Números 27:18 - Sharanahua: Diospan Tsain

^18-19 Ascaiton nocon Ifo Diosin cumani isca huaquin, —Nunpan facu Josué mun catoan. Uhuun Yoshin Shara a fu rafumisi. Ascan Eleazar nan ahuun caifohuunshon ua cufinmisi non nantifi Israelifo icano Josué iyotahuun. Ascashon aton ointaifin Josué manmanhuun. Ascatan min Josué yoitiro nan min naitian naanfin mia cuscaran Israelifoan aton niaifo iishquiquin ato iyosharafain ato cushusharashquin. Nannori min yoiaiton min caifofoanri tapitirofo unmain aton Ifo Diosicun unfin Josué catoanquin aton niaifo funa inon.

Números 27:18 Iomraidhean Croise

Génesis 41:38

Ascatan Faraón ahuun niaifo patasharinoafo yoiquin isca huani, —Tsoa futsacai José cuscarama. Ahuun mapo fasi sharacoin. Diospan Yoshin Shara ahuun nomuran shinanmashara. Ascan un José catoin niaifo uhuapa inon nocon caifo iquinon, —ishon ato yoini.

Éxodo 17:9

Ascaiton oinquin Moisés nan nocofunu ahuun anu Josué yoini isca huaquin, —Nocon caifo nocofunufo catonhuun. Ato iyotashquin Amalecitafo fu rutunanonfo. Funamari un machihuan mamaqui caiquin Diosin ua yonomisi cusca nan poquiti un tsomai cairan, —ishon Moisés yoini.

Daniel 5:14

Mun nica diosfoan aton yoshin min nomuran min nanua. Ascashon min fasi tapian. Ahuarafo finoain cuscan min tapifain futsafoan shinain cuscan min tapifain ahuara futsafohuunoa min tapicoianran ua hua.

Números 11:17

Ascano un matoqui fotoshquin mato yoishquin. Nan Uhuun Yoshin Shara mi fu imisi cusca huaquin un ato furi uhuun Yoshin Shara rafumani. Ascano nanfoan mi futan min yorafo ashoshquin mincai afanan mirus fusti ato yonoima.

Números 13:16

Nan nocofununfoan aton anufo catoan cusca Moisés ato mai futsa ointanonfo ato nichini. Nunpan facu Oseas Moisés anu futsa tuqui huani Josuéran huani.

Números 13:8

Mani futsafoan ahuun anu Efraín aton niaifo Oseas catonni. Nan Oseas Nunpan facu ini.

Números 27:23

Nan nocon Ifo Diosin yononi cusca Moisés ahuun mucu rafutan Josué manmanni. —Natianfin min nocon niaifo iishquicain nocon Ifo Diosin mia tapimai cusca min yorafo tapimashquin, —ishon Moisés Josué yoini.

Juan 3:34

Upa Diosin ahuun Yoshin Shara Jesusqui nichini afu rafupacunon. Nantifi ahuun curushu inanni. Diosin yoia cuscan nantifi nocori tapimani.

Hechos 13:3

Ascatan piqui tununifo Upa Dios cufinquin anaiticashon Bernabé yafi Saulo manmanshon cufishonifo. Ascashon ato nichinifo futsafo Diosin tsain yoitanonfo.

Hechos 19:6

Ascashon Pablonun ato manmainno Diospan Yoshin Sharapan ato imaino tsain futsanman inifo. Diospan tsainri yoipacunifo.

Hechos 6:3

Ascan nocon yoramishtichin, maton murannoa nocofunufo siete catoncahuun mato tushu pashcanan huanonfo. Man tapia ratofomain Diospan Yoshin Shara fu rafucain shinansharamisiquin. Nan cuscarafo catonhuun non ato yononon mato tushu pashcanan shara huanonfo.

Hechos 6:6

Aton catoncashon Jesús fu rafumisifo ano iyonifo. Ascan nan doce ato manmancashon Upa Dios cufishonifo.

Deuteronomio 1:37

Matohuunoashu nocon Ifo Diosin uquiri sinaquin. Ua yoini isca huaquin, “Minricai na mai shara ano iquitiroma.

Deuteronomio 3:21

Unfin Moisés un Josué yoini isca huaquin, “Na niaifo rafu nocon Ifo Diosin ato nama cusca man min oian. Min mai futsa sharacoin ano nocon Ifo Diosin manifoti ano ato nanscari huaashquin.

Deuteronomio 3:28

Min Josué yoitiro afin mia cuscaran maton caifoan aton niaifo inon. Maton caifofo na mai shara ano Josué ato iyoshquin. Ascatan unu Jordán pocufainshquin. Josué tsain shara yoihuun ahuun nomuran unimamahuu. Ascashon yoihuun un mi fu imisi cusca un a fu iishqui uhuunshon ahuun yorafo na mai shara ano ato iyosharashquin. Na mai min oiain Josué min yorafo nan Israelifo inanshquinran,” ishon nocon Ifo Diosin ua yoia.

Deuteronomio 31:3

Ascano nocon Ifo Diosin aafin mato fu rucu cai. Nantofin caifo futsafo cuyoshquiquin. Ascanofin man aton mai ano iishquicain matona inon. Ascatari nocon Ifo Diosin yoia cuscari Josué mato niaifo iishquin mato ointaifin rucu unu pocufainicai.

Deuteronomio 34:9

Nataima Moisés Josué manmanni Diospan Yoshin Shara Josué fu rafucacainno nan fasi tapimasharanon. Ascano nocon Ifo Diosin Moisés yononi cusca Josué Israelifo yoiaiton nan nicasharanifo.

1 Timoteo 4:14

Ichananfo ato cushumisifoan mia manmanshon cufishonaifono nantianri Diosin mia amapaiyai cuscan mia ashoni min icoinra huaa futsafo tapimasharafain min ato cushusharanon. Ascan Upa Diosin mia cashman tapimani cuscan huafain futsafori shara huashofafainquin shatuyamahuu.

1 Timoteo 5:22

Ascano ichananfo aton cushumisi catonriscayamahuu. Iquisi oinsharayohuu Jesús tanasharamisi iyamarai tanasharamamainquin. Tsoan ahuun chaca fomanpairiai cushumisi catonyamahuu. Ascaran min catoanfin mirifi min ahuun chaca fomanshonni cafiscaiquin. Ascacun ascayamahuu. Jesús cuscara isharacoinhuun. Ahua chaca huayamahuu.

Josué 1:17

Moisés noco yonoa non nanscacoinmisi cuscan nanscarifiai min noco yonoai cuscan non aashquin. Ascano nocon Ifo Diosin Moisés fu ipaoni cuscan nanscariai mi fu ipapainon.

1 Samuel 16:18

Futsan nica cuscan yoini. —Niaifon, mun nican Isaí pushu rasi Belén ano ica ahuun facu futsan manuti fasi tapisharacoian tsain shara yoifafainni. Ascanori nan pushcohuai ahuaqui ratuyamacain mutsisipa shara ahuun fuso fupishtacoin. Nocon Ifo Diosi a fu icaran, —ishon yoini.