Números 16:26 - Sharanahua: Diospan Tsain

²⁶ Atoqui nocotan Moisés nantifi Israelifo yoini isca huaquin, —Na yora chaca icanoashu foriscatacahuun. Ato ahuarari muunyamacahuun. Man ato ahuara muaino marifi aton chacahuunoashu man nai futsushquinran, —ishon Moisés ato yoini.

Números 16:26 Iomraidhean Croise

Génesis 19:17

Ascashu pushu rasi anoashu chaimashta fonifo. Ascashon Diospan oinmati futsan afanan ato yoini, —Ichoriscatahuun naashcaquima. Ifiacuyamacahuun. Machi nushmancayan rafu ano nituhuayamacahuun. Man machifo ano ichoyamaiton man nai cuyoshquin, —ishon ato yoiaiton.

Números 16:25

Ascaino Moisés funinacahuatan Datán non Abiram aton pano pushu ano atoqui ichoni. Israeli niaifo patasharinoafoanri mufainnifo.

Mateo 10:14

Ascan rato pushu futsa iyamarai pushurasi anoafoanari mato nicacasmaifoan atomaquinoashu focaquin maton sapato tatashacahuun. Ascaquifin man ato ismatiroquin mato nicacasmafain Diosirifi nicacasmaifo cuscan.

Hechos 13:51

Ato potaifoanno aton sapato potapota saquin Jesushuunoa nicacasmaifoan ismaifo. Ascatan Iconio ano fonifo.

Hechos 8:20

—Ma. Min shinan raca non puihuushon Diosin noco inanpaiyai cuscan non fitiro. Anorimafinquin. Ascano minfin min pui ya min maicain.

2 Corintios 6:17

Ascano icoinra huamafo icaifo cuscan ayamacahuun. Ato fu rafufafainyamacahuun. Ahua chaca huayamacahuun. Man ascaino un matofu iishquin.

1 Timoteo 5:22

Ascano ichananfo aton cushumisi catonriscayamahuu. Iquisi oinsharayohuu Jesús tanasharamisi iyamarai tanasharamamainquin. Tsoan ahuun chaca fomanpairiai cushumisi catonyamahuu. Ascaran min catoanfin mirifi min ahuun chaca fomanshonni cafiscaiquin. Ascacun ascayamahuu. Jesús cuscara isharacoinhuun. Ahua chaca huayamahuu.

Apocalipsis 18:4

Yoiquin asca huatanaino nai murannoashu un oi futsan nica isca huaquin, “Babilonia ano icafoan fasi chaca huamisi finacoianfo. Nan chaca huamisifo cuscan Upa Diosin ato oinshon ointiaquimanama. Ascashon ato onaintimacoinshquin, Upa Diosin, nan Babilonia anoafo futsafo chaca huamisifo cuscan mimacoin huaquin ato onaintimahuu omitsiscanonfo. Man yoiafo isca huaquin, ‘Noncai Dios yopaima. Non ahuashta yopatiroma. Nonfin isharamisiquin. Nonfin ainfon niaifocoin isharamisi cuscara. Noncai man funu amaqui naa ainfo funuoma cuscarama. Nanscara ainfo manoi omitsiscatiro. Noncai manotamarocon non isharapacunacaran,’ ishon cacapaimisifoan yoiafo.” “Ascan, Upa Diosin, ato fasi onaintimahuu omitsiscai tununonfoma. Icoinra huafoan ua nicasharacahuun. Upa Diosin ato samamashta onaintimacoinshquin afanan isharatamarocon atirifi namafain omitsiscamafain aton tushu cuyomashquin fonainquin naanonfo. Tsoan atiroma cuscan Upa Diosin ahuamamishti huatiro. Nanton ato onaintimai ato cooai cooi futsunonfo. Ascano Upa Diosin mato yoi isca huaquin, ‘Uhuun yoramishtichin, Babilonia anoafo cuscara iyamacahuun. Ato fu rafuyamacahuun. Ato futan chaca huayamacahuun un ato onaintimai cuscan un matori onaintimanonma,’ ” ishon Upa Diosin mato yoi.