Números 16:16 - Sharanahua: Diospan Tsain

¹⁶ Ascashon Moisés Coré yoini isca huaquin, —Funamari uqui fucahuun min non min tanamisifo futan nocon Ifo Diosi ismashcaquin. Ascano Aarón arifin nuno matoqui oi.

Números 16:16 Iomraidhean Croise

Éxodo 16:9

Ascano Moisés ahuun ochi Aarón yoini isca huaquin, —Ochin, nocon caifo nantifi ichananhuashon afanan ato yoihuu isca huaquin, “Man nocon Ifoqui tsain chaca huafia. Natian aficoin mato cumai oa man nicanon. Nantifiton nicacahuun,” —ishon ato yoihuu Moisés Aarón yoini.

Números 12:4

Ascatan nantian nocon Ifo Diosin Moisés non Aarón non María yoini isca huaquin, —Ichananti pano pushu ano matotisi fotacahuun, —ishon ato yoini. Ascano nan rafunon fusti nannoashu ichananti pano pushu ano fonifo.

Números 16:15

Nannori huaifoan nicaquin Moisés atoqui sinaquin nocon Ifo Diosi cufini isca huaquin, —Nafoan mia ahuarafo ismapai min ato catonon. Ascafia ato catonyamahuu, Ifon. Uncai ato ahuara fustishta fianmisima. Aton burro fustishtacai un ato fianmisima. Uncai ato chaca huamisimaran, —ishon Moisés nocon Ifo Diosi cufini.

Números 16:17

Min non nan mia tanamisifo nan doscientos cincuenta yorafo maton pala uhuapamashta ahuara inin shara coaiton pala muran fucahuun nocon Ifo Diosi ahuun ointaifin ismashcaquin matomain catoanquin. Ascano Aarón arifin ahuun pala uhuapamashtaya oiran, —ishon Moisés Coré yoini.

2 Timoteo 2:14

Nan un mia yoia cuscan mifu ichananfo yoifafainhuun nicasharafain ointiaquimanonfoma. Nocon Ifohuunshon ato yoihuu tsain mutsamayamacain fochishmanantananonfoma. Ascaiton tsain mutsama yoicaquin ato shinanchacamatirofo.

1 Samuel 12:3

Unfin natian nuno noco Ifoan Diosi ointaifi non nocon niaifoan nan nocon Ifo Diosin catoan ahuun ointaifin un nia. Ua yoicahuun. ¿Unmain tsoan moi onunfain tsoan burro onunfain un tsoan paramisiquin? ¿Ascashomain un yorafo omitsiscamamisiquin? ¿Ascatari tsoan ua pui inanmun un mato fomanmisiquin ratoran futsa chaca huashquin? Un ratoran futsa chaca huamainquin ua yoicahuun un nanfo shara huanon, —ishon Samuel nannori ahuun caifo Israelifo yocani.

1 Samuel 12:7

Nan nocon Ifo Diosin nocon shunifo shara huashofain nocorifi shara huashomisi cuscan un natian mato shinanmani.