi chuibuedbëta ubi tantiamequin matses bëdambuec tabadquid icmetsiash. Adoaid yec Nuquin Papa yacno ubëdi tabadendac, quepondash Esus.

Hechos 21:13

Adoaquien Pabado: ¿Atotsi quiash shubiquin ubi uënësquio icme? Edusaden yacno nidshun Nuquin Icbo Esusën naid chuibansho bedquin taneshun ubi cuessunnetsiash, quequin tantiaquimbi abi Esus chuibanembi, quepondash.

Cadasia 5:26

Ubiuidtsëqui bëdambocquid nebi, quenda. Chuiquid dëniacte bunec chieshëmënec tabadenda. Utsina isash aid bunquiec nëishnanenquio yec bëdambuec tabadnuna.

Pidipos 2:3

Utsibon mibi chieshënquin nacpaden nainda. Ubiuidtsëqui bëdamboshë iquebique. Cunauidtsëqui nanu, quec mibiuidtsëqui tantiadec tabadenda. Adec tabadenquio yec: Ubi bëdapabi icnuc utsibo bëdamboshëcquido neque. Nashunnu, quec bëdambuec tabadta.

Timoteo 1 4:8

Aton dada uidënquio icmenuec titinquetannequid matses nec. Adacbimbuec Esus tantiaquido uidënquio yec bëdambo icnuec ¿mitsipadquio icpec? Nuquin Papa tantiaquiec Ambi Chiaid niaquenquio yec bëdambuec tabadquid nec. Adquid uënësash Nuquin Papa yacno abuc nidash bëdamboshë icquid iquendac.

Ebedeo 13:9

Esusën naidquio chuinu, quequidën utsi chiec muaquin chuibansho tantienda. Padnuen mibi bëdambuen isquin nashunquid: Nuquin Papa tantiaquidquio ma yannu, quequin mibi chuibanquidën chuibanacpadombuen nabanta. Utsibic: Nëid petemaid nec. Nëid petequid nec, quequin tantiaquin naquid yec Nuquin Papa tantiaquidquio yanenquio mibi ictsiac.