Codinto 1 12:27 - El Nuevo Testamento en matsés

²⁷ Mibitedi Esus tantiaquin utsi utsien nabanquido yec Esuquidistun dadabimbuecquido nec.

Codinto 1 12:27 Iomraidhean Croise

Doma 12:5

Adecbidi nuquitedi dadpenquio icquid iquequi Esuquidistun dada yacbimbuec abi tantiaquidtedi iquec. Adash abentsëc yacbimbuec utsibobëd tsidadash tabadec dada abentsëcbimbuec iquec.

Codinto 1 1:2

Aidbëtambi Codinto yacnoquid Nuquin Papan bëdambuen tantiamiac Esus tantiaquido icsho mibitedi tantiembi, quequin chiec nebi. Esuquidistunuidtsëqui bëdamboshëcquid icmequin tantiamiac Nuquin Papa tantiaquido mibitedi nec. Adoaido icquin utsi utsiec yacnoshon Esus tantiaquid utsibobëtan Nuquin Icbo Esuquidistu chiannequid nuquitedi nec. Aidi Nuquin Icbo yec aidon Icbobidi nec.

Codinto 1 10:17

Esuquidistubëd abentsëc yacbimbuecquido nebi, quequin tantiaquin pete cuësh cuështsëcshun menebanac abentsëcshun piacbimbuen abi tantiec iccuededquidon pebededec.

Codinto 1 12:12

Matsesën dadan icquid uidënuaid dadpen icnubi dada abentsëcquiobi iquec. Adquiobidi Esus tantiaquido dadpen icnubi ambi tantiaid abentsëcquiobi Esuquidistu iquec.

Codinto 1 12:26

Dadan icquid abentsëc paëmbo icnuc utsitedi adecbidi paëmbo iquec. Dadan icquid abentsëc bëdambo icnuc abitedi bëdambo iquec cuishonquec.

Codinto 1 6:15

¿Abi tantiaquid yec Esuquidistubëd abentsëc yacbimbuec tabadquid nebi, quequin tantienquioda mimbi icpe? ¿Aidbëd abentsëc yacbimbuec tabadbuedi icsambuen naic piucquid bedec chudadquidbëd daëdash abentsëc yacbimbuecta tabadtiad? Padenquio ictiad, caimbi.

Epeso 4:12

Aden Ubi tantiaquidtedi ma chieshtoenquio yec bëdambuec tabadec nashunnanquid icmenu, quequin Esuquidistun ambi tantiacpadombuen adquido icmebanac.

Epeso 5:23

Aton chidon chuiquid aton bënë nec. Adquiecbidi Esuquidistu abi tantiaquidtedishun chuiquidquio nec. Adembidi aido Nuquin Papa bëdambuen ismequidquio nec. Esuquidistu mapibimbuecquid icnuc abi tantiaquidtedi aton dadabimbuecquid nec.

Epeso 5:30

Nuquitedi abi tantiaquido yec Esuquidistubëd abentsëc yacbimbuecquid icnuc aidën dadabimbuecquid nuqui nec.

Codosas 1:18

Adquid iquec abi tantiaquidtedishun Icbombo Esuquidistu nec. Adnubi abi tantiec iccuededquido aton dadabimbuecquid nec. Adquid yec Nuquin Papan Madombo ëndenquimboshë icpampidi matsesash uënëspanëdash. Adsho Nuquin Papan abia uincuenmeshun ambi uaidtedishun Icbo abentsëcquiobi icmepanëdash.

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Codosas 2:19

Aido Esusbëd abentsëc yacbimbuec tabadquidpenquio nec. Adquid icquin: Esuquidistu abi tantiaquidon Icbombo nec, quequin tantienquio iquec. Adecbidi Nuquin Papan tantiacpadquiec Esuquidistu tantiaquid dadpen yanash aton utsibobëd tantiananec nashunnanec aton Icbo padquid yanec, quequin tantiesa adquido nendac.