Codinto 1 1:12 - El Nuevo Testamento en matsés

¹² Mibitedi utsi utsiec nadec onquiaid chuinu: Pabadon tantiamiaid nebi, quenubi utsibo: Apodon tantiamiaid nebi, quenubi utsibo: Petedon tantiamiaid nebi, quenubi utsibo: Esuquidistun tantiamiaid nebi, quec tabadosh, quequin chuisho tantiombi.

Codinto 1 1:12 Iomraidhean Croise

Mateo 23:8

Mibitedi adenda. Utsibo: Mibiuidtsëqui bëdambo iquec, icbo, camenuec adenda. Min Icbo abentsëcquiobi nebique. Ubi abentsëqui cun Icbo cata. Cun iuabo yec cun utsibimbuecquido mibitedi neque. Bëdambuec isnanta.

Uanën dada uaid 1:42

Adshumbic Andedesën aton buchi buanac Esus isec chopanëdash. Chosho isash Esus: Uanën mado Simon mibi nec. Utsi uain cuënquin mibi Sepas cashumbic Petedo caimbi, capondash.

Hechos 18:24

Adnubien isadaidbo Apodo cuëmëdquid shubu dadpen icquid Adejandedia caid yacnocquid Epeso yacno chopanëdash. Aidi bëdambuen chuibanquid yec Nuquin Papan Chiampid tantiaquidquio nepanëdash.

Hechos 19:1

Codinto yacno Apodo icnubi Pabado nidaid Pidiquia caid yacnouësh puduanec podquedën choec macuësh tapa naquiadcuëtsenec shubu dadpen icquid Epeso yacno chopanëdash. Ambo choshon Esus tantiaquido istuidshun

Codinto 1 1:11

Cun utsibo, mibitedi utsi utsiec chushcananec tabadosh, quequin chido Codoen shubun icquidon chuisho tantiombi.

Codinto 1 15:5

Adshun choquin: Uincuenobi, quequin Petedo Esuquidistun ismepanëdash. Adshumbic abëd icquidotedi ismeuapanëdash.

Codinto 1 15:50

Tantia, cun utsibo. Matses yec dada namibëd intacchoquid icnuc Nuquin Papan namiacno tabadtiapimbo iquendac. Uënësash aton dada chodquetequid icnuc Nuquin Papa yacno tabadtiapimbo iquendac.

Codinto 1 16:12

Nëbi nuquin utsi Apodo cain: Esus tantiaquid utsibobëtan ma mibitedi istannu, queshun Apodo iuen chuiuidombi. Aden chiaqui: Nëbi nidte bunenquio iquebi, quiosh. Iuecash istante bunec aidi mibi yacno nidendac.

Codinto 1 4:6

Tantia, cun utsibo, mibitedi chuinu. Ma Nuquin Papan Chiaid utsi uaquin chienquio icnu, queshun Apodon naidbëta umbi naid chuibanembi. Adembidi icsambuen tantienda. Ubi chuibanquid bëdamboshëcquid nec. Aidpadquid utsi nibëdec, quenda.

Codinto 1 7:29

Tantia, cun utsibo, umbi chuibued tantiaquin mibitedi chuinu: Nidaidën iuec nuquitedi tabadtiapimbo icnubi Esus chote anoentsëqui yanendac. Adquid icnuc min chido bedash aidbëd tabadquid iquequi chido bedacmaidbimbuec tabadta.

Codinto 1 9:5

Adembidi ubëd chuibennec nidquidën aton chido Esus tantiaquid buanac bëdambo iquec. Adombuembidi Petedon aton chido buanec. Adembidi Esusën utsibon chuibennequin aton chido buansho: Bëdambo iquec, caimbi.

Codinto 2 10:7

Ambi isaiduidi tantiec utsi utsiec onquec: Esuquidistu tantiaquid nebi, quequi aido: Pabado icsambocquid nec, quepec. Adec onquequidobi: Pabadotsen Esuquidistu tantiaquid nec, ma quenu, quequin chiec nebi.

Codinto 2 9:6

Nuquin Papan Chiaid chuinu. Tantiata. Pete ëshë daëdpactsëc sequidën daëdpactsëc bedquid. Dadpen sequidën dadpen bedquid, quequin chuipampic.

Cadasia 2:9

Aid chuiquid tapabo Santiaco yec Petedo yec Uan yec quec icpondash. Aido: Isadaidpembo Esusën naid mimbi chuibennenubi adembidi isadaidbombo chuibennendambi, quepondash. Adshumbic: Ubipadquid yec mibitsen Esus chuibennequid nec, queshun chuiquid tapabon ubëd icquid Bednabebëta mëdimpondashi.

Cadasia 3:17

Aid chuinu. Tantia. Ëndenquimboshë Nuquin Papan Abadauan chuiquin: Min tsiuecquidën matses bëdambo icmendac, quequin Esuquidistu caquin abimbo chuipampic. Adshumbic iuecquio icshun seta dadpenquio 430ted matanmeshun utsitsen chuiquin Nuquin Papan Moises dada uamepampic. Aden Moisesën dada uampid icsho utsi uatiapimbo iquec. Adembidi: Iuecshun min tsiuecquid bëdambo icmequid icmendambi, quequin Nuquin Papan Abadauamba chiampid utsi uatiapimbo iquec.