Números 20:1 - Sharanahua: Diospan Tsain

¹ Ascan nan oshu abril Israelifo tsoa istaipama ano noconifo. Ahuun anu Sin. Nanno mai ahuun anu Cades ano aton pano pushufo huanifo. Nanno icafoanno Moisés ahuun chipi María naacun mai huanifo.

Números 20:1 Iomraidhean Croise

Génesis 14:7

Ascasho Quedorlaomer yafi niaifo futsafo aton ranushumuafoya nasonifo En-mispat mai ano noconifo. Nan mai En-mispat ahuun anu futsa Cades ini. Nanno nantifi atoqui nocoashu rutunannifo. Nan Amalacitafo rutufain Amorreofori rutunifo. Nan Amorreofo Haseson-tamar mai ano ipaoni.

Éxodo 15:20

Ascano nantian Aarón ahuun chipi ahuun anu María nantorifi Diospan tsain ahuun yorafo yoimisi. Arifi Diosiqui fasi unimacoinquin ahuun manuti ahuun anu pandereta manuaino nantifi Israelifo ainfofoan a futan aton manutifo manuaino nantifi mononifo.

Éxodo 2:4

Ascano nan facushtan ahuun chipi nanno chaimashta nishon oinni ahuuscaratiroran ishon oinshquin.

Éxodo 2:7

Ascano nantian facushta ahuun chipin nishon nicani yoiquin isca huaiton, —¿Un Hebreo ainfo futsan mia ihuishotiromun na facu shoma amanon? —ishon yoiaiton.

Números 12:1

Nantian María futan Aarón ahuun ushto Moisésqui tsain chaca huanifo. Moisés ainfo Etiope caifo fiini. Nanscacun aqui tsain chaca huanifo.

Números 12:10

Ascatan nai coinmanhuan muran nocon Ifo Diosi ichananti pano pushu manaon inainacahuan cani. Catapaiyaino María ahuun caya fiananriscatan fasi oshopacoin nan yoa rama furoahuamua ointsacoin ini. Nocon Ifo Diosin yonoa cusca María pau ahuun anu leprosa fuchiriscatani.

Números 12:15

Ascano siete dia oshatacai María pano pushu rasi ahuun yorafo icano ato fu iyonima. Ascashon ahuun yorafoan siete dia oshatan mananifo nan atoqui afanan nasoaitian. Nan atoqui nasoano afanan a fu fonifo.

Números 13:21

Ascano Israelifo icanoashu fonifo tsoan istaipama ahuun anu Sin ano nocoshon oinnifo Rehob nan chaima Hamat ini.

Números 13:26

Ascano Moisés yafi Aarón non aton caifo Israelifo tsoa istaipama ahuun anu Parán nanno pushu rasi Cades ano inifo. Nanno nan doce nocofunufo atoqui nasonifo nan oianfo cusca ato tapimanifo.

Números 20:16

Ascano non nocon Ifo Diosin fasi cufini noco numanon. Nocon Ifo Diosin noco nicaquin ahuun oinmati a fu nai muran ica nocoqui nichini noco Egipcio mai anoshon iyonon. Natian non Cades ano nocoa. Nan pushurasi mato mai chaima ica.

Números 20:22

Ascan nantifi Israelifo Cades anoashu focanashu machi Hor ano noconifo.

Números 20:28

Machi mamaquinoa Aarón sahuutifo nan ichananti pano pushu muranshon sahuumisi Dios fu tsainshquin Moisés pucashon nanfo furun Eleazar sahuumani. Ascatan nan machi mamaquinoashu Aarón naani. Ascano Moisés yafi Eleazar machi mamaquinoashu fotonifo.

Deuteronomio 1:46

Ascashu man Cades mai ano iyopaoni.

Deuteronomio 2:14

Ascacun un mato tapimai non Cades-barnea anoashu canitian shushan Zered non pocufainnitian treinta ocho fari finoan ini. Nantian nocofunu iyoafofo Egipcio mai ari focanashu nantifi nai futsunifo. Nannori nocon Ifo Diosin yononi.

Deuteronomio 32:51

Mato rafu unu Meriba-cades anoshon un mato yononi cusca maton yorafoan aton ointaificai man anima. Un fasi sharacoincucai man ato ismanima.