Codinto 1 11:5 - El Nuevo Testamento en matsés

⁵ Padnuen chidon: Nuquin Papa chuinu, queshun mapucudambobi chuiquin: Cun chuiquidpenquio cun bënë nec, quiacbimbuen ismequid nec. Adembidi chidon mapucudambobi Nuquin Papan Ambi nate oncamiac chuiquidën: Cun chuiquidpenquio dada nec, quiacbimbuen ismequid nec. Adquid yec nibëdquio icnuc matasacbimbuecquid aid chido nec.

Codinto 1 11:5 Iomraidhean Croise

Ducas 2:36

Aden Simeonën chuinubien Nuquin Papan oncamiaid chido Ana cuëmëdquid machombo yec ambobidi icpanëdash. Aidën papa Penued icnuc aton tsusedpa Ased icpampic. Aidi buntac icsho aton bënën bedac aidbëdi seta 7ted matanmec icnubi

Hechos 2:17

Iuecshun umbi tantiacpadënquiobi Cun Mayan matses utsi utsien menendambi, quec Nuquin Papa. Adoac aidon madobobëtan aidon champibontsen umbi iuecshun nate chuibanendac. Adembidi caniabontsen ushquin isacbimbuen umbi ismiac isendac. Adembidi ismiac tsësiobon ushquin isendac.

Hechos 21:9

Aidën champi 4ted bënë nibëdquido icpondash. Aidon Nuquin Papan oncamiaid icquin Nuquin Papan: Naden naindambi, quequin chiaid chuibanquido nepondash.

Codinto 1 11:4

Nuquin Papa chuinu, queshun aton mauete mauiacchobi dada chuiquid yec: Cun chuiquidpenquio Esuquidistu nec, quiacbimbuen ismequid nec. Adembidi dadan aton mauete mauiacchobi Nuquin Papan Chiaid tantiamequin chuibanquin: Cun chuiquidpenquio Esuquidistu nec, quiacbimbuen ismequidbidi nec.

Codinto 1 11:6

Chido mapucudte bunenquio icsho nibëdquio icnuc matasac bëdambo ictsiash. Aden matasaid dacuëdënec ma chido mapucudpanu, caimbi.

Codinto 1 14:34

Esus tantiaquido iccuededacnouësh onquenquio yec otacquio tabadquid chidobo nec. Nuquin Papan Moises chiampicpadec: Cun chuiquid cun bënë nec, quequid chidobo nec.