Codinto 1 10:14 - El Nuevo Testamento en matsés

¹⁴ Tantia, cun utsibo, umbi aden chuibued tantiashun ambi papa canun nacnenaid tantiec tabadacno nidenda.

Codinto 1 10:14 Iomraidhean Croise

Hechos 15:20

Nadenuidtsëqui dada uaquin isadaidpembo chuinuna. Ambi papa canun nacnenaid ismequin pete sanaid penda. Adembidi min chidouidtsëqui chudquid icta. Adembidi min bënëuidtsëqui chudmequid icta. Adembidi nëish tëtaniaid penda. Adembidi tëshë codocaid intac icquid penda, quequinuidtsëqui isadaidpembo chuibannuna.

Doma 12:19

Cun utsibo, umbi tantiaido mibitedi neque. Tantia, chuinu. Chieshëmënquidobëd cuidnanenquio icta. Adenquio icquin: Nuquin Papanuidtsëquien aid cuidec, quequin tantiata. Naden Nuquin Papan chuiquin Ambi Chiaid dada uamiampid iquec: Ubentsëcquiobi icsaquido cuidquid nec, quec Icbo, quequin chuipampic.

Codinto 1 10:15

Mibitedi tantiaquidombo nec, queshun mibi chiec nebi. Aidën chiaid abimbo iquec, quequin tantiec mibibi datantiadta.

Codinto 1 10:19

Aden chuiquin utsibon papa canun nacnenaid ambi tantiaid bëdambo iquec, quequin chiecpenquio nebi. Adembidi: Ambi nacnenaid ismete nëish iua pichicate bëdambo iquec, quequin chiecpenquio nebi.

Codinto 1 10:7

Adquid icnuc tsusedpabo utsin utsinquien ambibi nacnenshun papa quequin tantiampicpaden matsesën ambibi nacnenshun papa caid tantienda. Aidon nampid chuiquin dada uamiampid nad iquec: Ambi nacnenaid tantiaquin petebëta actequid aquec matses shëcshëcquec bidiadtanec cuishonquec tabadec, quequin chuipampic.

Codinto 1 5:11

Esuquidistu tantiaquid nebi, queshumbi ambi icsambuen naid ënenquio icquin naden naquidobëd iccuededenda. Nëidic ambi natemaid chudquido. Nëidic atona dadpen bunec chieshëmënquido. Nëidic ambibi nacnenshun papa caquin tantiaquido. Nëidic icsambuec chuishumënquido. Nëidic tantiadennuen acte paë uaid acquido. Nëidic ampequido. Adquidobëtan pec tabadenda, quequin chiec niobi.

Codinto 2 11:11

¿Atotsi quiashini: Bec cho, quenquio icpe? ¿Mibitedi tantienquio icquindambi mibi: Bec cho, cainquio icpe? Codinto yacnocquido Pabadon tantiaquiec, quequin Nuquin Papan tantiec.

Codinto 2 12:15

Adembidi mibitedi tantiec: Ma Esuquidistu tantiaquidombo yampanu, quec chonoadbudec tsësiobudquimbi chuibanendambi. ¿Umbi tantiaidonquiobida mibitedishun ubi tantienquio icpe?

Codinto 2 12:19

Cun utsibo, Pabado chedo icsambuen naquin ampesa nec, mibi ¿camenuendambi dada uaquin chuibampo? Padenquio. Nuquin Papan isnubi mibëtan Esuquidistu tantiaquid icquin mibi aid tantiaquidombo icmenuen chuibanombi.

Codinto 2 6:17

Nadembidi chuiquin Nuquin Icbon dada uamepampic: Ubi tantiesabobëd tabadenquio yec cuenta. Umbi: Mishtemaid nec, caid mishenda. Adec icsambuen nainquio yec tabad. Adquid: Ubëd iquec cho, caindambi.

Codinto 2 7:1

Tantia, cun utsibo. Umbi tantiaido icsho mibi chuinu. Nuquin Papan: Naden naindambi, quequin chuiquin dada uamiampid isash nadnuna. Nuqui icsambuen naidbëtabi nuqui icsambuen tantiaid ënnuna. Icsamane, queshun Nuquin Papa dacuëdampambocquid icsho aid tantiaquin aidën chiacpadombuen nabanec bëdambuec tabadtembo tantianuna.

