Codinto 1 1:21 - El Nuevo Testamento en matsés

²¹ Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.

Codinto 1 1:21 Iomraidhean Croise

Mateo 11:25

Adshumbic Esusën naden Nuquin Papa chuipondash: Papa, mibi bëdamboshë iquec. Mibi yacnocquidon Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi: Cumapenen tantiaquid nebi, quequidombi tantiabi iquec. Adquid icnuc bacuën daëdpactsëc tantiacbimbuen tantiaquido icshobi mimbi tantiamiac.

Ducas 10:21

Aden chuibanashic Nuquin Papan Mayan Bëdan tantiamiacpadec cuishonquec Esus nadpanëdash: Mibi bëdamboshë iquec, Papa. Mibi abuc icquidtedishun Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi cumapenen tantiaquid nebi, quequidombi tantienquio iquec. Bacuën daëdpactsëc tantiacbimbuen tantiaquid icshobi mimbi utsibo tantiamiabi yaid tantiamioc. Aden mibi bunacpadombuen naic mibi bëdamboshë iquec, Papa, quepanëdash Esus.

Ducas 12:32

Mibitedi cun obecabimbuecquido nec. Adquido yec daëdpactsëc icshobi Nuquin Papan ambi namiacno tabadmete buneque. Dacuëdenda, caimbi.

Uanën dada uaid 12:31

Nëbi abi tantiesabo Nuquin Papan cuidtequido yanendac. Adembidi matses dadpenquio icsambuen namequid Mayan Icsa Satanas chedo Nuquin Papan cuenmetequid yanendac.

Doma 1:28

Adec abi tantiate bunenquio icsho isash Nuquin Papa: Ma ambi icsambuen nate bunacpadequi icsambuec ma adequi tabadpanu, quiampampic. Adnëdambi ambi natemaidi naic tabadec.

Doma 11:33

Nuquin Papa abitedimbo tantiaquidquio yec bëdamboshëcquid nec. Adquid icquin ambi natiapimbo ictequid nibëdnuc bëdambuen naquidquio nec. ¿Ada adquid icsho matsesën: Aden nac icsambo iquec. Naden nac bëdambo iquec, quequin Nuquin Papa chuipadic? Padenquio. Ambi naidtedi matsesën tantienquio iquec.

Codinto 1 1:18

Esuquidistu abided cuidadec cueste napotiaidën dectanac uënëspanëdash, quequin chuibanac: Ambembi chiec onquequido nec, quequin tantiaquido icsho chian annëdënquiacno nësecatequid nendac. Padnuen: Aid chuibanaid abimbo chiaid nec, quesho Nuquin Papan nadatiambocquin tantiamiac Esus tantiaquid yec Nuquin Papa yacno puduedtequido nuqui nendac.

Codinto 1 1:23

Aden tantiec tabadnubi nuquitedi: Nuquin Papan Chomiaid Mesias caid yec Esuquidistu abided cuidadec cueste napotiaidën dectanac uënëspanëdash, quequin chuibanec. Adoaquien: Nuquin Papa icsambuen chuishunec, quequin tantiec isadaidbo tabadec. Adnubi matses utsibo: Ambembi chiec tantiadenash onquequid nec, quequin tantiec tabadec.

Codinto 1 1:24

Padnuen isadaidbobëtabi matses utsibo icshobi Nuquin Papan tantiamiaido iquendac. Adquido icquin Ambi Chomiaid Esuquidistu abided cuidadaid chuisho tantiaquidën: Nuquin Papan abitedimbo tantiaquid icquin nadatiambocquin naid nec, quequin tantiec.

Codinto 1 1:25

Adec Esuquidistu abided cuidadec uënësnëdaid chuisho tantiash: Nuquin Papan bëdambuen tantienquio icquin ambembi napanëdash, quequin matsesën tantianubi Nuquin Papa cumapenen tantiaquidquio icnuc adquid matses ictiapimbo iquec. Adecbidi: Nuquin Papa nadatiambocquidpenquio icquin Esus uënësmepanëdash, quequin matsesën tantianubi Nuquin Papa nadatiambocquid icnuc adquid matses ictiapimbo iquec.

Codinto 1 1:27

Adquid icshobi Nuquin Papan tantiamiaido icsho isash dadpen tantiaquido: Ambembi chiec onquequido nec, quequin icsambuen tantiashunchitombi, camenuen dadpen tantiesabobi abi tantiaquido icmiac. Adembidi Nuquin Papan tantiamiaido caic: Chuiquidpenquio nec, quequidobi: Icsambuen tantiashunchitombi, camenuen Nuquin Papan chuiquidpenquiobi abi tantiaquido icmiac.

