Números 20:28 - Sharanahua: Diospan Tsain

²⁸ Machi mamaquinoa Aarón sahuutifo nan ichananti pano pushu muranshon sahuumisi Dios fu tsainshquin Moisés pucashon nanfo furun Eleazar sahuumani. Ascatan nan machi mamaquinoashu Aarón naani. Ascano Moisés yafi Eleazar machi mamaquinoashu fotonifo.

Números 20:28 Iomraidhean Croise

Éxodo 6:23

Ascano Aarón Elisabet fu fiananni. Nan Elisabet Aminadab ahuun facu. Naasón chico. Ascan Aarón futan Elisabet aton facu cainni aton anufo Nadab non Abiú non Eleazar non Itamar.

Números 20:1

Ascan nan oshu abril Israelifo tsoa istaipama ano noconifo. Ahuun anu Sin. Nanno mai ahuun anu Cades ano aton pano pushufo huanifo. Nanno icafoanno Moisés ahuun chipi María naacun mai huanifo.

Números 20:26

Ascatan Aarón ahuun sahuutifo nan ichananti pano pushu muranshon nutamisi un fu tsainshquin nan pucahuun. Ascashon furun nan apan sahuumisi sahuumahuun. Ascano nannoashu Aarón naitian ahuun shunifo fu iquicairan, —ishon nocon Ifo Diosin yoini.

Números 20:27

Ascatan nocon Ifo Diosin yononi cusca Moisés huani. Nantifi Israelifoan oiainno Aarón yafi furun fu Moisés machi Hor mamaqui fonifo.

Números 27:13

Nan oianshu min ochi Aarón nani cusca minrifi man min nai. Tsoa istaipama ahuun anu Sin nan unu Meriba Cades anoshon un min caifofo yonoa cusca ua nicacasmacaquin uqui tsain chaca huanifo. Ascafia min ochi Aarón yafi un mato yononi cusca man ua nicacasmani. Nan unu anocai min caifofo min ato ismama unfin fasi sharaquin ahua chacacai u fu itiroma. Ascacun na mai shara anocai min iquitiromaran, —ishon nocon Ifo Diosin Moisés yoini.

Deuteronomio 34:5

Nocon Ifo Diosin yoini cusca Moisés nan nocon Ifo Diosin ahuun oinmati nan Moab mai anoashu nani.

Deuteronomio 34:9

Nataima Moisés Josué manmanni Diospan Yoshin Shara Josué fu rafucacainno nan fasi tapimasharanon. Ascano nocon Ifo Diosin Moisés yononi cusca Josué Israelifo yoiaiton nan nicasharanifo.

2 Pedro 1:15

Un mato yoiri mun nafiano un mato yosimisi cuscan man ointiaquimanonma.