Pidipos 4:1

Tantia, cun utsibo, umbi tantiaidquio icsho mibitedi chuinu. Mibi iste bunquiebi. Umbi chuibanac Esus tantiabensho isash bëdamboshëcquid meniacbimbuec cuishonquiondabi. Ubi yacpaden chieshtoenquio icquin Nuquin Icbo Esus tantiec bëdambuec tabadta.

Pidemon 1:1

Pabado nebi. Esuquidistu chuibennesho bedshun quënën tsadunaid nebi. Ubëtan Nuquin Papabëta Esuquidistu chuibennequid icsho mibi tantiec tsadebi, Pidemon. Nuqui: Cun utsi caid Timoteontsen mibi tantiec tsadec.

Ebedeo 6:9

Tantia, cun utsibo. Umbi tantiaid icsho mibitedi chuinu. Nuquin Papan cuidenquio ictequido mibi nec, quequin tantiembi. Esuquidistu tantiaquido yec Nuquin Papabëd tabadtequido mibitedi nendac.

Petedo 1 2:11

Tantia, cun utsibo, umbi tantiaido icsho mibitedi chuinu. Nëid nidaidën iuec tabadtiapimbo icquido mibi nec. Adquid icnuc Esus tantiesabo abi icsate bunacpadec icsainda. Aden naic cuidadtequid yanmane, quiash bëdambuec tabadta.

Uan 1 5:21

Cun bacuëbobimbuecquido mibi neque. Naden icsambuen nainda. Utsibon ambibi nacnenshun papa cain tantiaid Nuquin Papapenquio tantiec tabadenda.

Esusën Uan ismiaid 13:8

Bëdi dapabimbuecquid acte ëquëducuësh chobued chuiquid tapa icsho matses abitedishunquio: Nadatiambocquid yec bëdambo iquec, quequin tantiabededendac. Ëndenquimboshë matses uabi icquin Nuquin Papan tantiampicpadec abided cuidadec uënësaid Obecabimbuecquid tantiesabo nendac. Adquido yec Nuquin Papan: Ubëdi tabadtequido nec, quequin abi cuëmëdquid dadauate dapan dada uamiambo icquido nec, quequin aden ismeposhi.

Esusën Uan ismiaid 2:14

Adondaid tantiaquin mimbi icsambuen naidtsen chuinu: Mibi cuëdëncuededacno ubi tantiaquido icsambuen namequid utsi utsiec puduedposh. Aido nënëchoquid Badan campidbimbuecquido nec. Ëndenquimboshë matses utsibo chuiquid tapa Badac caidën: Isadaidbo icsamec cho, cac cumapenen tantiaquid Badan caidën: Isadaidbo Nuquin Papan Chiaid niacmenu, quequin chuitampampic. Adoac Badac caidën chiacpadombuen ambi papa caid nacnenaid ismequin dasambued nëish iua pichicaid isadaidbo pemepampic. Aton matsesën chidobombic isadaidbo dadpen chudmequin icsambuen namepampic. Aden Nuquin Papan Chiaid niac niacmec icsamianquido mibëd iquec.

Esusën Uan ismiaid 21:8

Adoshombic nadquidtedi cuidendambi. Nëidic dacuëdquin ubi tantiauidbuedo. Nëidic Esus tantiesabo abitedi. Nëidic chieshëmënquido. Nëidic chieshëmënec cuessunnianquido. Nëidic aton dada utsibëdi chichudnanquido. Nëidic chido daëd dachudnanquido. Nëidic aton chidopenquio chudquido. Nëidic aton bënëpenquio chudmequido. Nëidic nënëchoquido. Nëidic ambibi nacnenaidi papa caquin tantiaquido. Nëidic mua uanquido. Aidotedi chian dapa ënëdenquio yec annëdënquequid icsamboshë nuadquid asupede caid padpidec uënëste caid yacno nësecaindambi, queposh.

Esusën Uan ismiaid 22:15

Adec aido tabadnubi nadquidtedi ambo puduedtiapimbo yec umanucquio tabadendac. Nëidic icsambocquid yec chieshëmënquido. Nëidic nënëchoquido. Nëidic aton dada utsibëdi chichudnanquido. Nëidic aton chidopenquio chudquido. Nëidic aton bënëpenquio chudmequido. Nëidic aton chido utsibëd dachudnanquido. Nëidic chieshëmënec cuessunnianquido. Nëidic ambi nacnenaid papa caquin tantiaquido. Nëidic abi bunaiduidquio naic mua uanquido. Adquidotedi Nuquin Papa yacno puduedtiapimbo iquendac.