Números 14:1 - Sharanahua: Diospan Tsain

¹ Ascano nantian aton caifofo Canaán mai anoashu nasonifo yoiafo cusca nicacanashu Israelifo fasi oiashcafinin uaishinifo.

Números 14:1 Iomraidhean Croise

Éxodo 13:17

Nan Faraón Israelifo Egipcio mai anoshon nichiaitian nocon Ifo Diosin shinanquin isca huani, —Na maifin Un Israelifo inaincai un ato cayacafi nanno ato iyoaitian Filisteofo mai ano nocotirofo. Nanno nocoaifotian Filisteofoan ato rutupaiyaifoanno ratucani Egipcio mai ano nasotirofo. Ascacun un ato cayacafi iyotamarocon un ato fai futsa iyoshquin.

Éxodo 33:4

Afanan nocon Ifo Diosin Moisés yoini, —Min yora Israelifo ua yoishohuun isca huaquin, “Manfin nicacasmamisifoquin. Un mato fu chaima shara caaquin un mato rutuqui futsashquiraca. Nanscacun maton tuhuuti non maton parotamutifo nanscarafo mato ahuara pucacahuun un mato acai cusca un shinaintian,” ato yoihuun, —ishon nocon Ifo Diosin Moisés yoini. Nannori yoiaiton nicacani Israelifoan fasi shinancoinnifo. Ascano machi ahuun anu Horeb anoshocai aton tuhuuti non aton parotamutifo non nanscarafocai afanan sahuutama. Pucanifo.

Números 13:13

Mani futsafoan ahuun anu Aser aton niaifo Setur catonni. Nan Setur Micael facu ini.

Números 13:33

Ascatari non oian Anac ahuun funafo nocofunufo uhuapacoin fasi cuyamasocoian. Non atoqui nococun noco oinshquicani nan ocutsuru ointsafo. Non ato ointan nofiri non oinmua nan ocutsuru ointsamishti non oinmushquiran, —ishon yoinifo.

Números 14:2

Ascashon nantifishon Moisés yafi Aarónqui tsain chaca huanifo. Yoiquin isca huanifo, —Non Egipcio mai anoashu iyamarai tsoan istapaima anoashu non naa shara icuana.

Deuteronomio 1:26

Nannori noco yoifiacatan nocon Ifo Diosin mato yononi cuscacai man huapaima. Man ari focasmai.

Deuteronomio 1:45

Ascano man nasoatian nocon Ifo Diosi man uaishofiaintocai mato nicapainima.