Números 14:16 - Sharanahua: Diospan Tsain

¹⁶ “Aton Ifon Diosin nan Israelifo yoiyoni mai futsa shara ato inanshquin. Ascafiashocai nan mai ano ato iyotiroma. Ascano tsoa istaipamashon ato rutuquin futsaran,” ishon yoishquicani.

Números 14:16 Iomraidhean Croise

Éxodo 32:12

Min ato rutuaiton oinquin Egipciofoan yoishquin isca huaquin, “¿Ahuuscai ato Ifo Diosin Israelifo machi ano ihuuamun nannoshon ato rutuquin futsashquin?” ishon Egipciofoan yoishquicani. Ascacun uhuun Ifo ato rutuyamapun. Atohuunoa shinan futsapun ato rutushquima. Nan yorafohuunoa min shinain cusca afanan anori shinanyamapun.

Números 14:17

Ascacun natian ato ismahuu min ahuamamishti huatiro. Min yoimisi cusca huahuun.

Josué 7:7

Ascashon Josué nocon Ifo Diosi cufini isca huaquin, —Nocon Ifo Diosin, min nantifi iquina. ¿Ahuuscai min noco unu Jordán anoshon nuquiri ihuuamun Amorreofoan noco rutunonfo? ¡Ohuashta! Non unimacuana unu Jordán ocuma futsa non nitua shara icuana.

Josué 7:9

Nan Cananeofo non nan mai futsa icanoafoan nicacani Hai ano icafoan noco finoncoianfo nanfori nocoqui fucashon noco tarati huayacushquicani noco rutuqui futsashcaquin. ¿Ascano mani futsafoan mihuunoa raqui shinanshquicanimun? Min ahuamamishti huatirofiacun shinantirofo mincai noco cushusharatiroma. ¿Ascacun min ahuusca huatiromun min ahuamamishti huatiro afanan mihuunoa shinanonfo? —ishon Josué nocon Ifo Diosi cufini.