Codinto 1 1:2 - El Nuevo Testamento en matsés

² Aidbëtambi Codinto yacnoquid Nuquin Papan bëdambuen tantiamiac Esus tantiaquido icsho mibitedi tantiembi, quequin chiec nebi. Esuquidistunuidtsëqui bëdamboshëcquid icmequin tantiamiac Nuquin Papa tantiaquido mibitedi nec. Adoaido icquin utsi utsiec yacnoshon Esus tantiaquid utsibobëtan Nuquin Icbo Esuquidistu chiannequid nuquitedi nec. Aidi Nuquin Icbo yec aidon Icbobidi nec.

Codinto 1 1:2 Iomraidhean Croise

Hechos 10:36

Isadaidbon tsiuecquidoba tantiamenuen Nuquin Papan Esus chomepanëdash. Esuquidistunuidtsëqui Abitedishun Icbombo icquin Nuquin Papa matses bëdambuen ismec, quequin tantiembi.

Hechos 15:9

Matses utsibo nec, quenquio icquin aidotsen Esus tantiamequin bëdambuen tantiamequiopondash.

Hechos 18:1

Adec Atenas yacno tabadash auëshquio puduanec nidec shubu dadpen icquid Codinto yacno Pabado nidpanëdash.

Hechos 22:16

quequin chuishumbic: ¿Atotsi cainec tsadec ne? Esus tantiabenquin mimbi icsambuen naid chuita. Ma mimbi icsambuen naid tantienquio yec Nuquin Papa bëshunnu. Aden chuitanquin: Nëbi Esus tantiaquid nebi, quequin utsibo ismequin acten mentometa, capondashi Ananiasën.

Hechos 26:18

Aden chuibanac utsin utsinquien pashuacbimbuec icbuedombi tantiendac. Icsambuen naquid nebi, quequin tantienquio icbuedëmbi: Icsambuen naquid nebique. Ubi icsaid tantienquio yec bëshunta, Papa, quendac adquid. Mayan icsa Satanasën iua icbuedi Nuquin Papan bacuëbo yanendac. Adquid yansho ambi icsambuen naid ënmiac Nuquin Papan bëdambo icmiaid ubi tantiaquid utsibobëd iquendac, quequin Esusën chuipondashi.

Hechos 9:13

Adoaquien: Cun matses dadpenshun Saudon icsambuen nabanaid chuibansho tantiombi, Icbo. Aidëmbi Edusaden yacnoshon mibi tantiaquido mëyanmiac caosh.

Hechos 9:14

Aidëmbidi Edusaden yacnocquidon chuiquid tapanquio dada uaid sananquin nëmbotsen mibi tantiaquido bedmeshun buannuec aidi chopac caosh, quepanëdash Ananias Esus chiec.

Hechos 9:21

Aden chuibansho tantiash tantiadempambo yec tabadec: ¿Edusaden yacnoshon Esus tantiaquido mëyanmebuedpenquioda nedic? ¿Adecbidi nëmbo choshon nuquitsen tanemeshun isadaidbo Edusaden yacnocquidon chuiquid tapabo yacno buanmenuec choashpenquioda nedic? quepanëdash Damasco yacnocquido.

Doma 10:12

Nuquin Papan: Isadaidbo nec. Matses utsibo nec, quenquio icquin abitedishun Icbombo icsho matsesën: Ubi nashun, Papa, quequin abi chuisho tantiashun: Nashuntiapibi, quenquio icquin nashunendac.

Doma 3:22

Aden ambi chuiquin dada uamiampicpadombuen nëbi abi tantiamequid Esuquidistu uidtsëqui tantiasho Nuquin Papan matses bëdambuen isec icsambuen naisabimbuecnuc. Isadaidbobëtambi matses utsibontsen Esus tantiasho adoendac.

Doma 8:28

Nuqui naden tantiec. Ambi tantiampicpadombuen abi tantiaquido bëdambo icmete bunquin Nuquin Papan bëdambuen nashunec. Aido ambi tantiampicpadombuen tantiamebenquin: Nuquibi icnuc cho, caquin cuënaido nec.

