Codinto 1 11:21 - El Nuevo Testamento en matsés

²¹ Utsibo cainenquio icquin abia choquidon nua pebededpec. Adnubi utsibo tsiuec choash bunec tabadnubi abia choquido acte paë uaid nua acash tantiadenash tabadcuededpec.

Codinto 1 11:21 Iomraidhean Croise

Uanën dada uaid 2:10

Nuquin matsesën actequid paë uaid bëdambocquidba isedanquido acmequid yendac. Adquid acmiac matses nua cubudacsho actequid icsactsëcquidtsen acmenu, quequid yendac. Aden nainquiocquin acte paë uaid bëdambocquidquio ma mibi acmianeyoc, quepanëdash iuabon chuiquid chido bednuequid chiec.

Codinto 1 11:20

Adquid icnuc Esuquidistu abided cuidadec uënësaid tantiec iccuedednuna, queshun abimbo tantienquio icquimbi mimbi peshun acbededpec.

Codinto 1 11:34

Bundoshon ma aton shubunoshombi penuna. Adosho isash: Icsambuen naique. Cuidnu, quetiapimbo Nuquin Papa iquendac. Mibi yacno isec nidshun mimbi: Chui, cabued utsitedi tantiamequin nainquin chuibanendambi.

Petedo 2 2:13

Utsibo natiamequin mëyadmequido icsho issun aido natiamiac mëyadquiendac. Nuquin Papan Chiaid niac niacmequin muaquidon utsibo icsamesho issun Nuquin Papan cuidendac, quiash dacuëdtiadquidi icsateuidi bunec inchëshën icsash badiadëntsen icsaic bëdambo iquebi, quec adquido cuishonquec. Esus tantiaquin pebedednuec mibitedi chochoash tabadacno mibëd tabadec muaquidotsen chochopac caosh. Adquidbidi nebi, quiash mibëd tabadec aid icsasho isash: Esus tantiaquido abitedi icsaic, quependac utsibo.

Udas 1:12

Esus uënësaid tantiec tabadquin actequidbëta petempi pec tantiananec tabadquin pebededacno puduedshun mibëdtambi muaquidon piac caosh. Aido: Nuquin Papa tantiesa nebi, quiash dacuëdtiadquidi padenquio yec tabadec. Adquid yec aton iua obeca bëdambuen tantienquio yacbimbuen abiuidtsëqui datantiadquin nabanquido nec. Adecbidi abu chëshë acte nibëdquid icsho cunquequidën uanno tsidunacbimbuecquido nec. Adecbidi cute ambi nitsinaid bacuëenquio yec uënësacsho istuidshun icbon chichicshunniacbimbuen Nuquin Papan cuidtequidombo nendac.