Codinto 1 10:31 - El Nuevo Testamento en matsés

³¹ Nuquin Papa bëdamboshë iquec, ma utsibo quenu, queshun pete peshun acte acquin bëdambuen nabanec tabadtedneta.

Codinto 1 10:31 Iomraidhean Croise

Ducas 11:41

Atona nibëdquid tantiaquin menededneta. Aden mimbi menedednesho issun Nuquin Papan mibi bëdambuen isendac, quepanëdash Esus.

Codinto 1 7:34

Adec tabadquido icquin aton chidobëta ambi nabanaid tantiaquin: Nuquin Icbon chiacpadenuidtsëqui nabanec tabadnu, quetiapimbo iquendac. Padnuen dadan chido bedabicquidbëd niante bëdambuen tantiaquido icquin: Cun dada icsa uatsiash, quenquio icquin: Nuquin Icbouidi tantiaquin aidën chiaidquio nabannu, queshun Nuquin Icbo: Bëdambo iquec, camenuen nabanec tabadendac. Padnuen dada bedmequido icquin: Nidaidën icquiduidi tantiaquin nabannu, queshun aton bënë: Bëdambo iquec, camenuenuidtsëqui nabanec tabadendac.

Codosas 3:17

Aden nabanec tabadquin: Cun Icbo Esus nec, quequin tantiaquin aidën chiacpadombuen nabanta. Adec tabadquin: Mimbi tantiampicpadombuen Esuquidistun tantiamiaid yec bëdambo iquebi, Papa, quequin Nuquin Papa chianneta.

Codosas 3:23

Esuquidistu nidaidën icsho nashunacbimbuen mibi iuaquid tantiaquin aidën chiacpadombuen chieshenquio icquin bëdambuen nabanta.

Petedo 1 4:11

¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.