Codinto 1 1:30

Adquid icnuc Nuquin Papanuidtsëqui tantiamiac mibitedi Esuquidistubëd abentsëc yacbimbuec tabadquido nec. Adembidi aidëmbi nuquitedi bëdambuenshë tantiaquid icmequin abimbo chuiquid icmec. Adoshon icsambuen naisabimbuecnuc Esusën Nuquin Papa nuqui bëdambuen ismec. Adoaid yec Esuquidistubëd bëdambocquid icsho cuidenquio ictequid Nuquin Papa yacno tabadtequido nuqui nendac. Esus abided cuidadaid icnuc Nuquin Papan nuqui cuidenquio iquendac,

Codinto 1 10:32

Nëidtedi ismequin: Icsambo iquec, camenda. Nëidic isadaidbo. Nëidic matses utsibo. Nëidic Nuquin Papan tantiamiac Esus tantiaquido. Aidotedi: Icsambo iquec, camenda.

Codinto 1 12:27

Mibitedi Esus tantiaquin utsi utsien nabanquido yec Esuquidistun dadabimbuecquido nec.

Codinto 1 8:6

Adquid icnubi nuquitedi: Papa, quequin tantiaid Nuquin Papa abentsëcquiobi iquec. Aidi abitedimbo uaquidquio nec. Aidën tantiacpadequi nuquitedi abi tabadec. Adecbidi nuqui Cun Icbo caid Esuquidistu abentsëcquiobi iquec. Aidënuidtsëqui abitedimbo uashun adembidi nuquitedi uapampic.

Codinto 2 1:1

Pabado nebi. Nuquin Papa bunacpadombuen Esuquidistun: Ubi chuibennequid icta, caid nebi. Esus tantiaquidbidi Timoteo nuqui cun utsi caid ubëd iquec. Aidbëtambi mibi tantiembi, quequin shubu dadpen icquid Codinto yacnoshon Esus tantiaquin Nuquin Papa tantiaquido icsho mibitedi chuiquin dada uaimbi. Adembidi Esus tantiaquid utsibo nidaid cuëshë Acaya yacno tabadquidtedi icsho tantiembi, quequin chiec nebi.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Cadasia 1:2

Nëmbocquid Esus tantiaquidobëtan mibitedi tantiembi. Nidaid utsi Cadasia yacno tabadquin Esus tantiaquido icsho mibitedi chuiquin dada uaic nebi.

Epeso 5:26

Adec abided cuidadec uënëssun: Ubi tantiaquido bëdamboshëcquid icmenu, queshun ambi Chiaid tantiamequin abi tantiaquido acten mentoadmendac.

Tesadonica 1 1:1

Pabado nebi. Ubëdi Sidbanobëd Timoteo nëmbobi iquec. Aidobëtan mibi tantiaquin: Mibi tantiec tsadebi, quequin dada uaimbi. Shubu dadpen icquid Tesadonica yacnocquido Nuquin Papabëta Nuquin Icbo Esus tantiaquido icsho mibi chuiquin dada uaic nebi. Nuquin Papan Esuquidistubëtan bëdambuen isquin ma mibitedi bëdambuec tabadmepanuna, caimbi.

Tesadonica 1 4:7

Ma icsambuen naic tabadnu ¿queshunda Nuquin Papan Esus tantiaquido nuquitedi icmediac? Padenquio. Ma bëdambuen nabanec tabadnu, queshumbien Esus tantiaquido nuqui icmiaque. Bëdambuec tabadnuna.

Tesadonica 2 1:1

Pabado nebi. Tesadonica yacnocquido Nuquin Papabëta Nuquin Icbo Esus tantiaquido icsho mibitedi tantiembi, quequin padpiden chuiuaquin dada uaimbi. Adembidi ubëd icquin Sidbanobëtan Timoteon mibitedi tantiauaic.

