Números 12:13 - Sharanahua: Diospan Tsain

¹³ Nannori Aarón yoiaiton nicaquin Moisés nocon Ifo cufinni isca huaquin, —Uhuun Diosin, uhuun chipi caya huapun, —ishon nannori ahuun chipi cufinshoni.

Números 12:13 Iomraidhean Croise

Génesis 20:17

Abimelec Sara ahuun pushu muran ihuuni ahuin huapaiquin nantiari nocon Ifo Diosin yononi cuscan rato ainfoancai Abimelec pushu anoshon facu atiroma iyoni. Ascano Abraham Diosi cufini niaifo caiyanon. Ainfofohuunoari cufini afanan facu nanunonfo.

Éxodo 15:26

—Nan un mato yonoai cuscan ua man nicasharaitocai un mato nan Egipciofo pau futsa futsatapafo fuchimamisi cuscacai nan pau man fuchishquima. Unfin maton Ifoquin. Un mato caya huamashquiran, —ishon nocon Ifo Diosin Israelifo yoini.

Éxodo 4:7

Ascano Diosin afanan Moisés yoini isca huaquin, —Min mucu man afanan min sahuuti muran muihuu, —ishon yoini. Muitan ahuun mucu tsucafuraquin oian ahuun mucucai afanan lepra yamai ini. Nan ahuun caya cuscara muma sharacoin ini.

Números 11:2

Ascaiton oincani fasi fiisiyanan ratucoincaquin Moisés cunanifo. Ascano Moisés ato Upa Diosi cufinshoni. Moisés cufiainton nicaquin Upa Diosin chiihuan noca huani nantifi coononfoma.

Números 12:12

¡Nocon chipi shinanpun, ushton! Nan facu cainpai ahuan shaqui murannoashu naashu samamashta chacanai payocotiro cusca nocon chipi ascanonma, —ishon Aarón Moisés yoini.

Números 14:2

Ascashon nantifishon Moisés yafi Aarónqui tsain chaca huanifo. Yoiquin isca huanifo, —Non Egipcio mai anoashu iyamarai tsoan istapaima anoashu non naa shara icuana.

Números 16:41

Nansca huafiacatan iyoconaino afanan Israelifoan Moisés yafi Aarónqui tsain chaca huanifo isca huaquin, —Nan man rafutafin Ifo Diospan ahuun yorafo rutuaquin, —ishon yoinifo.

Lucas 23:34

Ascashon mastaifoan Jesús Apa cufini, —Upan, ato rau huahuu. Ua isca huaifo cuscan tsoan tapiamaquin. Un min facufiacun tapiafoma, —ishon Jesús apa cufini. Mastacatan ahuun sahuuti pashcananshcaquin. Aya cashuti ya cashunifo nan finonmanaton ahuun sahuuti fiqui tau huani.

Lucas 6:28

Tsoan mato chaca huai copitama rau huafain ato yoisharacahuun. Tsoan mato roafiacun ato Dios cufishocahuun.

Hechos 7:60

Yoitan ratoconun mai chachishon oi ashcafinin yoini, —Ifon, ua chaca huafiaifoan ato numahuu. Ato rau huahuun, —ishon yoini. Yoitan nani.

Romanos 12:21

Ascan futsafoan mato chaca huapaiyaifoan marifi copiquiri ato chaca huayamacahuun. Chaca ifo huayamacahuun. Ascatama shara huafafaincahuun. Asca huaquin man chaca potatiro.

Santiago 5:15

Man icoinra huacoinshon isinincaifo man cufishonaino cayasharatiro muma shara itiro. Nanton chaca huamisicun Upa Diosin a caya huafain ahuun chaca soashotiro.

1 Samuel 12:23

Un mato nocon Ifo Diosi cufinshoyamaquin un aqui chaca huatiro. Ascan unfin mato Upa Diosi cufinshofafainniquin. Nan un mato tapimanai cuscan man isharafain man cayacafi shara nocon Ifo tanasharanon.

1 Samuel 15:11

—Saúl ua tanasharayamafain un yonoa cuscan afanan ua nica sharaima. Ascan uhuun nomuran mun fasi shinain. Un Saúl catonyamani niaifo icama shara icuanaran, —ishon nocon Ifo Diosin Samuel yoiaiton nicaquin Samuel arifi fasi shinancoinni. Yamutishon nocon Ifo Diosi cufinshini.