Codinto 1 10:27 - El Nuevo Testamento en matsés

²⁷ Esus tantiesa abentsëcshun: Pec cho, quequin chiac nidacsho codocashun meniac: ¿Nëid tëshë pequindambi icsambuen napeba? quenquio icquin bedshun peta.

Codinto 1 10:27 Iomraidhean Croise

Ducas 15:23

Adoshombic bacan bacuë caniactsëc nuambo tsënënaid bedshun cuessunneta nuquitedi cuishonquec bëdambuec tabadquin penun.

Ducas 19:7

Adec puduedsho isash Esus icsambuen chuishunec tsibanquidotedi: Icsambo icquidën shubun Esus puduedosh, quecuededpanëdash.

Codinto 1 10:25

Piucquid menequin pambid tëshë bednu, quequin: ¿Matsesën ambibi nacnenshun papa caid ismequin pichicanuen cuessunniaid tëshëda nec? quenquio icquin bedshun peta.

Codinto 2 1:13

Nëbi ma nëid dada uaid isquin bëdambuen tantiabennu, queshun mibitedi abimbo chuiquin dada uaic nebi.

Codinto 2 4:2

Icsambuen nash dacuëdec ompodquidën nacbimbuen nainquio iquembi. Bëdambocquid danmianenquio icquin Nuquin Papan Chiaid utsi uaquin chuibanquin matses mua uainquiocquin abimbo chuibanembi. Aden umbi abimbo chiac tantiaquido yec: Pabado icsambuen naquid nec, quetiapimbo icnubi adembi bëdambuen chuibanembi. Nuquin Papan nuquitedi isec, quequin adembi abimbo chuibanembi.

Codinto 2 5:11

Adec Nuquin Icbo dacuëdampambocquid icsho ma aidën chiacpadec tabadquin ma tantianu, queshun matses tantiamequin chuibante bunebi. Adosho umbi naidtedi Nuquin Papan tantiec. Adembidi ma mimbitsen umbi naid tantiapanu, quec tsadebi.