Codinto 1 11:6 - El Nuevo Testamento en matsés

⁶ Chido mapucudte bunenquio icsho nibëdquio icnuc matasac bëdambo ictsiash. Aden matasaid dacuëdënec ma chido mapucudpanu, caimbi.

Codinto 1 11:6 Iomraidhean Croise

Hechos 18:18

Adashien Pabado nidaid cuëshë Codinto yacno iuec tabadash Esus tantiaquido nianec nidaid cuëshë Sidia caid yacno nidec Pabado puduampanëdash. Aidbëdi Aquidabëd aton chido Pisida Codinto yacnouësh nidec Codinto nidaid cuëshën icquid shubu dadpen icquid Senquedeas yacno chopanëdash. Ambo tabadquin: Nuquin Papa tantiaquioquin aidtedec ushquin nainombi, queshun utsibo ismenu, quequin Pabadon aton manëdaid nibëdquiecnuc matasmepanëdash. Adashic auëshquio cano dapa antabëdtoanec nidpanëdash.

Codinto 1 11:5

Padnuen chidon: Nuquin Papa chuinu, queshun mapucudambobi chuiquin: Cun chuiquidpenquio cun bënë nec, quiacbimbuen ismequid nec. Adembidi chidon mapucudambobi Nuquin Papan Ambi nate oncamiac chuiquidën: Cun chuiquidpenquio dada nec, quiacbimbuen ismequid nec. Adquid yec nibëdquio icnuc matasacbimbuecquid aid chido nec.

Codinto 1 11:7

Dada mapucudenquio icquid nec. Abibimbuecnuc uashun Nuquin Papan bëdamboshë icquid icmiaid dada nec. Padnuen chido dadan bëdambo icmiaid nec.