Codinto 1 1:13 - El Nuevo Testamento en matsés

¹³ ¿Adquid iquecta Esuquidistubëd abentsëc yacbimbuec mibitedi tabadpe? ¿Mibitedi tantiectabi ubided cuidadec cueste napotiaidën dectanac uënësponda? ¿Cun cuëmëdquid chuiquinda mibitedi acten mentobanondash?

Codinto 1 1:13 Iomraidhean Croise

Mateo 28:19

Nidaid utsi utsiec yacno nidshun ubi tantiaquido icmenuen matses abitedi Umbi Chiaid chuibenneta. Adoac ubi tantiabensho acten mentoquin: Nëid Esus tantiabenshun Nuquin Papatsen tantiaquid nec. Nëidbëd Aton Mayan Bëda tabadec, quequin utsibo ismequin acten mentobanta.

Mateo 3:6

Adec chochoash tabadquin Uanën chuisho tantiash: Aden icsambuen naombique. Umbi icsambuen naid ënnu, quequin chuisho tantiashun Uanën acte Odan caidën mentobampanëdash.

Hechos 10:48

Aden chuitanquin: Esuquidistu tantiaquid nebi, queshun acten mentometa, capanëdash Petedon. Adoac acten mentomeshun: Nuquibi tabadnuna, cac Petedobëd chochobuedo acten mentoaidobëd daëdpactsëc ushec tabadpanëdash.

Hechos 19:5

Aden chiac: Esus Cun Icbo nec, quequin tantiaquid nebi, quequin Epeso yacnocquid Esus tantiaquidon chuisho tantiashun padpiden acten mentobampanëdash.

Hechos 2:38

Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.

Doma 14:9

Adquidon Icbo icnuec uënësash Esuquidistu uincuempanëdash. Uënësabi icquidën Icbo icbuedi uënësaidën Icbobidi iquendac.

Codinto 1 1:15

Adquid icnuc: Pabadon aton cuëmëdquid chuiquin acten mentondaid nebi, quetiapimbo mibitedi iquec.

Codinto 1 10:2

Aden potequido yec aido abitedi abu ushu ënapen icquidbëtan acte dapa mad caidën mentoacbimbuecquido Moises tsibanquido nepampic.

Codinto 2 11:4

Adec ubi tsadnubi Codinto yacno choshon utsibon Esuquidistu umbi chuibued utsi uain icsambuen chuibansho badedquio mibitedishun tantiashunec. Adembidi Nuquin Papan Mayampenquio caic: Mayan utsi iquec, quesho tantiash: Ubi mene, mibi quepec. Adembidi, Mibi bëdambo icmequid Esusbimbuecquid utsi iqueque. Aid tantiata, quequin umbi chiaid utsi uain chuisho tantiashun: Abimbo caic, quequin mibitedishun tantiec. Aden utsibon umbi chiondaid utsi uain chuisho tantiec, quesho tantiash Esuquidistu tantienquio yantsiash, quec tsadebi.

Cadasia 1:7

Aidon ma Nuquin Papan Chiaidpenquio chuibaneyoc. Esusquio chienquio icquin utsi uaquin muaquin chuisho tantiashun: Abimbuen cachitec, queshun mibitedishun Esuquidistu tantienquio yampac caoc.

Epeso 4:5

Abentsëcquiobi Nuquin Icbo iquec. Abentsëcquiobi nuqui tantiaidquio Esuquidistu iquec. Abentsëcquiobi nuqui acten mentote iquec.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.