Números 13:22 - Sharanahua: Diospan Tsain

²² Ascano nan mai ahuun anu Néguev anoashu focani pushu rasi ahuun anu Hebrón ano noconifo. Nan Hebrón ano nocofunu ahuun anu Anac ipaoni. Nantian ahuun funafo nan nocofunufo Ahimán non Sesaí non Talmai non afo icafo ini. Nan pushu rasi Hebrón oni huanitian siete fari finontan chipo nan pushu rasi ahuun anu Zoán mai Egipto ano oni huani.

Números 13:22 Iomraidhean Croise

Génesis 13:18

Ascaiton nicashon Abram ahuun pano pushufo nii ichapa ano foni. Ascashon nanno anuni Hebrón. Nocofunu ahuun anu Mamre arifi nanno chaimashta ica ini. Abram nocon Ifo Diosi yoisharapaiyaiton afanan toquirifo putsainishon Ifo Diosi cufinni ahuunoa yoisharanon.

2 Samuel 2:1

Ascan chipo David nocon Ifo Diosi yocani isca huaquin, —¿Uhuun Ifon, un pushu rasi Judá mai ano caashquimun nanno ishquin? —ishon yocaiton. —Ai. Nanno catahuun, —ishon nocon Ifo Diosin cumani. —¿Rato pushu rasi ano un caimun? —ishon yocaiton. —Hebrón ano catahuun, —ishon Ifo Diosin David cumani.

Números 13:17

Ascatan Moisés ato nichini mai Canaán ari ointanonfo. Ascano ato yoini isca huaquin, —Fari oai istafari Néguev mai anori fotacahuun. Nanno machifo ano oinshcaquin.

Números 13:28

Ascafia nanno icafo yorafo fasi mutsisipacoinfo. Aton pushu rasi uhuapacoin. Ascanori cunu cuyacoin tarati huayacunafo. Tsoacai ato muran iquitiroma. ¡Musucoin! Ascatari non oian Anac ahuun funafo. Aton shuni cuscarafo fasi uhuapacoinfo.

Números 13:33

Ascatari non oian Anac ahuun funafo nocofunufo uhuapacoin fasi cuyamasocoian. Non atoqui nococun noco oinshquicani nan ocutsuru ointsafo. Non ato ointan nofiri non oinmua nan ocutsuru ointsamishti non oinmushquiran, —ishon yoinifo.