Números 12:11 - Sharanahua: Diospan Tsain

¹¹ Nanscaiton oinquin Aarón ahuun ushto Moisés yoini isca huaquin, —¡Ohuashta! Ushton, non fasi amaquiri shinancoian. Non mia chaca huahuunshon noco onaintimayamapun.

Números 12:11 Iomraidhean Croise

Números 11:2

Ascaiton oincani fasi fiisiyanan ratucoincaquin Moisés cunanifo. Ascano Moisés ato Upa Diosi cufinshoni. Moisés cufiainton nicaquin Upa Diosin chiihuan noca huani nantifi coononfoma.

Números 12:12

¡Nocon chipi shinanpun, ushton! Nan facu cainpai ahuan shaqui murannoashu naashu samamashta chacanai payocotiro cusca nocon chipi ascanonma, —ishon Aarón Moisés yoini.

Hechos 8:24

—Ua Ifo Jesús cufishohuun min ua yoia cuscan ua Diosin onaintimanonma, —ishon Simón cumani.

Apocalipsis 3:9

“Futsafo arifi Judio cainfianishaquicai ua icoinra huafoma. Ascan nanfocai Diospan yorama. Nanfo chanimisifo. Ascacun un ato yonoshquin mato fuoshopacufoan yoinonfo isca huaquin, ‘Icon. Diospan Furun matohuun noicoin,’ ishon matohuunoa yoishcani.

1 Samuel 12:19

Ascashon Samuel yoiqui isca huanifo, —Nonfin nocon Ifo Diosi chaca huamisiquin. Nonfin chaca huaquin finacoinmisiquin. “Noco niaifo futsa catonshonhuun,” ishon non yoia. Natian nocon Ifo Diosi noco cufinshohuun. Min noco cufinshoyamaino non nai futsutiroquin, —ishon Israelifoan ratucoincaquin nannori Samuel yoinifo.

1 Samuel 2:30

“Un yoiyoni cuscan min non min yorafo non min shunifori man Israelifohuunoa ua cufinshomisifo cuscacai unupacunacama. Ascafia man fasi chaca huahuunshoncai man afanan mato caifo Israelifo ua cufinshomisi itiroma. Un natian shinan futsa. Tsoan futsafo uhuunoa shinanmasharacun urifin atohuunoa futsafoan ointaifi un yoi sharashquin. Ascan tsoan uhuunoa futsafo shinanmasharayamaiton urificai atohuunoa un shinansharatiroma.