Codinto 1 10:25 - El Nuevo Testamento en matsés

²⁵ Piucquid menequin pambid tëshë bednu, quequin: ¿Matsesën ambibi nacnenshun papa caid ismequin pichicanuen cuessunniaid tëshëda nec? quenquio icquin bedshun peta.

Codinto 1 10:25 Iomraidhean Croise

Hechos 10:15

Adoaquien padpidec abucuësh onquec: Nuquin Papan bëdambo icmiaidi icsambocquid nec, cainda, quepanëdash.

Doma 13:5

Adquid icnuc chuiquid tapabon chiacpadombuen nabanta. Cuidnushe, quequinuidtsëqui tantienquio icquin: Naden nac bëdambo ictsiash. Naden nac icsambo ictsiash, quequin tantiaquin nabanta.

Doma 14:14

Nuquin Icbo Esus tantiaquidquio icquin: Umbien petemaid nec, quequin tantienquio iquec. Nëbi petemaid nec, caid nibëdec, quequin tantiembi. Ubi adnubi utsibo: Umbi petemaidquio nec, quequin tantiaquin ma penquio icpanuna.

Codinto 1 8:7

Utsin utsinquien mibitedishun umbi chuibued bëdambuen tantiabi iquec. Ënden Esus tantiabenabi icquin ambi papa canun nacnenaid tantiaquid mibi icpondac. Adombuembidi nëbi tantiaquin ambi papa canun nacnenaid ismequin pete dasanaid nec, quequin tantiaquimbi aid pec Esus bëdambuen tantiabenabictsëcquid yec: Icsambuen nachitombi, quependac.

Timoteo 1 4:4

Aidën pete uaidtedi bëdamboshë iquec. Umbi pete uaid bëdambo iqueque. Ma penu, queshun Nuquin Papan pete icmiaid neque. Mimbi pete uaid bëdambo iquec, quequin Nuquin Papa chuishun aid pete isuidenquio icquin penuna.

Tito 1:15

Bëdambuen tantiaquid yec bëdambuec tabadquin nabanquid nendac. Icsambuen tantiaquidien bëdambuen nate tantienquio icquin Nuquin Papa tantiesabo nendac. Icsambo iquec, quenquio icquin icsambuenuidi nate bunquin aiduidi tantiaquid nendac.