Números 33:53 - Sharanahua: Diospan Tsain

⁵³ Ascan huacatan nanno nan mai fiicahuun matona inon. Nan mai un mato inain nanno man inon.

Números 33:53 Iomraidhean Croise

Génesis 15:7

Ascashon afanan Ifo Diosin Abram yoini isca huaquin, —Unfin min Ifoquin. Un mia Caldeofo aton pushu rasi ahuun anu Ur anoashu mia ihuuni mai futsa shara mia inanshquin mina inon, —huaiton.

Daniel 4:17

“ ‘Nannori Diosin tsain fomisi sharafoan yoiaifo cuscan nanscaracoin iishquin. Ascaiton nicacaquin manifotiton tapitirofo Ifo Diosin nantifi finonshon manifoti ato iquinin. Nan fustitofin tsoa niaifo imapaiquin imatiroquin. Diosin nocofunu ahuamari niaifo imapaiquin imatiroran,’ ishon ua yoia.

Daniel 4:25

Mia yorafomaquishon cainmanano min yoinafo fu iyoshquin. Moifoan fasi piaifo cuscan mirifi min ato futan siete fari fasi piishquin. Nai muranshon nifipan mia muchana huashquin. Ascan sieite fari finoanno min yoishquin isca huaquin, “Nan Ifo Diosin nai muran icaton nantifi finoncoian. Nantifi manifoti ato iquina. Manifoti anoafo ratora futsa Ifo Diosin ato murannoa niaifo imapaiquin nan imashquin.”

Daniel 4:32

Yorafoan min pushu muranshon mia nichicani afanan yorafo fu itamarocon min fasi fununun cai yoinafo icano. Nan moifoan fasi pitiro cuscan min nansca huai. Siete fari finontan min yoishquin isca huaquin, “Ifo Diosin nantifi finoncoian. Nantofin nantifi manifoti ato iquinanquin. Nantofin ratoran yora niaifo imapaiquin imatiroquin,” ishon min yoicairan, —ishon nai murannoa Nabucodonosor oi nicani.

Mateo 20:15

Nan un ato inanpaiyai cuscan un ato inantiro. Nanmain uhuun puicufin. ¿Ascan ahuuscaquin nan faricaino yonoafo yafi man uqui shinain chacaimun? Unfin futsafori shara huapaiquin,” ishon mau ifoan ato yoini.

Deuteronomio 11:31

Man samamashta unu Jordán pocufainnicai nan mai nocon Ifo Diosin mato inanno nanno man iishquin. Nanno man icaitian nantifi nocon Ifo Diosin mato yonoa cusca un na shafata mato tapimai man nansca huapacunaca. Nan mato yonoa cusca nantifi nanscacoincahuun.

Josué 1:6

Uhuun yora Israelifo min nan mai shara ano ato iyoshquin. Min shunifo un ato yoiyoni cusca na mai un ato inain. Ascacun uhuun curushhuunshon un mia amapaiyai cuscan huafafainhuun. Shinanquin isca huahuun, “Uhuun Ifo Diosin ua yonoa cuscan un atiroran,” ishon shinanhuun.

Josué 23:5

Nan ratoran caifo futsafo man ato mai anoshon potataima nocon Ifo Diosin matohuunshon ato potashquin man ato mai fiinon. Nannori maton Ifo Diosin mato yoiyoni.