Números 12:7 - Sharanahua: Diospan Tsain

⁷ Ascanfia nan uhuun oinmati Moisés fu un tsaincaitiancai un namapanhuunoa yoimisima. Tsoa futsacai Moisés cuscarama. Un Moisés yoimisi cuscacoin samamashta ua huashomisi. Uhuun oinmati futsafocai Moisés cuscarama. Nantofin nantifi finoncoianquin.

Números 12:7 Iomraidhean Croise

Éxodo 33:11

Ascatan pano pushu ichananti murannoashu nocon Ifo Diosin Moisés fu yoinonanni. Nan a fu rafua fu yora tsaintiro cusca ai nocon Ifo Diosin Moisés fu tsainni. Tsainquin unutan Moisés afanan ahuun caifo icano nasoni. Ascano nan Moisés fu rafumisi Josué Nunpan facu nan ichananti pano pushu muran nituyoni.

Mateo 11:11

Un mato icon yoi. Tsoashtacai Juan finoanma. Ascashon Juanpan tsain yoimisi cuscaricai tsoan ascara yoiyomisima. Ascafia Dios niaifo icanoafoan yoisharatirofo cuscacai Juanpan nicayamafain nanfoan oianfo cuscaricai Juanpan oinyomisima. Ascashon nantifi Dios icanoafoan Juan finoanfo.

Mateo 11:9

¿Ascan ahuuscai oinpai man fonimun? Man shinanraca Diosin tsain yoimisi Juan oincai man cani. Ascafia nan icon. Juanpan Diosin tsain yoimisifia nanton yoimisi cuscacai tsoa futsafoan anori yoimisima.

1 Corintios 4:2

Ascan non Cristo oinmatifocun Diosin noco yononi isca huaquin, —Un mato yoiai cuscan huafain ato yoicahuun. Yoiyamacaquima, —ishon noco yononi.

Deuteronomio 34:5

Nocon Ifo Diosin yoini cusca Moisés nan nocon Ifo Diosin ahuun oinmati nan Moab mai anoashu nani.

Josué 1:1

Ascatan Moisés niyoatian a fu rafumisiton nan yopai cuscan ashomisi ahuun anu Josué. Moisés Diospan oinmati ipaoni. Ascano Moisés nano nocon Ifo Diosin Josué cunani.

Josué 1:2

Yoiquin isca huani, —Uhuun oinmati Moisés man naa. Ascano min natian min caifoan aton niaifo min itiro. Un na mai shara mato inain min caifofo min nanno ato iyotiro unu Jordán pocufaitan nan mai shara fiishcaquin.