Números 20:2 - Sharanahua: Diospan Tsain

² Nannoshon unu fuchiyamacaicaquin Israelifoan Moisés yafi Aarónqui tsain chaca huanifo.

Números 20:2 Iomraidhean Croise

Éxodo 16:12

—Uqui tsain chaca huaifo cuscan mun nican. Nan uhuun tsain ato yoihuu isca huaquin, “Na yatapacu un mato nami inain. Ascashon funamari un mato misi inain. Piashu man mayan sharanon. Ascano man tapishquin unfin mato Ifo Diosiquin,” ishon nannori ato yoihuun, —ishon Moisés ato yononi.

Éxodo 16:2

Nanno nan mainfin uhuapan anoshon nantifi Israelifoan Moisés yafi Aarónqui tsain chipunifo. Fasi atoqui sinacaquin.

Éxodo 16:7

Ascano funamari nocon Ifo Diosi fasi sharacoincun man oincai. Ascashon man tapitiro Diosifin no fu icaquin. Ascafia man aqui tsain chaca huai cusca nocon Ifo Diosin man mato nican. Ascan noncai ahuama. Man shinan man nocoqui tsain chipuan. Mancai nocoqui tsain chipuama Diosiquifin man tsain chipumisiquin.

Números 14:2

Ascashon nantifishon Moisés yafi Aarónqui tsain chaca huanifo. Yoiquin isca huanifo, —Non Egipcio mai anoashu iyamarai tsoan istapaima anoashu non naa shara icuana.

Números 14:9

Ascacun nocon Ifoan noco yonopaiyai cusca potayamacahuun. Ahuun tsainri icoinra huacahuun. Nan mai ano yorafo icafoqui ratuyamacahuun. Nonfin ato finontiroquin ato rutuqui futsashquin. Nocon Ifo Diosin no fu ica. Nanscacun nanfoancai noco ahuusca huatiroma nococai tsoan rutuima. Ascacun ratuyamacahuun, —ishon Josué futan Caleb ato yoini.

Números 16:19

Coré nantifi Israelifo Moisés yafi Aarónqui shinanchacamani. Ascatan nantifi ahuun tanamisifo pano pushu ichananti caincaiti ano ato ichanan huani. Natianri nocon Ifo Diosin fasi sharacoiashu chashariscatanaino atoqui niriscatani.

Números 16:3

Ascatan Moisés yafi Aarón ano fonifo ato yoiquin isca huanifo, —Manfin nantifi finonpaicain. Nantifi Israelifofin nocon Ifo Diosin catoanquin ato yonoshquin. Mato fustimaquian. Nocon Ifo Diosin nantifi noco fu ica. ¿Ahuuscaimun man shinanquin noco niaifocoin man itiro noco yonoshquin? Nonfin nantifi nocon Ifo Diosin ahuun yorafoquin, —ishon nannori yoinifo.

Números 16:42

Ascan nan ichanancashon Moisés yafi Aarónhuunoa tsain chaca yoinifo nanfoan ichananti pano pushu oinnifo. Nantian Ifo Diosin nai coin murannoashu atoqui oni. Ascaiton oianfo fasi chashasharacoian ini. Tsoan ascara oinyomisima oincaquin tapinifo Ifo Diosi fusti nanscara sharacoin.