Codinto 1 12:3 - El Nuevo Testamento en matsés

³ Adquid iccondaidi nëbi Esus tantiaquido mibitedi icsho chuinu. Nuquin Papan Mayanën tantiamiacmaido yec: Esus icsamboshëcquid nec, quendac. Padnuen Nuquin Papan Mayan Bëdan nadatiambocquin tantiamiaido yec: Esus Cun Icbombo nec, quendac.

Codinto 1 12:3 Iomraidhean Croise

Mateo 22:43

Adsho tantiashumbien Esusën: ¿Bëdambuenda chuidio? Mimbi chiacpadquid aton mado icshobi ¿atotsi queshun Nuquin Papan Mayanën tantiamiac Dabidën Cun Icbo capampic? Naden chuiquin Dabidën dada uapampic:

Madcos 9:39

Adsho tantiashumbien Esusën: Adquid: Aden chienda, cainda. Nadatiambocquin nabanquidquio Esus nec, quequin abimbo tantiaquin umbi nacpadombuen nabanquidën ubi icsambuen chuishuntiapimbo iquec.

Uanën dada uaid 13:13

Cun chuiquidquio nec, mimbi ubi capec. Adembidi: Cun Icbo mibi nec, mibitedishun ubi capec. Bëdambuen mimbi chiec. Adquid nebique.

Uanën dada uaid 13:14

Umbi nabocpadombuembidi mibitedishun nata. Ubëd icquid tantiaquioquin tapanquin nashunnu, queshun naombique. Adombuembidi naic utsibobëd tapannanta.

Uanën dada uaid 15:26

Adshumbic padpiden chiec: Umbi Cun Pa yacno nidshun: Matses dayun uaquid Nuquin Mayan bëdambo icmianquid ubi tantiaquidobëd tabadmenuna, Papa, cac: Ai, queshun Cun Pan chomiac mibëd tabadquin abimbo chuiquin ubi tantiamequiendac.

Hechos 8:37

Adoaquien Uedipe: Esus tantiaquidquio nebi, quesho mibi acten mentoembi, capanëdash. Adoac: Ai, nëbi Nuquin Papan Madombo Esuquidistu nec, quequin tantiembi, queshun Etiopia yacnouësh choquidën:

Doma 10:9

Nuquin Papan uincuenmenëdaid Esus nec, quequin tantiaquin: Esus Cun Icbo nec, quequin abimbo chuisho Nuquin Papan mibi bëdambuen isquin abi yacno tabadmendac.

Doma 9:3

Cun matses isadaidbo tantiec uënësquio yec tsadebi. Nuquin Papan: Min matses abitedi cuidmenquio icnuen mibiuidtsëqui Esuquidistubëd tabadmenquio icquin mëyadtequid yacno nidmequin cuidnu, capatecnëdani. Adoac: Ai, cun matses isadaidbo cuidenquio icnuen ubided cuid, quetsenondabi.

Codinto 1 16:22

Matses Nuquin Icbo tantiesa icsho ma Nuquin Papan aidi cuidquiopanuna, quequin chiondambi. Cun Icbo, cho, capombi.

Codinto 1 8:6

Adquid icnubi nuquitedi: Papa, quequin tantiaid Nuquin Papa abentsëcquiobi iquec. Aidi abitedimbo uaquidquio nec. Aidën tantiacpadequi nuquitedi abi tabadec. Adecbidi nuqui Cun Icbo caid Esuquidistu abentsëcquiobi iquec. Aidënuidtsëqui abitedimbo uashun adembidi nuquitedi uapampic.

Codinto 2 11:4

Adec ubi tsadnubi Codinto yacno choshon utsibon Esuquidistu umbi chuibued utsi uain icsambuen chuibansho badedquio mibitedishun tantiashunec. Adembidi Nuquin Papan Mayampenquio caic: Mayan utsi iquec, quesho tantiash: Ubi mene, mibi quepec. Adembidi, Mibi bëdambo icmequid Esusbimbuecquid utsi iqueque. Aid tantiata, quequin umbi chiaid utsi uain chuisho tantiashun: Abimbo caic, quequin mibitedishun tantiec. Aden utsibon umbi chiondaid utsi uain chuisho tantiec, quesho tantiash Esuquidistu tantienquio yantsiash, quec tsadebi.

Codinto 2 3:5

Umbibi tantiacpaden chuibanesa nebi. Nuquin Papan tantiamiacpaden chuibanquid nebi, quequin tantiembi.

Cadasia 3:13

Abitedishun Moisesën chiampiduidi natiapimbo yec icsambuec tabadsho isash abided cuidadec uënësquin Esuquidistun nuquitedi icsambuen naid bedshunquin bëdambo icmepondash. Naden chuiquin Nuquin Papan dada uamiampid iquec: Cueste napotiaidën dectanmiaid Nuquin Papan cuidaidquio nec, quequin dada uamepampic.

Esusën Uan ismiaid 1:10

Dominco uëshën Esus tantiec tsadshobini Nuquin Papan Mayanën tantiameposh. Adoac cun cachocuësh shoncate shoncacbimbuec cumapenec onquesho tantiapombi.