Números 16:22 - Sharanahua: Diospan Tsain

²² Nannori nicacatan Moisés fu Aarón fuopacucahuan nocon Ifo Diosi cufinnifo isca huaquin, —Nocon Diosin, min nantifi yora niimamisi. Mia maisicai tsoa nipatiroma. ¿Ascafia nan nocofunu fustiton chaca huafiamun min nantifiqui sinaicai? —ishon nannori fasi curushcai cufinnifo.

Números 16:22 Iomraidhean Croise

Génesis 18:32

—Ifon, uqui sinayamahuu un fustishta afanan mia yocanon. ¿Min mucu rafuti yorafo min yonoa cuscan huamisifo fuchishonmun min nantifi cuyoiqui? —huaiton. —Ma. Un mucu rafuti yorafo un yonoa cuscan huamisifo fuchishoncai nanfohuunshon un Sodoma yafi Gomorra anoafo un ato ahuusca huaimaran, —ishon nocon Ifoan Abraham yoini.

Números 14:5

Nan nicacatan Moisés futan Aarón aton caifo Israelifo nanno ichanainno aton ointaifin fuopacucahuani nantifishon ointaifin.

Números 16:23

Ascaiton nocon Ifo Diosin Moisés cumani isca huaquin,

Números 16:4

Nannori yoiaifoan nicain Moisés maiqui fuopacuni.

Números 16:45

—Na yorafomaquinoashu fotacahuun un ato namariscanon, —ishon Ifo Diosin yoini. Nicacatan Moisés yafi Aarón Ifo Dios ointaifi maiqui fuoshon pacunifo.

Números 27:16

—Ifon, minfin nantifi yorafo nimaquin ninonfo. Ascacun nocofunu shara catonhuun uhuun caifoan aton niaifo inon ato raquira iyosharafain ato cushusharanon. Min yorafo aton cushumisi yopacani. Chashoanfo cushumisi maisi samamashta funotiro. Aton cushumisi yopacani. Nanscarifi ai uhuun yorafori cushumisi yopacani ato raquira iyofafainon, —ishon Moisés yoini.

Romanos 5:18

Ascano Adán chaca huanihuunoashu fusti nantifi namisifo. Nanscarifiai Jesús ahuun sharahuunoashu fusti nantifi aton chaca soashotiro ato omitsisca huatamarocon ato nimapacunon.

1 Corintios 13:7

Ascatan ahuara ahuuscarafiaino Dios noiquicai nocon nomuran non shinanchacatiroma. Ascashon non tunucointiro. Futsahuun noicoinquicai ahuunoa ahuara chaca nicafiaquin non icoinra huatiroma. Futsafohuunoa chaca nicafiashon non tapiyoshomacai non icoinra huayotiroma. —Ascayamapainonran, —ishon non shinantiro ahuun noiquin. Non Diosin noicoinquicai ahuara ahuuscara afiaiton non tunucointiro.

Hebreos 12:9

Nocon upafoan non facufocun noco onaintimapaoni. Ascacun non atohuunoa shinansharafain nonrifi ato nicacoinmisi. Ascan nocon Upa Diosin noco onaintimaiton non tunuquin finacointiro. Ascashon noco tapimapaiyai cuscain non fasi unimacain non isharatiro.