Timoteo 1 2:8

Tantia. Dadatedi chuinu. Iccuededec cuëdënacno puduedshun Nuquin Papa chuinuec bëdambuequien tabadtiad. Nëish bëdanash chushcananenquio icquimbien podo cadoquin Nuquin Papa chuitiad.

Timoteo 1 3:15

Esus tantiaquido iccuededquin nadoquid, quequin Pabadon chiacpadombuen nanuna, cata. Nuquin Papambo uënëstiapimbocquidtsen tantiaquido nuqui nec. Aid tantiaquido icquin Nuquin Papan Chiaid utsi uaquin chienquio icquin aid abimbo chuiquid icquin ambi chiacpadombuen naquid nuqui nendac, quequin chuita.

Timoteo 2 1:9

Nuquin Papan: Cuna nec, quequin aton Mado Esus tantiamiaido icquin adonona. ¿Nuqui bëdambuec tabadshoda Nuquin Papan nuqui bëdambuen isbempondash? Padenquio. Ëndenquimboshë nidaidbëta matses uabi yequi Nuquin Papa: Umbi chiaid niac niacquin icsambuen naquidëmbi cun Mado Esuquidistu tantiasho cuidenquio iquendambi, quequin ambi chiampicpadombuen nuqui Esus tantiaquid icmiac.

Timoteo 2 2:19

Padnuen shubu uanun buintad nitsinacbimbuecquid Nuquin Papan Chiaidquio nec. Aidi Esus tantiaquido uidënquio icmete nec. Ambi dada uamequin chiampid nad iquec: Abi tantiaquido Nuquin Icbon tantiec. Adquid icnuc abi tantiaquidon: Cun Icbo nec, queshun ambi icsambuen naid ënendac, quequin chuipampic.

Timoteo 2 2:22

Caniabon abi bunacpadombuen icsambuen naquid tanenda, mado. Adenquio yec bëdambuec tabadte bunquiota. Adec tabadquin matses ambi icsambuen naid ënmenuen abimbo chuita. Chieshtoenquio icquin Esus tantiata. Utsibobëd tantiananec bëdambuec tabadta. Nuquin Icbo Esus bëdambocquid nec, quequin tantiaquidobëtan Esus tantiata.

Ebedeo 10:10

Adoac Nuquin Papa bunacpaden: Ma matsesën ubi uënës uanu, quiash padpidec uënësenquio icnush abentsequi abided cuidadec Nuquin Papa matses cuidmenquio icnuec Esuquidistu uënëspanëdash. Aid tantiaquido icsho issun Nuquin Papan: Cuna nec, caido yec aton iuabo nuqui nendac.

Ebedeo 13:12

Adembidi shubu dadpen icquid tsicatiaid umanuc matses tabadenquio yacno Esus buanshun uënësuac aton intac chididiquec uënëspanëdash. Adec uënësaid tantiaquido icsho icsaisabimbuecnuc bëdambuen isquin Nuquin Papan: Cun matses nec, caido nuqui nendac.

Ebedeo 2:11

Aden matses bëdambo icmequid Esuquidistun Papa ambi bëdambo icmiaidon Papabidi nendac. Adec Nuquin Papan Madombo icquin Esusën dacuëdenquio icquin: Cun Pabëd ictequid cun utsibobëd nec, caindac.

Udas 1:1

Esuquidistun iuambo nebi. Santiacon utsi Udas nebi. Mibitedi tantiaquioquin Nuquin Papan tantiamiaido icquin abi tantiasho: Ubi tantienquio yannushe, queshun Esuquidistun mibitedi cudasquin dayunuaic, quequin chuiquin mimbi iste dada uanu.

Esusën Uan ismiaid 19:16

Aton dashcute bëntsecquidbëtambi aton bëusudquidën naden dada uapaccosh: Abitedishun chuiquid tapambo yec abitedishun Icbombo nec, quequin chuiquin dada uapaccosh.