Números 20:8 - Sharanahua: Diospan Tsain

⁸ —Aarón poquiti tsomashon maton caifofo nantifi ichanan huacahuun. Ascatan min yorafoan oiainfoanno nan toquirininhuan yoihuun unu afanon. Min yoiai cusca nan toquirininhuan murannoashu unu ichapacoin afaiquin. Ascano nantifi min caifofo non maton inafoanri ayatiro nomi shatucoinshcaquin, —ishon Ifo Diosin Moisés yoini.

Números 20:8 Iomraidhean Croise

Génesis 18:14

—Ascan ahuara tsoan atiroma cuscan Diosin huatiro. Fari fusti finontan un afanan mia oinyoi oshquin. Nantiari Sara furun cainshquiran, —ishon nocon Ifoan yoiaiton.

Éxodo 14:16

Ascano min poquiti unuhuan manaon susohuun. Min susoaino ununhuan pashcanantanaino min non nantifi min yorafoan mai mutotanaino pocufainonfo.

Éxodo 17:9

Ascaiton oinquin Moisés nan nocofunu ahuun anu Josué yoini isca huaquin, —Nocon caifo nocofunufo catonhuun. Ato iyotashquin Amalecitafo fu rutunanonfo. Funamari un machihuan mamaqui caiquin Diosin ua yonomisi cusca nan poquiti un tsomai cairan, —ishon Moisés yoini.

Éxodo 4:17

Natian min poquitiya catahuun un mia yonoai cusca huaquin min poquitihuunshon min ahuamamishti yoran atiroma cusca huaquin min yorafo ismashquiran, —ishon nocon Ifon Diosin Moisés yoini.

Éxodo 4:2

—¿Minmun ahua tsomaquin? —ishon nocon Ifon Diosin Moisés yocaiton. —Uhuun poquitiran, —ishon cumani.

Éxodo 4:20

Nannori yoiaiton nicaquin Moisés ahuun ahuin non furun rafu burro camaqui ato iyoni Egipcio mai ano ato fu iishquin. Diosin nan ahuun poquitihuunshon tsoan atiroma cusca huashoita cusca nan Moisés ahuun poquiti tsomani.

Éxodo 7:20

Ascano nocon Ifo Diosin ato yononi cuscan Moisés futan Aarón huani. Faraón yafi ahuun niaifo patasharinoafo aton ointaifin Aarón ahuun poquiti finifoantan unu Nilo tsacaino unu fianananriscatani imicoin inon.

Números 20:11

Asca huatan Moisés poquitinin toquirininhuan tsacaquin rafu huani. Asca huatanaino unu ichapacoin afani. Ascaino nantifi Israelifo non aton inafoanri ayacani mayacoinifo.

Números 20:7

Ascatan nocon Ifo Diosin Moisés yoini isca huaquin,

Mateo 21:21

Noco yoini, —Un mato icon yoinon. “Un icoinra huai iyamarai un icoinra huaimaran,” ishon shinantama man icoinra huacoinshon un fana tsasi huaa cuscan marifi man nanscarifi huatiro. Ascashon machiri man yoitiro, “Tsucucai. Unuhuan muran pacuhuu,” man huaino unuhuan muran pacuriscatiro.

Lucas 11:13

Ascacun tapicahuun. Man chaca huamisifiashon maton facufo man inansharamisi. Man ascaiton finacaiya maton Upa Diosin nai murannoaton man yocai cuscan ahuun Yoshin Shara mato inanshquin, —ishon Jesús yoini.

Juan 16:24

Uhuun anuhuunshoncai man Upa yocayomisima. Ascan uhuun anuhuunshon Upa yocacahuun. Man yocaiton Upan mato inanshquin. Mato inainno man fasi unimashquin.

Josué 6:20

Ascan nan manutifo manuaino nantifi Israelifo oi ashcafinin cunanifo. Oi ashcafinin cunaifoanno Jericó ahuun cunu cuyacoin nantifi pacui paoinqui futsunifo. Ascano nantifi Israelifo pushu rasi muran iquinifo nan murannoafo ato rutunifo.

Josué 6:5

Ascano ahuun unutaqui aton manutifo fasi chai manuaifoanno nantifi yorafo oi ashcafinin cunatiroforan ishon. Nannori ato yoihuun. Ascan man manutifo fasi achacoin manuaino nantifi yorafo oi ashcafinin cunaino nan cunu Jericó tarati huaafo pacuriscashquin. Ascano min yorafo nantifi Jericó muran cayacafi iquishcaniran, —ishon nocon Ifo Diosin Josué yoini.

Apocalipsis 22:1

Ascan uhuun namapan ointsa Diosin ahuun oinmati afu ica futsan Dios icanomain ahuu cuscaraquin ua isma. Upa Dios yafi Jesús nan chashoan facu cahuan sharashta cuscara tsaoa anoashu unu tsosi cristal shafacaficoin ointsa afain. Icafo nushmancayan unu afain. Nanno icafoan nan unu tsosi shara ayapaiyaitian ayatiro. Nannoashu nipanaca. Nannori fai nushmancayan ica. Unu ocama rafu nii shocoa. Nan nii ahuun fimi piipaiyaitian pitiro. Nanscarifiai Dios no fu ipacoiainno non ahuunoashu nipasharashquin. Nan nii oshutifi fimimisi. Ahuun pui tsasipacunacama ahuun shachoco funa shara ipanaca. Ahuunoashu manifoti non Dioshuunoashu muma funa shara ipanaca.

Apocalipsis 22:17

Ascano Diospan Yoshin Shara yafi Jesús ahuun yorafoanri nantifi yorafoqui isca huacani, —Jesusqui fucahuun, —yoiafoan. Tsoan nicacoiainton yoiqui isca huatiro, —Jesusqui fucahuun, —huatiro. Tsoa nomicoin unu yopai unu ano catiro ayatan ahuun nomi shatutiro. Nanscarifiai tsoan ahuun chaca shatupai Jesusqui otiro Upan Dios fu ipashquin. Ahuara inantamarocon Jesús icoinra huashu afu nipatiro.