Codinto 1 10:33 - El Nuevo Testamento en matsés

³³ Umbi nabanaidtedi isash ma utsibo abitedi bëdambuen tantiec cuishonquenu, queshun nabanembi. Umbibi tantiacpaden nabanec bëdambo iquebi, quenquio icquin utsibo tantiaquin bëdambuen nashunembi: Ma aido Nuquin Papa yacno puduedtequid icpanu, queshun.

Codinto 1 10:33 Iomraidhean Croise

Doma 11:14

Umbi mibitedi chuibanaid tantiash cun matses utsi utsiec: Esus tantiate bunebi, ma quenu, queshun mibitedi chiec nebi. Adshun Esus tantiabensho aidotsen Nuquin Papan cuidenquio icquin bëdambuen isquin abëd tabadmendac.

Doma 12:5

Adecbidi nuquitedi dadpenquio icquid iquequi Esuquidistun dada yacbimbuec abi tantiaquidtedi iquec. Adash abentsëc yacbimbuec utsibobëd tsidadash tabadec dada abentsëcbimbuec iquec.

Codinto 1 10:24

Umbi tantiacpaden nabanec bëdambo iquebi, quenquio yec: Utsibo bëdambo icmequin nashunnu, quec bëdambuec tabadta.

Codinto 1 13:5

Adecbidi utsi icsambuen tantiec icsambuec onquesa nec. Adecbidi: Umbiuidtsëqui tantiacpadombuen mibitedishun nabanta, quesa nec. Adecbidi badedquio nëishesa nec. Adecbidi: Ubi chieshënquid cuidte bunebi, quequin tantiabudesa nec.

Codinto 2 12:14

Ënden tauambuec nidash mibëdi tabadondabi. Adashic iuecash padpidec mibëdi tabaduapondabi. Adondaidi nëbi padpidec mibi yacno nidendabi. Mibëdi tabadec adecbidi: Bec cho, quenquio iquendabi. Mitsana bunesa nebi. Esuquidistu tantiaquidquio ma icpanu, queshun mibëdi tabadquin chuibanendambi. Aton bacuëbo tantiaquin amën anibëtan pete pemequin bëdambuen dayunuaic. Adoacbimbuen mibi bëdambuen dayun uaquin nashuntiadquio iquebi.

Codinto 2 12:19

Cun utsibo, Pabado chedo icsambuen naquin ampesa nec, mibi ¿camenuendambi dada uaquin chuibampo? Padenquio. Nuquin Papan isnubi mibëtan Esuquidistu tantiaquid icquin mibi aid tantiaquidombo icmenuen chuibanombi.

Cadasia 1:10

¿Mabi matsesën: Mibi bëdambo iquec, canu, quequindambi aden chuibampadi? Padenquio. Nuquin Papambien: Mibi bëdambo iquec, ubi caindac. Matsesën tantiaiduidi chuibanec Esuquidistun iuapenquio ictsiabi.

Pidipos 2:21

Utsibombien atonauidtsëqui tantiaquin Esuquidistun chiacpadombuen natiapimbo iquec.

Tesadonica 1 2:16

Adquid icquin isadaidbon: Matses utsi isadaidpembo chuibannu, quesho ubi chuimenquio icpondash. Esus tantiasho Nuquin Papan bëdambuen isquin mibi cuidenquio iquendac, quequin umbi chuisho: Padi. Aid chienda. Cueschitomane, capondashi. Aden ambi icsambuen naid ënenquio icquin Ambi Chiaid niacniacsho Nuquin Papan aido cumapenen cuidquiendac.