Codinto 1 12:18 - El Nuevo Testamento en matsés

¹⁸ Nuquin Papan ambi tantiacpadombuen matsesën dadan icquid tabëcquin uidënuaid iquec.

Codinto 1 12:18 Iomraidhean Croise

Ducas 10:21

Aden chuibanashic Nuquin Papan Mayan Bëdan tantiamiacpadec cuishonquec Esus nadpanëdash: Mibi bëdamboshë iquec, Papa. Mibi abuc icquidtedishun Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi cumapenen tantiaquid nebi, quequidombi tantienquio iquec. Bacuën daëdpactsëc tantiacbimbuen tantiaquid icshobi mimbi utsibo tantiamiabi yaid tantiamioc. Aden mibi bunacpadombuen naic mibi bëdamboshë iquec, Papa, quepanëdash Esus.

Ducas 12:32

Mibitedi cun obecabimbuecquido nec. Adquido yec daëdpactsëc icshobi Nuquin Papan ambi namiacno tabadmete buneque. Dacuëdenda, caimbi.

Doma 12:3

Nuquin Papa bëdambocquid icquin: Esus chuibennequid icta, caid nebi. Adquid icquin mibi chuinu. Tantia. Tantiaquidquio nebi, quequin mibitedishun tantienda. Adenquio icquin Esus tantiaquid icsho Nuquin Papan tantiamequin namiaid nebi, quequin tantiata.

Doma 12:6

Nuquin Papan abi bunacpaden abentse abentsen: Naden nata, quequin ambi nametequid dadpen iquec. Nëidotedi caimbi: Esus tantiaquid icsho Nuquin Papan iuecshun nate chuibanta, caid icquin aidën tantiamiaiduidi chuibanta.

Codinto 1 12:11

Aden Nuquin Papan Mayan abentsëcshumbi nadatiambocquin namiaido aidotedi nec. Ambi tantiacpadembi matses abentse abentsen namequid Nuquin Papan Mayan nendac.

Codinto 1 12:17

Matsesën dadan ëshëuidpambo icnuc matses onquesho tantienquio ictsiash. Adecbidi, matsesën dadan pabiateuidpambo icnuc shëdtiapimbo ictsiash.

Codinto 1 12:19

Dëccuëscaid abentsëqui icnuc dada ictiapimbo ictsiash.

Codinto 1 12:24

Dadan icquid uidënuaquin dëccuëscaid isaidquio ompodesa nec. Nuquin Papan ambi tantiacpadombuen matsesën dadan icmequin dëccuëscaid istemaid icsho ompoquin dayun uaid nec.

Codinto 1 12:28

Esus tantiaquido icsho Nuquin Papan namiaido nadquidtedi iquendac. Esuquidistun: Ubi chuibenneta, caido. Utsibic Nuquin Papan oncamiaido. Utsibic Nuquin Papan Chiaid tantiamequido. Utsibic nadatiambocquin nabanquin ismequido. Utsibic daicsaidobëta nënquido bëdanmequido. Utsibic utsibo nashumbanquido. Utsibic iccuededquido namequido. Utsibic: Abi onquiacmaid onquete utsin onquequin chuibanquido, quec adquidtedi iquendac.

Codinto 1 15:38

Aden Nuquin Papan ambi tantiacpadembi pete ëshë dëyucmequin aton dada yacpadembi canimec.

Codinto 1 3:5

¿Mitsipadquidibi Apodobëd nepe? Nuquin Papa nashunquid icquin Esuquidistu chuibennequid ubi daëdi nebi. Adquid icquin umbi chuibannac Esuquidistu tantiaquid mibitedi yanondac. Nuquin Icbon: Naden chuibanta, cacpadombuen ubi daëdshun chuibanoc.

Epeso 1:5

abi bunacpadombuen Nuquin Papan Esuquidistu uidtsëqui tantiaquido icsho ambi chiampicpadombuen nuquitedi: Cun bacuëbo icmendambi, abi quiampicpadombuen nëbi adobanec.

Epeso 1:9

Aden Nuquin Papan ambi matses tantiamenquio icpampidi nëbi nuqui tantiamec. Abi bunacpadombuen abi matses bëdambuen ismequid Esuquidistu nuqui tantiamiac.

Esusën Uan ismiaid 4:11

Mibi bëdamboshë iquec, Papa. Adembidi abitedishun mibi: Bëdambo iquec, capashun. Abitedishun Icbombo mibiuidtsëqui nec. Chuiquid tapambo abentsëcquiobi mibi nec. Nadatiambo icquin nabanquidquio icquin mimbi abitedimbo uapampic. Mimbi tantiacpadombuen mimbiuidtsëcquiobi abitedi uapampic. Adoac mimbi tantiacpadequi mimbi uaido nibëdanambo abi iquec, Papa, quec tsësiobo cuëdëncuededposh.