Números 16:21 - Sharanahua: Diospan Tsain

²¹ —Na yorafomaquinoashu foriscatacahuun un ato namarisca huaiquin, —ishon Upa Diosin Moisés yafi Aarón yoini.

Números 16:21 Iomraidhean Croise

Génesis 19:13

Non samamashta Sodoma yafi Gomorra cuyoicain. Diosin nai muranshon oian nunoa nantifi yorafoan chacacoin huamisifo. Ascacun noco nichian non ato nantifi cuyonon, —ishon yoiaifoan.

Génesis 19:14

Nicain Lot ahuun ainfacu rafutan chai funu rafu icano ichoni ato tapimai cai, —Cariscatahuun. Na pushu rasi Ifo Diosin cuyoiqui nantifin nunoa yorafo nanonfo. Ascacun ichotacahuun nashcaquima, —ishon Lotpan yoini. Ascafiaitocai tsoan icoinran huanima. —Lotpan noco cashu huairan, —ishon shinannifo.

Salmos 73:19

Ascacun fasi ratucoincani samamashta omitsiscapanacafo muran pacuashu afanancai anoashu tsoa raqui fopanacafoma.

Éxodo 32:10

Ascacun ua nituhuayamahuu. Natian un fasi atoqui sinacoin unfin ato namaquin futsashquicain. Ascano un mihuunshon mani futsafo ichapa sharafo un oni huashquiran, —ishon nocon Ifo Diosin Moisés yoini.

Éxodo 32:12

Min ato rutuaiton oinquin Egipciofoan yoishquin isca huaquin, “¿Ahuuscai ato Ifo Diosin Israelifo machi ano ihuuamun nannoshon ato rutuquin futsashquin?” ishon Egipciofoan yoishquicani. Ascacun uhuun Ifo ato rutuyamapun. Atohuunoa shinan futsapun ato rutushquima. Nan yorafohuunoa min shinain cusca afanan anori shinanyamapun.

Números 14:12

Natianfin un ato potaicain afanan uhuun yora inonfoma. Un pau isincoin ato fuchimani nantifi nai futsunonfo. Un asca huatan un minhuunshon caifo futsafo un oni huashquin. Nan min yorafoanfin Israelifo finoncoianfo fasi mutsisipacoin iishquicaniquin. Israelifocai ascarafo imisimaran, —ishon nocon Ifo Diosin Moisés yoini.

Números 14:15

Ascan min uhuun caifo natian namaquin cuyocun caifo futsafoan min noco ahuamamishti huashomisi cusca nicafiashon yoishquicani isca huaquin,

Números 16:20

Nantianri nocon Ifo Diosin Moisés yafi Aarón yoini isca huaquin,

Números 16:45

—Na yorafomaquinoashu fotacahuun un ato namariscanon, —ishon Ifo Diosin yoini. Nicacatan Moisés yafi Aarón Ifo Dios ointaifi maiqui fuoshon pacunifo.

Hechos 2:40

Yoitan afanan Pedronun ato tsain ichapa yoini. Ato yoiquin isca huani, —Maton chaca shatucahuun, uhuun yoramishtichin. Nocon caifo futan mani futsanfoanri man fasi chaca huamisifo. Ascarafo iyamacahuun. Jesús icoinra huacahuun mato numanon, —ishon Pedronun ato yoini.

2 Corintios 6:17

Ascano icoinra huamafo icaifo cuscan ayamacahuun. Ato fu rafufafainyamacahuun. Ahua chaca huayamacahuun. Man ascaino un matofu iishquin.

Apocalipsis 18:4

Yoiquin asca huatanaino nai murannoashu un oi futsan nica isca huaquin, “Babilonia ano icafoan fasi chaca huamisi finacoianfo. Nan chaca huamisifo cuscan Upa Diosin ato oinshon ointiaquimanama. Ascashon ato onaintimacoinshquin, Upa Diosin, nan Babilonia anoafo futsafo chaca huamisifo cuscan mimacoin huaquin ato onaintimahuu omitsiscanonfo. Man yoiafo isca huaquin, ‘Noncai Dios yopaima. Non ahuashta yopatiroma. Nonfin isharamisiquin. Nonfin ainfon niaifocoin isharamisi cuscara. Noncai man funu amaqui naa ainfo funuoma cuscarama. Nanscara ainfo manoi omitsiscatiro. Noncai manotamarocon non isharapacunacaran,’ ishon cacapaimisifoan yoiafo.” “Ascan, Upa Diosin, ato fasi onaintimahuu omitsiscai tununonfoma. Icoinra huafoan ua nicasharacahuun. Upa Diosin ato samamashta onaintimacoinshquin afanan isharatamarocon atirifi namafain omitsiscamafain aton tushu cuyomashquin fonainquin naanonfo. Tsoan atiroma cuscan Upa Diosin ahuamamishti huatiro. Nanton ato onaintimai ato cooai cooi futsunonfo. Ascano Upa Diosin mato yoi isca huaquin, ‘Uhuun yoramishtichin, Babilonia anoafo cuscara iyamacahuun. Ato fu rafuyamacahuun. Ato futan chaca huayamacahuun un ato onaintimai cuscan un matori onaintimanonma,’ ” ishon Upa Diosin mato yoi.