Codinto 1 11:32

Adesa icsho Nuquin Icbon cuidquin icsambuen naid ënmequin tantiamebennuen nuquitedi natiamendac. Adoaqui abi tantiasho issun Esus tantiesabobëta cuidenquio iquendac.

Codinto 1 2:14

Nuquin Papan abipadquid aton Mayan meniacmaid icquin: Aidën chiaid abimbo caic, quequin tantiatiapimbo iquec. Aden tantiatiapimbo yec: Ambembi chiec onquequid nec, quepec. Aden Nuquin Papa tantiesabo icquin Nuquin Papan Mayanën chiaid tantienquio icquido nec.

Codinto 1 4:10

Ubitedi Esuquidistun: Ubi chuibennequid icta, caido icquin chuibansho tantiash: Ambembi chiec onquequido nec, quepec. Mibitedien Esus tantiaquido icsho: Bëdambuen tantiaquidquio nec, quequin mibi tantiec. Ubitedi caic: Tantienquiocquid nec, quenubi mibitedi: Tantiaquidquio mibi nec, mimbi ubi capec. Matsesën ubitedi tantienquio icnubi mimbitedi ubi tantiaquiec.

Codinto 1 6:2

Iuecshun Ambi tantiacpadombuen Nuquin Papa tantiaquidon Esus tantiesabon naid chuiquin cuidtequid chiendac, quequin ¿tantienquioda mibitedishun ique? Aden Esus tantiesabon naid chuisho tantiashun cuidembi, queshumbi ¿atotsi queshun mibëtan Esus tantiaquidbëd chushcananash Esus tantiesa cuidte chuiquid yacno nidshun mimbi chuibampe?

Cadasia 1:15

Adshobini Nuquin Papan ubi tantiaquioquin tantiamiondash. Ubi tishabi icnubi ubi caic: Cun Mado Esus tantiameshun bëdambuen isquin:

Cadasia 4:8

Ënden mibitedi Nuquin Papa tantiesa icquin utsi mimbi: Papa, quequin tantiapanëdac. Aidën iuabo yec mëtaniacbimbuec mibi icpanëdac.

Epeso 1:9

Aden Nuquin Papan ambi matses tantiamenquio icpampidi nëbi nuqui tantiamec. Abi bunacpadombuen abi matses bëdambuen ismequid Esuquidistu nuqui tantiamiac.

Epeso 3:10

Adembidi nëbi chuibenniac matses dadpen Esuquidistu tantiaquido yanacsho issun Nuquin Papabëd icquidobëtan abuc icquid Mayan Icsa Satanasën iuabo abitedishun naden tantiendac: Nuquin Papan abitedi tantiaquidquio icquin Esuquidistu tantiaquid dadpen yanmiac, quequin tantiendac.

Codosas 1:19

Adoac Nuquin Papapadquidquiobidi yec nadatiamboshëcquid nec.

Ebedeo 1:14

Padnuen abëd icquido Nuquin Papa nashunquido nec. Adembidi Nuquin Papan: Esus tantiaquido ubëd tabadtequido neque. Nashuntan, quequin chometequido nec.

Ebedeo 2:3

¿Nëbi icquido nuquitsen Nuquin Papa matses cuidmenquio icquin bëdambuen ismete chiaid chuisho tantiate bunenquiocsho cuidenquioda icpatsiash? Nuquin Papa yacno tabadmianquid nebi, quequin aton Madonquio Esusëmba chiac adombuembidi aidën chuibansho tantianëdaidontsen: Abimbo iquec, queshun ubitedi chuiuapondashi.

Ebedeo 7:25

Adec uënësesambo yec Nuquin Papa yacno ënëdenquio yec tabadquin abi tantiaquido Nuquin Papa yacnobidi tabadmendac. Adquid icquin: Ubi tantiaquido bëdambuen ista, quequin aton Papa chiannequid nec.

Santiaco 4:4

Chidon aton bënëpen chudmequidbimbuen Nuquin Papa tantiesabo yec icsambuec tabadquido mibitedi nepayoc. Adec tabadquin abi tantiesabon nacpadombuen nadennequid yec Nuquin Papa chieshënquid nec, ¿quequinda mibitedishun tantienquio icpe?

Santiaco 5:15

Nuquin Papa bëdanmianquidquio nec, quequin tantiaquioquin chuinuc nënquid Nuquin Icbon bëdanmendac. Adembidi nënquidën icsambuen naidtedi tantienquio yec bëshunquin Nuquin Papan bëdambuen isendac.

Santiaco 5:20

Aden tantiabenmequidën chian annëdënquequid nësecaidi bedacbimbuen naindac. Adshobien ambi bedaidën icsambuen naid tantienquio yec Nuquin Papa bëshunendac. Aidted chuiquin dada uaombi.